စစ်ဘေးဒဏ်ခံ တိုင်းရင်းသားလူငယ်အမျိုးသမီးတွေအတွက် ကူညီပေးတဲ့နေရာ

စစ်ဘေးကြုံခဲ့ရပြီး ဘ၀ပြန်လည်ထူထောင်ပေမယ့် နည်းလမ်းမရှိသေးတဲ့ ကရင်ပြည်နယ် သံတောင်ကြီးဒေသက ကရင်အမျိုးသမီးတွေအတွက် ရန်ကုန်က ယုဝတီစင်တာက အကူအညီပေးနေပါတယ်။ လွန်ခဲ့တဲ့ နှစ်ပိုင်းတွေကစပြီး သံတောင်ကြီးဒေသက ကရင်အမျိုးသမီးတွေကို အခြေခံစက်ချုပ်ပညာ၊ ကရင်ရိုးရာအဆင်တွေနဲ့ပြုလုပ်တဲ့ ပစ္စည်းမျိုစုံ၊ သဘာဝဆပ်ပြာ စတဲ့ အသက်မွေးဝမ်းကြောင်းတွေကို သင်ကြားပေးပို့ခဲ့ပါတယ်။ အခုဆိုရင် အဲဒီဒေသက အမျိုးသမီးတွေကိုယ်တိုင် လက်နဲ့ထုတ်လုပ်တဲ့ အထည်တွေ၊ အိတ်တွေနဲ့ တခြား အသုံးအဆောင်ပစ္စည်းလေးတွေကို ယုဝတီစင်တာမှာ ရောင်းချပေးနေပါတယ်။ ဒီလိုအမျိုးသမီးတွေကို အထောက်ကူပြုစေတဲ့ ရည်ရွယ်ချက်ကတော့ အမျိုးသမီးတွေရဲ့ စီးပွားရေး စွမ်းဆောင်ရည် မြင့်မားလာဖို့ အသက်မွေးဝမ်းကြောင်းဆိုင်ရာ သင်တန်းတွေကို ပံ့ပိုးပေးနေတာလို့  ယုဝတီစင်တာရဲ့ ဒု-ဥက္ကဋ္ဌ နော်ကလိုရီယာမောင်မောင်က ပြောပါတယ်။ “ကျမတို့ ဒီလို product တွေထွက်လာဖို့ဆိုတာ လွန်ခဲ့တဲ့ ၄ နှစ်လောက်ကတည်းက  ကျမတို့ စပြီးတော့ လုပ်တာပေါ့နော်။ အဲဒီလောက်ကတည်းက အမျိုးသမီးတွေကို သင်တန်းတွေပေးခဲ့တယ်။ သူတုိ့ပစ္စည်းလုပ်နိုင်အောင် သင်တန်းတွေ အဆင့်ဆင့်ပေးခဲ့တယ်။ အဲလိုပြီးမှ ဒီယုဝတီစင်တာ ဖြစ်တာလာကတော့ တနှစ်လောက်ပဲ ရှိပါသေးတယ်။ ရည်ရွယ်ချက်ကတော့ သူတို့ရဲ့ ဖွံ့ဖြိုးရေးအတွက် ကျမတို့ အဓိက ကူညီပေးချင်တာပေါ့နော်။ ဘာလို့လဲဆိုတော့ သူတို့ဆီမှာကလည်း လက်ရှိမှာ လမ်းပန်းဆက်သွယ်ရေးက ရှိတော့ ရှိနေပါပြီ။ ဒါပေမယ့် သူတို့က စီးပွားရေးနဲ့ပတ်သက်တဲ့ အမြင်နည်းတယ်။ အဲဒီမှာလုပ်တဲ့ တနေ့စာကို တနေ့ပဲ စားတာမျိုး မဟုတ်ဘဲနဲ့ ဒီထက်မက အမြင်ကျယ်အောင်လို့ ပေါ့နော်။ သူတို့ရဲ့ စီးပွားရေးက ချဲ့လို့ရတယ်ဆိုတာ သိအောင်လို့ လုပ်ပေးတာပေါနော်။” အခုတော့ အဲဒီဒေသက အမျိုးသမီး ၃၀ လောက်ဟာ နေ့စဉ် အလုပ်တွေရှိနေပြီး အဓိကအားဖြင့် ကရင်ရိုးရာဆင်တွေနဲ့ ပြုလုပ်တဲ့ အိတ်မျိုးစုံနဲ့ အင်္ကျီအထည်တွေကို ကိုယ်တိုင် ထုတ်လုပ်နေပြီဖြစ်ပါတယ်။ ဒါ့အပြင် ယုဝတီစင်တာအနေနဲ့ သူတို့ရဲ့ထုတ်လုပ်မှုတွေကို ပြန်လည်ရောင်းချပေးနေသလို တခြားဒေသက မှာယူမှုတွေရှိတယ်ဆိုရင်လည်း ကူညီပို့ဆောင်ရောင်းချပေးနေတယ်လို့လည်း နော်ကလိုရီယာမောင်မောင်က ပြောပါတယ်။ ယုဝတီစင်တာမှာ ဒီလို လက်မှုနဲ့ချုပ်တဲ့ အိတ်တွေ ချည်ထည်တွေအပြင် သံတောင်ကြီးဒေသ က အမျိုးသမီးတွေကို ကိုယ်တိုင်စိုက်ပျိုးထုတ်လုပ်တဲ့ ကော်ဖီတွေကိုလည်း ဈေးကွက်တွင်းရောက်အောင် ကူညီရောင်းချပေးနေတယ်။ ဒ့ါအပြင်အဲဒီဒေသက ထွက်ရှိတဲ့  သဘာဝပြား ပျားရည်၊ အုန်းဆီ တွေလည်း ရောင်းချပေးတာမျိုးတွေရှိပါတယ်။ သံတောင်ကြီးဒေသတင်မဟုတ်ဘဲ ကချင်ပြည်နယ်က ကချင်စစ်ပြေးရှောင်အမျိုးသမီးတွေရဲ့ ကိုယ်တိုင်ထုတ်လုပ်တဲ့ လက်မှုပစ္စည်းတွေကိုလည်း ဈေးကွက်တွင်းရောက်အောင် ကူညီပေးနေတာဖြစ်ပါတယ်။ “အိုင်ဒီပီကကျတော့ မြစ်ကြီးနားကပေါ့။ ကချင်အမျိုးသမီးတွေပေါ့။ ပြောရမယ်ဆိုရင် ဒီ product တွေက ကျမတို့ YWCA ရဲ့Network အောက်က အမျိုးသမီးတွေပဲ။ ဒေသက မြစ်ကြီးနား YWCA ကနေပြီးတော့ သူတို့သွားပြီးတော့ ကူညီပေးနေတဲ့ အိုင်ဒီပီ စခန်းတွေရှိတယ်။ သူကကျတော့ ကချင်အဆင်တွေနဲ့ လက်မှုလုပ်တဲ့ပစ္စည်းတွေကို ကျမတို့ ရန်ကုန်ကိုပို့ပေးတယ်။ ဒီကနေ ရောင်းရတဲ့ဟာကျတော့ မြစ်ကြီးနားအိုင်ဒီပီအတွက်ကိုပဲ ကျမတို့ ပြန်ပို့ပေးတာပေါ့နော်။ ” အဓိက အမျိုးသမီးတွေရဲ့ ဖွံ့ဖြိုးရေးအတွက် ရည်ရွယ်ပြီး ကူညီပေးနေတာဖြစ်ပြီး အမျိုးသမီး အချင်းချင်းလည်း ပြန်လည်မျှဝေလို့ရအောင် ကူညီပေးနေတာဖြစ်လို့လည်း ပြောပါတယ်။ “သူတို့အချင်းချင်းလည်း ပြန်ပြီးတော့ သင်ကြားနိုင်တဲ့အနေအထားပေါ့နေ်ာ။ တချို့ဆိုရင် ကျမတို့ ချင်းမိုင်က vocational school တွေကိုလည်း ကျမတို့ပို့ပေးတယ်။ အခုလက်ရှိမှာလည်း သူတို့ ဘာပြန်လုပ်လဲဆိုတော့ သူတို့ တတ်လာတဲ့ ပညာကို ပြန်လည်သင်ကြားနိုင်တဲ့အထိ သွားနိုင်တယ်။” ဒီလို အမျိုးသမီးတွေအတွက် ကူညီပေးမှုတွေ လုပ်ဆောင်တဲ့နေရာမှာတော့ နေရာထိုင်ခင်း အခက်အခဲနဲ့ ကုန်ကြမ်းကို ရှာတဲ့နေရမှာ အနည်းငယ်အခက်အခဲ ရှိနေပါတယ်။ လတ်တလောကုန်ကြမ်းကို ထိုင်းနိုင်ငံကပဲ မှာယူနေရတဲ့အတွက် ကုကျစရိတ်တွေ အနည်းငယ်များနေတာကြောင့် အခက်အခဲဖြစ်တယ်လို့လည်းပြောပါတယ်။ ဒါအပြင် အော်ဒါလက်ခံတဲ့နေရာမှာလည်း အရည်အချင်း ပြည့်မီတဲ့ ပစ္စည်းပြည့်ဖို့တော့ ကြိုးစားလုပ်ဆောင်နေတယ်လို့ ပြောပါတယ်။ ယုဝတီစင်တာ အဓိက ထုတ်လုပ်ရောင်းချနေတဲ့ပစ္စည်းတွေဟာ သံတောင်ကြီးနဲ့ ကချင်ပြည်နယ်ဘက်က အိုင်ဒီပီတွေကို တဖက်တလမ်းကနေ ကူညီတဲ့အတွက်လည်း ပြည်တွင်းဖြစ်ကို လာရောက်အားပေးကြဖုိ့လည်း နော်ကလိုရီယာမောင်မောင်က ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up