လူ့အခွင့်အရေး ချိုးဖောက်သည့်နေရာတွင် တရုတ်နိုင်ငံ ပြိုင်ဘက်ကင်းဟု မိုက်ခ်ပွန်ပီယို ပြော

ဓာတ်ပုံ - AFP
လူ့အခွင့်အရေး ချိုးဖောက်တဲ့နေရာမှာ တရုတ်နိုင်ငံက ပြိုင်ဘက်ကင်းပဲလို့ အမေရိကန် နိုင်ငံခြားရေးဝန်ကြီး မိုက်ခ်ပွန်ပီယိုက ပြောလိုက်ပါတယ်။ အမေရိကန် နိုင်ငံခြားရေး ဝန်ကြီးဌာနရဲ့ လူ့အခွင့်အရေးဆိုင်ရာ နှစ်ပတ်လည် ထုတ်ပြန်ချက်ကို ကြေညာတဲ့ မတ်လ ၁၃ ရက်နေ့ အခမ်းအနားမှာ သူက ပြောလိုက်တာပါ။ တရုတ်အစိုးရဟာ ၂၀၁၈ တနှစ်တည်းမှာပဲ နိုင်ငံအနောက်မြောက်ဘက် ရှင်းကျန်းဒေသမှာ နေထိုင်တဲ့ လူနည်းစု မွတ်စလင် ဝီဂါတိုင်းရင်းသားတွေကို အစုအပြုံလိုက်  ဖမ်းဆီးထိန်းသိမ်းခဲ့ပါတယ်။ ဒါ့အပြင် ဘာသာရေးနဲ့ လူမျိုးရေးဝါဒတွေ ဖျောက်ဖျက်ဖို့ ပုံစံထုတ်ထားတဲ့ ပညာပေးစခန်းတွေမှာ ဝီဂါတိုင်းရင်းသား တသန်းကျော် ထိန်းသိမ်းခံထားရတယ်လို့လည်း အဲဒီအစီရင်ခံစာက ဖော်ပြပါတယ်။ ဝီဂါတိုင်းရင်းသားတွေကို အဲဒီ ပညာပေးစခန်းတွေမှာ ထိန်းသိမ်းထားတာနဲ့ ပတ်သက်ပြီး အစပိုင်းမှာ တရုတ်အစိုးရက ငြင်းခဲ့ပါတယ်။ ဝီဂါတိုင်းရင်းသားတွေဟာ စခန်းတွေမှာရှိနေတာ မှန်ပေမယ့် အလုပ်သမား လေ့ကျင့်ရေးစခန်းတွေမှာ စေတနာ့ဝန်ထမ်း လုပ်နေကြတာလို့ တရုတ်အစိုးရက ပြန်ဖြေရှင်းခဲ့ပါတယ်။ အကြမ်းဖက်ဝါဒ၊ ခွဲထွက်ရေးဝါဒနဲ့ အစွန်းရောက်ဝါဒတွေကို တိုက်ဖျက်ဖို့ အဲဒီပညာပေးစခန်းတွေ လိုအပ်တယ်လို့ တရုတ်အစိုးရ တာဝန်ရှိသူတွေက ပြောခဲ့ပါတယ်။ ဒါပေမယ့် အဲဒီစခန်းတွေက လုံခြုံရေးဝန်ထမ်းတွေ နှိပ်စက်တာကြောင့် အဖမ်းခံရသူတချို့ သေဆုံးခဲ့တယ်လို့ နိုင်ငံတကာမီဒီယာ၊ လူ့အခွင့်အရေးအဖွဲ့တွေနဲ့ စခန်းက ပြန်လွတ်လာသူတွေက ထွက်ဆိုခဲ့ကြတယ်လို့ အစီရင်ခံစာက ဖော်ပြပါတယ်။ လူ့အခွင့်အရေး ချိုးဖောက်တဲ့အထဲမှာ အမေရိကန်ရဲ့ မိတ်ဘက်နိုင်ငံတွေ မဟာမိတ်နိုင်ငံတွေ တချို့လည်း ပါပါတယ်။ အဲဒါတွေအားလုံးကိုလည်း ညီတူညီမျှ မှတ်တမ်းတင်ထားပါတယ်လို့လည်း ပွန်ပီယိုက ပြောခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up