A d v e r t i s e m e n t With Us

ဂါနာ စွန့်ဦးတီထွင် လုပ်ငန်းရှင်တဦးက ကားတာယာများသုံးပြီး ပရိဘောဂပစ္စည်း ဖန်တီး (ရုပ်သံ)

ဂါနာနိုင်ငံ အက္ခရာမြို့က အလုပ်ရုံမှာ စွန့်ဦးတီထွင်လုပ်ငန်းရှင် ဂျက်ဖရဲ ယေဘွာဟာ ပြန်ပြုပြင်ထားတဲ့ ကားတာယာတွေကို သုံးပြီး အိမ်သုံးပရိဘောဂတွေအဖြစ် ဖန်တီးနေပါတယ်။ သူဟာ ကိုယ်ပိုင်လုပ်ငန်းလုပ်ဖို့ အခွင့်အရေးကို မြင်အပြီး လွန်ခဲ့တဲ့ ငါးနှစ်တည်းက ပရိဘောဂဆိုင်ကို စဖွင့်ခဲ့တာပါ။ သူဟာ ပြန်ပြုပြင်ထားတဲ့ တာယာတွေ၊ ဖန်ခွက်တွေ၊ အထည်စတွေနဲ့ အရောင်အမျိုးမျိုးရှိတဲ့ ကြိုးတွေကို သုံးပြီး ပုံစံထုတ်ပါတယ်။ စားပွဲအသေးတွေ၊ ဧည့်ခံစားပွဲတွေနဲ့ လက်တင် ကုလားထိုင်တွေကို ဘယ်လိုလုပ်ရမလဲဆိုတာ သူကိုယ်တိုင် ကြံဆ လေ့လာခဲ့ပါတယ်။ "ဒီစီးပွားရေးအတွက် အမြင်က ကြီးတယ်၊ ကျယ်ပြန့်တယ်၊ ကျနော်က ပိုကျယ်ပြန့်တဲ့ မြင်ကွင်းကို ကြည့်တယ်။ တခါတလေ အိတ်ကပ်ထဲမှာ ငွေလုံးဝမရှိဘဲ အိပ်ယာနိုးလာတယ်။ လူတွေကို သင်တန်းပေးချိန်မှာ ကျနော့်ငွေတွေ သုံးပစ်ခဲ့ပြီး ပစ္စည်းတွေကို ဝယ်ထားတယ်" လို့ ယေဘွာက ပြောပါတယ်။ ဆက်လက်ပြီး သူက "ကျနော်ဟာ ပြဿနာကို ဖြေရှင်းတဲ့ လူ့အဖွဲ့အစည်းရဲ့ အစိတ်အပိုင်း အဖြစ် ခံစားရတယ်။ ကျနော်ဟာ လမ်းတွေပေါ်က ရေမြောင်းတွေထဲက ကားတာယာတွေကို ဖယ်ပေးနေတဲ့ အဓိပ္ပာယ်ပဲ။ ကားတာယာတွေ မီးရှို့တာကို ခြင်မွေးမြူရေး လုပ်နေတာတွေကို ရပ်တန့်အောင်လုပ်နေတယ်" လို့ ပြောပါတယ်။ ယေဘွာဟာ ဂါနာတက္ကသိုလ်မှာ အချိန်ပိုင်းကျောင်းသားလည်းဖြစ်ပြီး စီးပွားရေးနဲ့ သတင်း အချက်အလက် ဘာသာရပ်ကို လေ့လာနေပါတယ်။ သူ့ကုမ္ပဏီကနေ ဖောက်သည်တွေဟာ အထူးမှာယူတဲ့ ဒီဇိုင်းတွေကို ဝယ်နိုင်သလို သူ့ရဲ့ ပရိဘောဂ ကတ်တလောက်ကနေလည်း ပုံစံစုံကို ရွေးနိုင်ပါတယ်။ ပရိဘောဂတွေဟာ အရွယ်အစားနဲ့ ဒီဇိုင်းပေါ်မူတည်ပြီး အမေရိကန်ဒေါ်လာ ၃၀ ကနေ ၂၅၀ ထိ ကျသင့်ပါတယ်။ ယေဘွာဟာ လုပ်ငန်းချဲ့ထွင်ဖို့လည်း ကြိုးစားနေပြီး ရန်ပုံငွေပိုရဖို့ စီစဉ်နေပါတယ်။ ရုပ်သံ - Al Jazeera

A d v e r t i s e m e n t With Us

More News
Up