ကျောင်းသား ၂ ဦးအား ပစ်သတ်ခဲ့သည့် PNA ပြည်သူ့စစ်တပ်သားကို ဖမ်းဆီးအမှုဖွင့်
DVB
·
April 1, 2019
ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ် တဘက်ကျေးရွာအုပ်စု မဲဟဲရွာ ဘုန်းတော်ကြီးကျောင်းမှာ ၈ နှစ်အရွယ် ကျောင်းသား ၂ ဦးကို PNA ပြည်သူ့စစ်တပ်သားတဦးက သေနတ်နဲ့ပစ်သတ်မှု ဖြစ်ပွားခဲ့ပါတယ်။
PNA ပြည်သူ့စစ်အဖွဲ့ဝင် ဦးဖွားဟာ ဘုန်းကြီးကိုမကျေနပ်တဲ့အတွက် ဘုန်းကြီးကျောင်းကို တက်ပြီး ပြဿနာရှာကာ ဘုန်းကြီးက ဆုံးမတားထားတဲ့ကြားက သေနတ်ပစ်ခတ်မှု ဖြစ်ပွားခဲ့ တယ်လို့ သိရပါတယ်။
“သူက မူးနေလား ကြောင်နေလားမသိဘူး။ ပြဿနာရှာနေတာ တားထားတဲ့ကြားက သေနတ်ပစ်လိုက်တာ ကိုရင်ဝတ်ဖို့ ဘုန်းကြီးကျောင်းကိုရောက်နေတဲ့ ကိုရင်လောင်းကို ပစ်သတ်မိတာ၊ ခုလိုဖြစ်တော့ စ်ိတ်မကောင်းဘူး”လို့ မဲဟဲကျောင်းထိုင်ဆရာတော် ဦးနေရိန္ဒက မိန့်မှာခဲ့ပါတယ်။
အဲဒီ PNA အဖွဲ့ဝင်ဟာ ရွာတွင်းမှာ သူ့မိန်းမနဲ့ရန်ဖြစ်တိုင်း သေနတ်ဖောက်လေ့ရှိပြီး ရှင်ပြုပွဲအတွက် အစည်းအဝေးလုပ်တုန်းက ဆရာတော်ဆုံးမဖူးတဲ့အတွက် ဘုန်းကြီးကို မကျေနပ်တာလို့ ဒေသခံတွေက ယူဆကြပါတယ်။
ပြည်သူ့စစ် တပ်သား (အွိုင်း) အဖွဲ့ဝင် ဖြားဖွားသည် ဆီဆိုင်ရဲတပ်ဖွဲ့နဲ့ တဘက်အုပ်စု PNA ပြည်သူ့စစ်အဖွဲ့က ဝိုင်းဖမ်းပြီး ဆီဆိုင်မြို့မရဲစခန်းမှာ အရေးယူထားတယ်လို့ သိရပါတယ်။
အဲဒီကိစ္စနဲ့ပတ်သက်ပြီး PNA ပြည်သူ့စစ်ဗဟို စစ်ဦးစီးချုပ် ဗိုလ်မှူးကြီး ခွန်ဇော်ပျံကို ဆက်သွယ်မေးမြန်းရာမှာ “ကျနော်တို့ ပြည်သူ့စစ်အနေနဲ့ အရေးယူဖို့တော့ မရတော့ဘူး။ ရဲလက်ထဲ ရောက်သွားပြီဆိုတော့ တရားဥပဒေအတိုင်း သွားရမှာပေါ့” လို့ ပြောပါတယ်။
သေဆုံးသွားတဲ့ ကျောင်းသားကလေးငယ်ဟာ ဆီဆိုင်မြို့နယ် နောင်ကျောကျေးရွာအုပ်စု လုံးဖိုးရွာနေ အသက် ၈ နှစ်အရွယ် ခွန်ကျော်သန်းနဲ့ ခွန်ကျော်လေး တို့ဖြစ်ပါတယ်။
ပြစ်မှုကျူးလွန်သူ PNA အဖွဲ့ဝင် ဦးဖွားကို ဆီဆိုင်မြို့မ ရဲစခန်း ပုဒ်မ ၃၀၂ နဲ့ အမှုဖွင့်ထားကြောင်း သိရပါတယ်။
ခွန်ရာဇာ