ဘိန်းစွဲနေသည့် ကြက်တူရွေးများကြောင့် အိန္ဒိယစိုက်ပျိုးရေးသမားများ ဒုက္ခရောက်နေ (ရုပ်သံ)

အိန္ဒိယနိုင်ငံ မဟာပရာဒတ်ရ်ှပြည်နယ်က ဘိန်းစိုက်တောင်သူတွေဟာ ဘိန်းစွဲနေတဲ့ ကြက်တူရွေးငှက်တွေကြောင့် အကြီးအကျယ် အခက်တွေ့နေတယ်လို့ မတ် ၁ ရက်နေ့ OC သတင်းမှာ ဖော်ပြပါတယ်။ ကွက်ကျားမိုးရွာခြင်းကြောင့် ဘိန်းခင်းတွေ ပျက်စီးခဲ့ရပြီး တနေတခြားတိုးပွားလာတဲ့ ဘိန်းစွဲနေတဲ့ ကြက်တူရွေး အရေအတွက်ကြောင့်လည်း အခြေအနေတွေကို ပိုမိုဆိုးရွားလာတယ်လို့ ဘိန်းစိုက်သူတွေက ပြောပါတယ်။ ငှက်တွေဟာ ဘိန်းခင်းတွေထဲဝင်ကာ ဘိန်းပန်းနဲ့ ဘိန်းစေ့တွေကို ဝင်ရောက်စားသုံးကြပြီး လော်စပီ ကာတွေ၊ ဗျောက်အိုးတွေနဲ့ ခြောက်လှန့်ပေမယ့် ကြောက်လန့်ခြင်းမရှိတာကြောင့် လယ်သမားတွေဟာ နေ့ရောညပါ အခင်းထဲမှာ အစောင့်ချထားရပါတယ်။ ဒီကိစ္စနဲ့ ပတ်သက်လို့ ဒေသဆိုင်ရာ အာဏာပိုင်တွေကို အကူအညီတောင်းဆိုထားပေမယ့် အာဏာပိုင်တွေဘက်က တစုံတရာ လုပ်ဆောင်ပေးခြင်းမရှိဘူးလို့လည်း လယ်သမားတွေက ဆိုပါတယ်။ “ဘိန်းပန်းတစ်ပွင့်ကနေ ဘိန်း ၂၀-၂၅ ဂရမ်လောက်ရပါတယ်။ ဒါပေမယ့် ကြီးမားတဲ့ ကြက်တူရွေးအုပ်ကြီးက ဘိန်းခင်းထဲကို တနေ့ကို အကြိမ်ရေ ၃၀ လောက်ဝင်ရောက်စားသောက်ကြပြီး တချို့ကောင်တွေဆိုရင် ဘိန်းသီးတွေကိုတောင် ယူဆောင်သွားကြပါတယ်” လို့ ဘိန်းစိုက်တောင်သူ နန်ကီရှိုးက ပြောပါတယ်။ “ကျနော်တို့ ဒီငှက်တွေကို နည်းမျိုးစုံနဲ့ ခြောက်လှန့်နေပေမယ့်လည်း မရပါဘူး၊ အခင်းထဲ လူစောင့်နေတာတောင် ဒီငှက်တွေက မကြောက်တော့ပါဘူး” လို့လည်း သူကဆက်လက် ပြောဆိုပါတယ်။ မကြာသေးခင်က ထွက်ပေါ်လာတဲ့ ဗွီဒီယိုဖိုင်တွေမှာလည်း ဘိန်းခင်းတွေနားမှာ ပျံဝဲနေတဲ့ ကြက်တူရွေးအုပ်တွေကို မြင်တွေ့ခဲ့ရပြီး တချို့ငှက်တွေဟာ စိုက်ခင်းထဲ ဝင်ရောက်စားသောက်ဟာ ဘိန်းပန်း၊ ဘိန်းသီးများကို ယူဆောင်ပျံသန်းနေကြတာကိုလည်း မြင်တွေ့ခဲ့ရပါတယ်။ ထွက်ပေါ်လာတဲ့ သတင်းတွေအရ ဒီငှက်တွေဟာ လူစောင့်ရှိတဲ့ စိုက်ခင်းတွေကိုတောင် ဘယ်အချိန်မှာ ဘယ်လိုဝင်ရောက်စားသောက်ရမလဲ ဆိုတာသိရှိ နေကြတယ်လို့လည်း သိရပါတယ်။ အိန္ဒိယနိုင်ငံက ဘိန်းစိုက်တောင်သူတွေဟာ ဘိန်းစွဲနေတဲ့ ကြက်တူရွေးတွေရဲ့ ဝင်ရောက်စားသောက်မှုကို မကြာခဏဆိုသလို ကြုံတွေ့နေရပြီး ဘိန်းစေ့မှာပါတဲ့ မူးယစ်ဓာတ်ဟာ လူတွေကော်ဖီစွဲသလို ငှက်တွေကို စွဲလမ်းမှုဖြစ်စေပြီး ဘိန်းစေ့ကို တစ်ခါစားဖူးတာနဲ့ ဒီငှက်တွေဟာ ဘိန်းကို လျင်လျင်မြန်မြန် စွဲလန်းသွားတတ်တယ်လို့လည်း မန်ဆာဒေသက မူးယစ်ဆေးဝါးပညာရှင် ဒေါက်တာ အာအက်ချန်ဒါဝတ်က Daily Mail သတင်းကို ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up