အကျင့်ပျက်ရဟန်းသာမဏေများကို ပြုပြင်ကြပ်မတ်ပေးရန် သာသနာရေးဝန်ကြီးလျောက်ထား
DVB
·
March 12, 2019
အကျင့်ပျက်ရဟန်းသာမဏေတွေကို ပြုပြင်ကြပ်မတ်ပေးဖို့ သာသနာရေးနှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီး သူရဦးအောင်ကိုက နိုင်ငံတော် သံဃမဟာနာယက ဆရာတော်ကြီးတွေကို လျောက်ထားလိုက်ပါတယ်။
မတ်လ ၁၁ ရက်က ရန်ကုန်မြို့၊ သီရိမင်္ဂလာ ကမ္ဘာအေးကုန်းမြေရှိ ဝိဇယမင်္ဂလာ ဓမ္မသဘင်မှာ ကျင်းပတဲ့ သတ္တမအကြိမ် နိုင်ငံတော် သံဃမဟာနာယကအဖွဲ့ (၄၇) ပါးစုံညီ ဧကူနဝီသတိမ အစည်းအဝေး ပထမနေ့မှာ ပန်ကြားလိုက်တာပါ။
ပြည်ထောင်စုဝန်ကြီး သူရဦးအောင်ကိုက “ခုအခါ ရဟန်းသာမဏေတချို့ဟာ ဘုရားရှင် ပညတ်ထားတဲ့ ဝိနည်းတော်နဲ့ ဆန့်ကျင်တဲ့ လောင်းကစားမှုတွေကိုပြုလုပ်တာ၊ လူစည်ကားရာ စားသောက်ဆိုင်၊ လက်ဖက်ရည်ဆိုင်တွေမှာ နေ့လွဲညစာသုံးဆောင်တာ၊ မူးယစ်ဆေးဝါးသုံးစွဲ တာ၊ လက်ခံတာစတဲ့ သမဏသာရုပ္ပမဖြစ်တဲ့ ကိစ္စရပ်တွေကို ပြုလုပ်နေတာကို ကြားသိနေရလို့ တွေ့မြင်ရသူ ဗုဒ္ဓဘာသာဝင် ဒါယကာ၊ ဒါယိကာမတွေအနေနဲ့ လွန်စွာစိတ်မချမ်းမသာ ဖြစ်နေကြရတယ်”လို့ ပြောပါတယ်။
ဒ့ါအပြင် ''ငါးခုံးမတကောင်ကြောင့် တစ်လှေလုံးပုပ်'' ဆိုသကဲ့သို့ အကျင့်ပျက် ရဟန်း သာမဏေအနည်းစုကို အကြောင်းပြုပြီး သီလဝန်ဂုဏဝန်ဖြစ်တော်မူကြတဲ့ သာသနာ့ဝန်ထမ်း ရဟန်းသာမဏေအများစုရဲ့ ဂုဏ်သိက္ခာ များစွာကျဆင်းသွားစေနိုင်လို့ ဆရာတော်ကြီးတွေအနေနဲ့ အကျင့်ပျက်ရဟန်းသာမဏေတွေကို ပြုပြင်ကြပ်မတ်ပေးမှသာ သာသနာတော်ကြီးရဲ့ ဂုဏ်သိက္ခာ ကို မြှင့်တင်နိုင်မယ်လို့လည်း ပြောပါတယ်။
ဒီအစည်းအဝေးသို့ နိုင်ငံတော် သံဃမဟာ နာယကအဖွဲ့ဥက္ကဋ္ဌ မန္တလေးမြို့ ဗန်းမော်ကျောင်းတိုက်ဆရာတော် ဒေါက်တာဘဒ္ဒန္တကုမာရာဘိဝံသ အမှူးပြုသည့် နိုင်ငံတော်သံဃမဟာနာယက အဖွဲ့ဝင် ဆရာတော်ကြီးတွေ တက်ရောက်ကြပါတယ်။