A d v e r t i s e m e n t With Us

ဗြိတိန် ဝန်ကြီးချုပ်ကို ရာထူးမှ နုတ်ထွက်ပေးရန် အတိုက်အခံခေါင်းဆောင် တောင်းဆို

ဗြိတိန် ဝန်ကြီးချုပ် ထရီဆာမေရဲ့ ဘရက်ဇစ်သဘောတူညီချက်ကို  ပါလီမန်မှာ တတိယအကြိမ် ပယ်ချပြီးနောက် မတ်လ ၂၉ ရက်က အတိုက်အခံ လေဘာပါတီ ခေါင်းဆောင် ဂျရယ်မီကိုဘင်က ဝန်ကြီးချုပ်မေကို ရာထူးကနေ နုတ်ထွက်ပေးဖို့ တောင်းဆိုလိုက်ပါတယ်။ “ဒီသဘောတူညီချက်ဟာ ပြောင်းကိုပြောင်းလဲရမယ်ဆိုတာ ပါလီမန်က ရှင်းရှင်း လင်းပြောလိုက်တာဖြစ်တယ်။ ဝန်ကြီးချုပ်အနေနဲ့ ဒါကို လက်မခံနိုင်ရင် နုတ်ထွက်ရမှာပဲ ဖြစ်တယ်။ မရေရာတဲ့ အနာဂတ် ရက်မှာ မဟုတ်ဘဲ အခုပဲ အထွေထွေရွေးကောက်ပွဲကနေ တဆင့် ဗြိတိန် အနာဂတ်ကို ဆုံးဖြတ်နိုင်ပါတယ်” လို့ ဂျရယ်မီကိုဘင်က ပြောခဲ့ပါတယ်။ မတ်လ ၂၉ ရက်က ဝန်ကြီးချုပ်မေရဲ့ ဘရက်ဇစ်သဘောတူညီချက်ဟာ ၃၄၄ မဲ - ၂၈၆ မဲနဲ့ ပါလီမန်မှာ ရှုံးနိမ့်ခဲ့ပါတယ်။ ဒီသဘောတူညီချက်ဟာ ဘရက်ဇစ်ဖြစ်ပေါ်စေမယ့် နောက်ဆုံး အခွင့်အရေး ဖြစ်ပြီး တကယ်လို့ ရှုံးနိမ့်ခဲ့ရင် ဧပြီ ၁၂ ရက်ကို ကျော်လွန်မယ့် ကာလရှည် ကြန့်ကြာမှု ဖြစ်ကောင်းဖြစ်နိုင်တယ်လို့ ဝန်ကြီးချုပ်မေက သတိပေးထားပါတယ်။

A d v e r t i s e m e n t With Us

More News
Up