အင်ဒိုနှင့် သရေကျခဲ့သည့် မြန်မာယူ-၂၂ အသင်း၏ ခြေစွမ်းကို နည်းပြ ကျေနပ်

ဓာတ်ပုံ - MFF
အာဆီယံ ယူ-၂၂ ပြိုင်ပွဲ အဖွင့်ပွဲစဉ်မှာ အင်ဒိုနီးရှားအသင်းနဲ့ တဂိုးစီ သရေကျသွားခဲ့ပေမယ့် ကစားသမားတွေရဲ့ ခြေစွမ်းအပေါ် ကျေနပ်မှုရှိတယ်လို့ မြန်မာနည်းပြ ပိုပေါ့ဗ်က ပွဲအပြီးမှာ ပြောကြားသွားပါတယ်။ မြန်မာယူ-၂၂ အသင်းဟာ ပွဲချိန် ၁၃ မိနစ်မှာပဲ ကွင်းလယ်ကစားသမား မြတ်ကောင်းခန့်ရဲ့ ဂိုးနဲ့ ဦးဆောင်နိုင်ခဲ့ပေမယ့် ပွဲချိန် ၃၈ မိနစ်မှာ ချေပဂိုးတဂိုး ပြန်ပေးလိုက်ရတာ ဖြစ်ပါတယ်။ အင်ဒိုနီးရှားအသင်းကို ပြီးခဲ့တဲ့နှစ်ပိုင်းက ရန်ကုန်မှာ ၇ ဂိုး ၁ ဂိုးနဲ့ ရှုံးနိမ့်ခဲ့တာကို မမေ့သင့်ကြောင်းနဲ့ ယူ-၂၂ အဆင့်မှာ သရေကစားနိုင်ခဲ့တဲ့အပေါ် ကစားသမားတွေရဲ့ စွမ်းဆောင်ရည်ကို ကျေနပ်မှုရှိတယ်လို့ မြန်မာနည်းပြ ပိုပေါ့ဗ်က ပြောကြားသွားခဲ့တာပါ။ မြန်မာအသင်းဟာ အုပ်စုဒုတိယပွဲစဉ်အဖြစ် လာမယ့် ဖေဖော်ဝါရီ ၂၀ ရက်မှာ အိမ်ရှင် ကမ္ဘောဒီးယား၊ တတိယပွဲစဉ်အဖြစ် ဖေဖော်ဝါရီ ၂၂ ရက်မှာ မလေးရှားအသင်းတွေနဲ့ ဆက်ပြီး ယှဉ်ပြိုင်ကစားရမှာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up