မိုင်းတုံတွင် ၁၀ ရက်အတွင်း တရားမ၀င်သစ် ၁၅ တန်ကျော် ဖမ်းမိ
DVB
·
March 10, 2019
ရှမ်းပြည်နယ်အရှေ့ပိုင်း မိုင်းတုံမြို့နယ် မိုင်းကန်သစ်တောကြိုးဝိုင်း ဧရိယာမှာ ၁၀ ရက်အတွင်း တရားမ၀င် ကျွန်း/ပိတောက် သစ်လုံးနဲ့ခွဲသား စုစုပေါင်း ၁၅ တန်ကျော် ဖမ်းဆီးရမိခဲ့ပါတယ်။
ဖေဖော်ဝါရီလ ၂၈ ရက်နေ့ကနေ မတ်လ ၉ ရက်နေ့အထိ သစ်တောဦးစီးဌာနနဲ့ တပ်မတော်ပူးပေါင်းကာ စစ်ကြောင်းသုံးကြောင်းနဲ့ တရားမဝင် သစ်ထုတ်လုပ်နေတာကို ဖော်ထုတ်ဖမ်းဆီးခဲ့တာလို့ သိရပါတယ်။
စီမံချက်ချ ရှင်းလင်းနေတာဖြစ်ပြီး လောလောဆယ် ဖမ်းဆီးရမိတဲ့သစ်တွေ သယ်ယူနိုင်ဖို့ စီစဉ်နေတယ်လို့ မိုင်းတုံမြို့နယ် သစ်တောဦးစီးအရာရှိ ဦးဖိုးချိုက ပြောပါတယ်။
ရှမ်းပြည်နယ် အရှေ့ပိုင်းအတွင်း တရားမဝင် သစ်ထုတ်လုပ် သယ်ဆောင် ရောင်းဝယ်တာတွေ ၂၀၀၁ ခုနှစ်က စတင်ကာ တဖြည်းဖြည်း ကျယ်ပြန့်လာပြီး ၂၀၁၀ ခုနှစ် နောက်ပိုင်းမှာ တရုတ်ပြည်ကနေ ကုန်သည်ကြီးတွေ ဝင်ရောက်လာပြီး ဈေးကစားဝယ်ယူနေကြတယ်လို့ ဒေသခံ သတင်းထောက်က ပြောပါတယ်။