Homeမြန်မာသတင်း
ပုဏ္ဏားကျွန်း ယိုးတရုတ်ရဲကင်းစခန်းကို လက်နက်ကိုင်အဖွဲ့ ၀င်တိုက်၊ ရဲတပ်ဖွဲ့ဝင်အချို့ကျဆုံး
ပုဏ္ဏားကျွန်း ယိုးတရုတ်ရဲကင်းစခန်းကို လက်နက်ကိုင်အဖွဲ့ ၀င်တိုက်၊ ရဲတပ်ဖွဲ့ဝင်အချို့ကျဆုံး
DVB
·
March 10, 2019
ရခိုင်ပြည်နယ် ပုဏ္ဏားကျွန်းမြို့နယ် ယိုးတရုတ်ကျေးရွာရဲကင်းစခန်းကို လက်နက်ကိုင် တပ်ဖွဲ့ တဖွဲ့က မနေ့ညက ၀င်ရောက်တိုက်ခိုက်ခဲ့တာကြောင့် ရဲတပ်ဖွဲ့ဝင်အချို့ ကျဆုံးခဲ့တယ်လို့ သိရပါတယ်။
တပ်မတော် သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်ချုပ်ဇော်မင်းထွန်းက “အဲ့စခန်းကလည်း အင်အားနည်းတယ်။ အကျအဆုံးနဲ့ လက်နက်တွေ ပါသွားတာ မှန်ပါတယ်။ ဘယ်လောက်ကျဆုံးတယ်၊ လက်နက်ဘယ်လောက် ပါသွားတယ်ဆိုတာ ကျနော်တို့ သတင်းထုတ်ပြန်ပေးမှာပါ။ အခုကတော နယ်မြေထိန်းသိမ်းထားနိုင်တဲ့ အနေအထား ရှိပါတယ်” လို့ ပြောပါတယ်။
ထွက်ပေါ်လာတဲ့ ခရိုင်ရဲတပ်ဖွဲ့မှူးရုံးကို ပေးပို့တဲ့ အစီရင်ခံစာမှာတော့ ရဲတပ်ဖွဲ့ဝင် ၉ ဦးကျဆုံးပြီး ရဲတပ်သား ၁ ဦးနဲ့ လက်နက် ၁၂ လက် ပျောက်ဆုံးခဲ့တယ်လို့ ဖော်ပြထားပါတယ်။
မတ်လ ၉ ရက် ည ၁၁ နာရီ မိနစ် ၂၀ လောက်ကစပြီး လက်နက်ကိုင်အဖွဲ့တခုက လက်နက်ကြီးလက်နက်ငယ်တွေနဲ့ ယိုးတရုတ် ရဲစခန်းကို ပစ်ခတ်ခဲ့တာလို့ ဆိုပါတယ်။ ရန်သူ လက်နက်ကိုင်အဖွဲ့က လက်နက်ချခိုင်းခဲ့ပေမယ့် ရဲတပ်ဖွဲ့တွေက လက်နက်မချဘဲ ပြန်လည်ခုခံ တိုက်ခိုက်ခဲ့တာကြောင့် ည ၁၂ နာရီလောက်မှာ တိုက်ပွဲရပ်တန့်ခဲ့တယ်လို့ ဆိုပါတယ်။
တိုက်ပွဲကြောင့် ရဲတပ်ကြပ်ကြီး ၁ ဦး၊ ရဲအရာခံ ၁ ဦး၊ ရဲတပ်ကြပ် ၂ ဦး၊ ဒုရဲတပ်ကြပ် ၄ ဦးနဲ့ ရဲတပ်သား ၁ ဦးတို့ စုစုပေါင်း ၉ ဦးကျဆုံးခဲ့တယ်လို့ အစီရင်ခံစာမှာ ဖော်ပြထားပေမယ့် ဒီဗွီဘီက အတည်ပြုချက်ယူလို့ မရသေးပါဘူး။
ယိုးတရုတ်ကျေးရွာ အုပ်ချုပ်ရေးမှူး ဦးစံသိန်းအောင်က "ပစ်ခတ်သံတွေ ဆက်တိုက်ကြားနေရတယ်။ ဘာဖြစ်လို့ ဖြစ်မှန်းမသိဘူး၊ အခု မနက် ၃ နာရီကျော်ပါပြီ။ အခုလည်း ကြိုးကြားကြိုကြား ကြားနေရဆဲပါ။ ကျေးရွာသူ/သားတွေ အားလုံး အကာအကွယ်ယူပြီးနေနေရပါတယ်။ ဖုန်းနောက်ခေါ်လိုက်ပါ၊ အခု စကားပြောဖို့မလွယ်ပါ။ ပစ်နေကြတယ်ဆိုတော အပြင်ကိုလည်း မထွက်ရဲဘူး" လို့ ပြောပါတယ်။
အခုလက်ရှိ ယိုးတရုတ်ကျေးရွာမှာ လမ်းသွားလမ်းလာတွေ နည်းပါးနေသလို ဈေးဆိုင်အများစု ပိတ်ထားကြပြီး ကျေးရွာသူရွာသားတွေလည်း နေအိမ်တွေမှာ မနေ၀ံ့တော့တဲ့ အနေအထားမှာရှိနေကြောင်း နောက်ဆက်တွဲ တိုက်ပွဲဖြစ်လာမှာကို စိုးရိမ်နေကြကြောင်း သိရပါတယ်။
ယိုးတရုတ်ကျေးရွာဟာ ပုဏ္ဏားကျွန်းကနေ ၃၃ မိုင် ဝေးကွာပြီး ယိုးတရုတ်စံပြကျေးရွာမှာ အိမ်ခြေ ၁၀၀၀ ကျော်၊ လူဦး ၇၀၀၀ ကျော်ရှိပါတယ်။
၂၀၁၇ ခုနှစ် ဇန်နဝါရီလ ၁ ရက်နေ့က ပုဏ္ဏားကျွန်းမြို့နယ် ယိုးတရုတ်ကျေးရွာအနီး ရန်ကုန်-စစ်တွေ ကားလမ်းမပေါ်မှာ ဗုံးပေါက်ကွဲမှုဖြစ်ပွားခဲ့မှုပြီး ဖြစ်ပွားခဲ့သလို ၂၀၁၉ ဖေဖော်ဝါရီ ၁၇ ရက်ကလည်း ပုဏ္ဏားကျွန်းမြို့နယ် ယိုးတရုတ်ကျေးရွာနဲ့ သဲတော်ကျေးရွာကြား ရန်ကုန် စစ်တွေ ကားလမ်းမကြီး လမ်းဘေးဝဲယာမှာ မိုင်းနှစ်လုံး ပေါက်ကွဲမှုဖြစ်ပွားခဲ့ပါတယ်။
ပုဏ္ဏားကျွန်းမြို့နယ်မှာ အေအေ နဲ့ တပ်မတော် တိုက်ပွဲတွေ မကြာမဏဆိုသလို ဖြစ်ပွားနေပါတယ်။
ဗညား
