လေ့လာရေးသွားသည့် ထိုင်းကျောင်းကားတစီး တိမ်းမှောက်၊ ကျောင်းသူ ၁ ဦးသေဆုံး

ထိုင်းနိုင်ငံအရှေ့ပိုင်း ပရကျင်းပူရီခရိုင်ထဲမှာ ဒီနေ့မနက် စောစောက နွေကျောင်းပိတ်ရက် လေ့လာရေးခရီးသွား ကျောင်းကားတစီး တိမ်းမှောက်ပြီး အထက်တန်းကျောင်းသူတဦး ပွဲချင်းပြီးသေဆုံးကာ ၁၉ ဦး ဒဏ်ရာရသွားတယ်လို့ မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။ ဒီနေ့မနက် ၆ နာရီလောက်က ပရကျင်းပူရီခရိုင် နားထီးမြို့နယ် ဝပ်ထပ်လန်း ဘုန်းကြီးကျောင်းရှေ့ လမ်းအကွေ့ပေါ်မှာ ခရီးသည်တင် နှစ်ထပ်ကားတစီး တိမ်းမှောက်ကြောင်း သတင်းရတဲ့အတွက် လူနာတင်ယာဉ်တွေနဲ့အတူ သွားရောက်စစ်ဆေးခဲ့တယ်လို့ မြို့နယ် အရေးပေါ်ကယ်ဆယ်ရေး ဝန်ထမ်းက သတင်းထောက်တွေကို ပြောပါတယ်။ အဲဒီနှစ်ထပ်ယာဉ်ဟာ ကားလမ်းဘေးကို ထိုးကျသွားတာဖြစ်ပြီး သေဆုံးသူတဦး၊ ဒဏ်ရာရသူ ၁၉ ဦးရှိကြောင်း၊ သူတို့ကို နားဒီးနဲ့ ကဘင်ပူရီ ဆေးရုံကို ပို့ဆောင်ပေးခဲ့တယ်လို့ ဆိုပါတယ်။ ကားပေါ်ပါလာတဲ့သူတွေ ပြောပြချက်အရ သူတို့ဟာ နောင်ဘိုလမ်းဖူးမြို့ ဘန့်ခုတ်နမ့်ကိန်း အထက်တန်းကျောင်းက ဆရာနဲ့ ကျောင်းသူကျောင်းသားတွေဖြစ်ပြီး နွေရာသီ ကျောင်းပိတ်ရက်အတွင်း ကျန်ထပူရီခရိုင်ဘက်ကို လေ့လာရေးခရီး ထွက်လာတာဖြစ်ကြောင်း၊ ကားပေါ်မှာ ဆရာရော၊ ကျောင်းသားပါ စုစုပေါင်း ၄၀ ဦး လိုက်ပါလာကြပြီး အခင်းဖြစ်တဲ့နေရာ အကွေ့နားအရောက် ရှေ့က ၆ ဘီးကားကြီး ကုန်းပေါ်တက်လာကြောင်း၊ သူတို့ကားက ၆ ဘီးကားကို ရှောင်တိမ်းပေမယ့် ကားနောက်ပိုင်းက ၆ ဘီးကားခေါင်းနဲ့ ပွတ်တိုက်မိပြီး လမ်းဘေးကို တိမ်းမှောက်သွားတာလို့ ဆိုပါတယ်။ ခရီးသည်တင် နှစ်ထပ်ကားဟာ လမ်းဘေး အနက်သုံးမီတာရှိ ချောက်ထဲကျသွားတာကြောင့် ကယ်ဆယ်ရေးအဖွဲ့တွေက ကရိန်းတွေသုံးပြီး ခဲရာခဲဆစ် ဆွဲတင်နေကြတယ်လို့ သတင်းမှာ ဖော်ပြသွားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up