ဆီးရီးယားတွင် ခြေကုပ်ယူထားသည့် အိုက်အက်စ်များကို လေကြောင်းမှ တိုက်ခိုက်

ဆီးရီးယားနိုင်ငံ ဘန်ဟိုဇ်ကျေးရွာမှာ ခြေကုပ်ယူထားတဲ့ အိုင်အက်စ်စစ်သွေးကြွ လက်ကျန်တွေကို ပစ်မှတ်ထားပြီး ဖေဖော်ဝါရီ ၁၇ ရက်နေ့က လေကြောင်းကနေ တိုက်ခိုက် ချေမှုန်းနေပါတယ်။ တိုက်ပွဲတွေကြောင့် ဘန်ဟိုဇ်ကျေးရွာတလျှောက် မီးခိုးတွေ တလိမ့်လိမ့် တက်နေပုံတွေ ရိုက်ကူးထားတဲ့ ရုပ်သံတွေ အင်တာနက်ပေါ်မှာ ထွက်ပေါ်နေတာပါ။ ဆီးရီးယားနိုင်ငံမှာရှိတဲ့ အမေရိကန် ကျောထောက်နောက်ခံပြု ဆီးရီးယား ဒီမိုကရက်တစ်တပ်ဦး (SDF) အဖွဲ့က ယူဖရေးတီးမြစ်ဝှမ်းဒေသမှာ ခြေကုပ်ယူထားတဲ့ အိုင်အက်စ်စစ်သွေးကြွတွေရဲ့ နောက်ဆုံးလက်ကျန်နယ်မြေကို ပြန်သိမ်းပိုက်ဖို့ ကြိုးစားနေပါတယ်။ အမေရိကန်သမ္မတ ဒေါ်နယ်ထရမ့်ကလည်း ဆီးရီးယားမှာရှိတဲ့ အိုင်အက်စ်နှိမ်နင်းမှု စစ်ဆင်ရေး ရာနှုန်းပြည့် အောင်မြင်ဖို့ တည်းတည်းလေးပဲ လိုတော့တယ်လို့ မကြာသေးခင်က ကြွေးကြော်ထားပါသေးတယ်။ မကြာသေးခင်ရက်တွေက အမေရိကန်အစိုးရက လေကြောင်းကနေ အကြီးအကျယ် တိုက်ခိုက်ခဲ့လို့ ဘန်ဟိုဇ်ဒေသခံ အမြောက်အမြား နီးစပ်ရာရွာတွေကို ထွက်ပြေးခဲ့ကြရပါတယ်။ အိုင်အက်စ်စစ်သွေးကြွအဖွဲ့က ၂၀၁၄ ကစပြီး ဆီးရီးယားနယ်မြေ အများအပြားကို ကျူးကျော်သိမ်းပိုက်ခဲ့ပေမယ့် လက်ရှိအချိန်မှာတော့ ဆီးရီးယားအစိုးရတပ်ဖွဲ့တွေနဲ့ အမေရိကန် ကျောထောက်နောက်ခံပေးထားတဲ့ တပ်ဖွဲ့တွေရဲ့ စစ်ဆင်ရေး အသီးသီးကြောင့် တဖြည်းဖြည်း အရေးနိမ့်လာခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up