လီဗာပူးနှင့်ပွဲမှ ဘိုင်ယန်နည်းပြ၏ နည်းစနစ်အပေါ် လီဝန်ဒေါစကီး ဝေဖန်

ချန်ပီယံလိဂ်ရှုံးထွက် လီဗာပူးနဲ့ပွဲစဉ်မှာ နည်းပြရဲ့ နည်းစနစ်တွေနဲ့ ပတ်သက်ပြီး ဘိုင်ယန်မြူးနစ်တိုက်စစ်မှူး လီဝန်ဒေါစကီးက ဝေဖန်သွားပါတယ်။ ဘိုင်ယန်အသင်းဟာ ပထမအကျော့က အဝေးကွင်းမှာ ဂိုးမရှိသရေကျခဲ့ပြီး အိမ်ကွင်းမှာ ကစားခဲ့ရတဲ့ ဒုတိယအကျော့မှာလည်း လီဗာပူးအသင်းကို ၃ ဂိုး ၁ ဂိုးနဲ့ ရှုံးနိမ့်ပြီး ချန်ပီယံလိဂ်ပြိုင်ပွဲကနေ ထွက်ခဲ့ရတာဖြစ်ပါတယ်။ လီဗာပူးအသင်းနဲ့ ယှဉ်ပြိုင်ရတဲ့ နှစ်ပွဲစလုံးမှာ ခံစစ်ကို ဦးစားပေး ကစားခဲ့ပြီး အခွင့်အရေးတွေ ရဖို့အတွက် တိုက်စစ်ကစားဖို့ မကြိုးစားခဲ့ကြဘူးလို့ လီဝန်ဒေါစကီးက ပြောပါတယ်။ အိမ်ကွင်းမှာကစားရတဲ့ ပွဲစဉ်မှာလည်း ဂိုးရဖို့လိုအပ်ပေမယ့် စွန့်စားပြီး တိုက်စစ်မကစားခဲ့ကြတဲ့အတွက် လီဗာပူးအသင်းက အနိုင်ယူသွားတာလို့ လီဝန်ဒေါစကီးက ပြောကြားလိုက်တာပါ။ တိုက်စစ်ပိုင်းမှာ မိမိတယောက်တည်း ရှိနေတဲ့အတွက် ဘာမှလုပ်လို့မရ ဖြစ်ခဲ့ပြီး ဘာကြောင့် ခံစစ်ကို ဦးစားပေးကစားသလဲဆိုတာ နားမလည်နိုင်အောင် ဖြစ်ရတယ်လို့လည်း လီဝန်ဒေါစကီးက ပြောကြားသွားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up