ဆီးရီးယားမှ နိုင်ငံခြားတပ်များ ပြန်ထွက်ပါက အစ္စရေးနှင့် ရုရှား တာဝန်ယူမည်

ဓာတ်ပုံ - Reuters
ဆီးရီးယားနိုင်ငံထဲက နိုင်ငံခြားတပ်တွေ ပြန်ထွက်သွားပါက လုံခြုံရေးကို အစ္စရေးနဲ့ ရုရှားတို့ အတူတာဝန်ယူ လုပ်ဆောင်မယ်လို့ အစ္စရေးဝန်ကြီးချုပ် ဘင်ဂျမင် နေတန်ယာဟုက မတ် ၃ ရက်နေ့မှာ ပြောလိုက်ပါတယ်။ ဆီးရီးယားနိုင်ငံထဲ အီရန်တပ်တွေ ရှိနေတာကို ဆန့်ကျင်ဖို့ ရုရှားနိုင်ငံကို သွားအပြီးမှာ ဝန်ကြီးချုပ်က ခုလို ပြောလိုက်တာပါ။ ဆီးရီးယားသမ္မတ ဘတ်ရှားအယ်လ်အာဆတ်ဟာ နိုင်ငံအတွင်း ၈ နှစ်ကြာ သူပုန်ထတာကို နှိမ်နင်းအပြီး အီရန်တပ်ကူတွေနဲ့ အီရန်က ကျောထောက်နောက်ခံပေးထားတဲ့ လက်ဘနွန် ပြည်သူ့စစ် ဟဇ်ဘိုလာ ပြောက်ကျားတွေကို တပ်ဦးသစ်အဖြစ် ဆက်လက်ခံထားမှာကို အစ္စရေးက စိုးရိမ်နေပါတယ်။ အစ္စရေးဟာ ဆီးရီးယားနိုင်ငံထဲက ဟဇ်ဘိုလာနဲ့ အီရန်ပစ်မှတ်လို့ သံသယရှိတဲ့ နေရာတွေကို လေကြောင်းကနေ အကြိမ်ရေ ရာချီ တိုက်ခိုက်ခဲ့ပါတယ်။ ဆီးရီးယားနိုင်ငံအတွင်း ၂၀၁၅ ကစပြီး စစ်ရေးစွက်ဖက်ခဲ့တဲ့ ရုရှားက အစ္စရေးရဲ့ စစ်ဆင်ရေးတွေကို ကျယ်ကျယ်ပြန့်ပြန့် လျစ်လျူရှုထားခဲ့တာပါ။ အစ္စရေးနဲ့ ရုရှားတပ်တွေကြား မတော်တဆ ထိပ်တိုက်တွေ့တာကို ဟန့်တားဖို့ နှစ်နိုင်ငံရဲ့ စစ်ဖက်ဆက်ဆံရေးကို ဆက်ထားမယ်၊ အလားတူ တိုက်ပွဲတွေ ဆက်ဆင်နွှဲမယ်လို့ အတိအလင်း ပြောခဲ့တယ်လို့ နေတန်ယာဟုက ပြောပါတယ်။ ဒီအပေါ် ရုရှားကတော့ ချက်ချင်း မတုံ့ပြန်သေးပါဘူး။ အရင်ကတော့ ရုရှားဟာ နိုင်ငံခြားတပ်တွေကို ဆီးရီးယားနိုင်ငံထဲကနေ ထွက်သွားစေချင်တယ်၊ ရေရှည်အစောင့်တပ်ကို ဆီးရီးယားနိုင်ငံထဲမှာ ထားဖို့ စီစဉ်နေတယ်လို့ ပြောခဲ့ဖူးပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up