ဘူးသီးတောင်မြို့နယ်တောင်ပိုင်းကျေးရွာများက လူပေါင်း ၁၂၀၀၀ ခန့် စစ်ဘေးရှောင်
1.6K
ရခိုင်ပြည်နယ်၊ ဘူးသီးတောင်မြို့နယ်တောင်ပိုင်းမှာ ပစ်ခတ်တိုက်ခိုက်မှုတွေကြောင့် ရခိုင်တိုင်းရင်းသားကျေးရွာတွေနဲ့ ဘင်္ဂါလီ ကျေးရွာတွေအပါအ၀င် ကျေးရွာ ၂၀ ကျော်ရှိ လူဦးရေ ၁၂၀၀၀ လောက် နေရပ်စွန့်ခွာ ထွက်ပြေးနေရတယ်လို့ ဘူးသီးတောင်မြို့နယ် ပြည်သူ့ လွှတ်တော်ကိုယ်စားလှယ် ဦးအောင်သောင်းရွှေက ပြောပါတယ်။
မတ်လ ၃၀ရက်နဲ့ ၃၁ ရက် မနက် ၉ နာရီစပြီး ကျေးရွာတွေအနီးကို လက်နက်ကြီးတွေ ကျရောက်ပေါက်ကွဲတဲ့အတွက်ရွာသားတွေ ဘေးလွတ်ရာကို ထွက်ပြေးတိမ်းရှောင်နေကြရတာလို့ ဆိုပါတယ်။
“ကျေးရွာပေါင်း ၂၀ ကျော်လောက် ထွက်ပြေးနေကြရတယ်။ ဘူးသီးတောင်တောင်ပိုင်း ကျေးရွာအားလုံးလို့ ပြောလို့ရတယ်။ ရခိုင်ကျေးရွာ၊ ဘင်္ဂလီကျေးရွာ အားလုံးပါတယ်။ ကျေးရွာ အုပ်စုတွေက ၆ အုပ်စု ရွာပေါင်း ၂၀ ကျော်၊ လူဦးရေ ၁၂၀၀၀ ကျော်ရှိမယ်။ ထွက်ပြေးနေတဲ့ ရွာသူသားတွေက ဒုက္ခသည်စခန်းကို ၀င်သူရှိတယ်။ စခန်းမ၀င်ဘဲ ဘူးသီးတောင်မြို့က နီးစပ်ရာ ဆွေမျိုးတွေထံမှာ နေထိုင်ကြတာရှိတယ်”လို့ လွှတ်တော်ကိုယ်စားလှယ် ဦးအောင်သောင်းရွှေက ပြောပါတယ်။
ထွက်ပြေးနေကြရတဲ့ ကျေးရွာတွေကတော့ စံဂိုးထောင်၊ ဥယျာဉ်သာ၊ ချရှားတောင်၊ နွားရုံတောင်၊ ဆင်သေပြင်၊ ထိပ်တူးပေါက်၊ ဖုံညိုလိပ်၊ သရက်ပြင်၊ ကံပြင်၊ ကွမ်းတောင်၊ တောင်ရွာ၊ ခေါင်းတိုက်၊ အာဘူရွာ၊ အလယ်ချောင်း၊ စပါးထား၊ စည်တောင်၊ တောင်ချေရွာ၊ သိုင်းတဘုတ်၊ ကျောက်ပြင်ဆိပ်၊ ရေချမ်းပြင်၊ ကင်းတောင်၊ ကျောက်ရံ စတဲ့ ကျေးရွာတွေ ဖြစ်ပါတယ်။
ဆင်သေပြင်မှာတော့ အိမ်ထောင်စု ၃၀၀ ကျော် လူဦးရေ ၁၈၀၀ ကျော်ထွက်ပြေးသွားတယ်လို့ ဆင်သေပြင်ဘင်္ဂလီကျေးရွာတာဝန်ခံ မာမတ်အီလီယက် ကပြောပါတယ်။
"ရွာတွေမှာ ယောက်ျားတွေသာ ကျန်ပါတယ်။ အမျိုးသမီးတွေ ကလေးတွေ သက်ကြီးရွယ်အိုတွေ အားလုံးထွက်ပြေးသွားကြပါပြီ။ ထိပ်တူးပေါက်မှာက ရွာမှာ ဘယ်သူမှ မကျန်တော့ပါ။ အိမ်ထောင်စု ၄၀၀ ကျော်၊ လူဦးရေ ၄၀၀၀ ကျော် လောက်ထွက်ပြေးသွားကြပါပြီ။ လက်နက်ကြီးကျလို့ ဒဏ်ရာရသူတွေကတော့ ဆင်သေပြင်မှာ တဦး အဘူးရွာမှာ ၃ ဦးနဲ့ ကျောက်ရံမှာ မိုင်းထိပြီးသေတာ တဦးရှိပါတယ်။ မနေ့ကလည်း စပါးထားကျေးရွာဘက်က လက်နက်ကြီးသံတွေ ကြားနေရပါတယ်။ ထွက်ပြေးသွားသူတွေကတော့ ဘူးသီးတောင် မြောက်ပိုင်းက ဘင်္ဂါလီကျေးရွာတွေဖြစ်တဲ့ ဆေးအိုးကျနဲ့ ဒိုးတန်း အပြင် ဖုံညိုလိပ်၊ နနွင်းတူးစတဲ့ ကျေးရွာတွေမှာ နေထိုင်နေကြပါတယ်။ အထွေထွေအုပ်ချုပ်ရေးနဲ့ လူကယ်ပြန်က လာရောက်ကူညီထောက်ပံ့ထားတာရှိပါတယ်" လို့ ပြောပါတယ်။
ဘင်္ဂါလီစစ်ဘေးရှောင်ဒုက္ခသည်တွေကတော့ ဖုံညိုလိပ်ကျေးရွာဒုက္ခသည်စခန်း၊ နနွင်းတူး ကျေးရွာဒုက္ခသည်စခန်း၊ ဘူးသီးတောင်မြောက်ပိုင်းက ဆပ်အိုးကျ၊ ဒိုးတန်းစတဲ့ ကျေးရွာတွေမှာ နေထိုင်နေကြပါတယ်။
ရခိုင်စစ်ဘေးရှောင်ဒုက္ခသည်တွေကတော့ သေကံခွဆုံကျေးရွာ ဘုန်းကြီးကျောင်း ဒုက္ခသည်စခန်း၊ ဘူးသီးတောင်မြို့ပေါ်ရှိ ရန်အောင်မြေဘုန်းကြီးကျောင်း စစ်ဘေးရှောင်ဒုက္ခသည် စခန်းနဲ့ ရွှေကျင်ဘုန်းတော်ကြီးကျောင်း ဒုက္ခသည်စခန်းတို့အပြင် မြို့ပေါ်နီးစပ်ရာဆွေမျိုးတွေထံ သွားရောက် ခိုလှုံနေကြပါတယ်။
ဗညား
