ရခိုင်မြောက်ပိုင်းရှိ အင်အားနည်းသည့် ရဲကင်းစခန်းအချို့ ရုပ်သိမ်း
DVB
·
March 12, 2019
ရခိုင်ပြည်နယ် ရသေ့တောင်၊ မောင်တော၊ ဘူးသီးတောင်၊ မင်းပြားမြို့နယ်ရှိ အင်အားနည်း တဲ့ရဲစခန်းနဲ့ ရဲကင်းစခန်းတွေအပြင် နယ်ခြားစောင့်စခန်းတွေကို လုံခြုံမှုရှိဖို့အတွက် မတ်လ ၁၀ ရက်က စပြီး တခြားရဲကင်းစခန်းတွေနဲ့ အင်အားပေါင်းစည်းနေတယ်လို့ ပြည်နယ်ရဲတပ်ဖွဲ့ရုံးက သိရပါတယ်။
ရသေ့တောင်မြို့နယ် အိုးဖောက် နယ်ခြားစောင့်စခန်းနဲ့ ချွတ်ပြင် နယ်ခြားစောင့်စခန်း၊ ဘူးသီးတောင်မြို့နယ် စေတီတောင် နယ်ခြားစောင့်စခန်းနဲ့ မင်းပြားမြို့နယ် ပန်းမြောင်းရဲစခန်း၊ မောင်တောမြို့နယ် ငါးခူရွာသစ်ကျေးရွာနဲ့ ကပ္ပကောင်းကျေးရွာရှိ နယ်ခြားစောင့်ရဲစခန်းတွေကို ရုပ်သိမ်းပြီး တခြားရဲစခန်းတွေနဲ့ ပူးပေါင်းလိုက်တာဖြစ်ပါတယ်။
မောင်တောခရိုင် ဒုအုပ်ချုပ်ရေးမှူး ဦးရဲထူးက "အင်အားနည်းတဲ့ ကင်းစခန်းတွေကို နေရာ စုစည်းတဲ့သဘောပါ။ ယိုးတရုတ်ဖြစ်စဉ်ကြောင့် ကြိုတင်ပြင်ဆင်တဲ့ သဘောဖြစ်နိုင်ပါတယ်”လို့ ပြောပါတယ်။
မတ်လ ၁၀ ရက် ညနေက ငါးခူရွာသစ်ကျေးရွာရှိ နယ်ခြားစောင့် ကင်းစခန်းကို ရုပ်သိမ်းသွားခဲ့တယ်လို့ ငါးခူရွာသစ်ကျေးရွာသစ် အုပ်ချုပ်ရေးမှူး ဦးဘတင်က ပြောပါတယ်။
"ညနေ ၄ နာရီ ခွဲမှ စရုပ်သိမ်းသွားတာပါ။ ကျေးရွာသူ/သားတွေကတော့ စိုးရိမ်မှု သိပ်မရှိပါဘူး။ ဒီလိုပဲ ကျနော်တို့နေလာခဲ့တာကြာပါပြီ။"
ပုဏ္ဏားကျွန်းမြို့နယ်ရှိ ယိုးတရုတ် ရဲကင်းစခန်းကို အေအေအဖွဲ့က မတ် ၉ ရက် ည ၁၁ နာရီလောက်က အင်အားအလုံးအရင်းနဲ့ ၀င်ရောက်တိုက်ခိုက်ခဲ့တဲ့အတွက် ရဲတပ်ဖွဲ့ဝင် ၉ ဦးကျဆုံးခဲ့ရတာ ဖြစ်ပါတယ်။
သတင်း- ဗညား