ကုတင် ၅၀၀ ဆန့် စံပြဆေးရုံကြီးတွင် ဝန်ထမ်းအင်အား လိုအပ်ဟု ဆေးရုံအုပ်ပြော
သူဇာလင်း
·
March 22, 2019
ကုတင် ၅၀၀ ဆန့် သင်္ဃန်းကျွန်း စံပြဆေးရုံကြီးမှာ ဝန်ထမ်းအင်အား လိုအပ်ချက် ရှိနေတယ်လို့ ဆေးရုံအုပ် ဒေါက်တာလတ်လတ်အေးက ပြောပါတယ်။
လက်ရှိမှာတော့ သင်္ဃန်းကျွန်း စံပြဆေးရုံကြီးမှာ ဆရာဝန်၊ သူနာပြုနဲ့ အလုပ်သမား အပါအဝင် ဝန်ထမ်းအင်အား အယောက် ၆၀၀ နီးပါး တာဝန်ထမ်းဆောင်နေပြီး နေ့စဉ် အတွင်းလူနာ အယောက် ၈၀၀ လောက်နဲ့ ပြင်ပလူနာ အယောက် ၃၀၀ ကျော်ကို ဆေးကုသပေးနေတယ်လို့ ပြောပါတယ်။
ဒါ့အပြင် လက်ရှိ ကုတင် ၅၀၀ ဆန့် ဆေးရုံကနေ ကုတင် ၁၀၀၀ ဆန့် ဆေးရုံအထိ တိုးချဲ့ပြောင်းလဲသွားဖို့ကိုလည်း တင်ပြထားတယ်လို့ ဆေးရုံအုပ်က ဆိုပါတယ်။
မတ်လ ၁၄ ရက်နေ့ကလည်း သင်္ဃန်းကျွန်းပြည်သူ့ဆေးရုံကြီးမှာ ၆ ထပ် အဆောင်အသစ်ကို ဖွင့်လှစ်ခဲ့ပါတယ်။
