မူးယစ်ကုန်သည်အား ငွေလွှဲပေးသည့် မြန်မာအမျိုးသမီး ၁ ဦးကို ထိုင်းတရားရုံးက သေဒဏ်ပေး
DVB
·
January 28, 2019
ထိုင်း-မြန်မာနယ်စပ်ကနေ မူးယစ်ကုန်သည်တွေကို ငွေလွှဲပေးနေတဲ့ မြန်မာအမျိုးသမီး တဦးကို ထိုင်းတရားရုံးက ပြီးခဲ့တဲ့ ဇန်န၀ါရီလ ၂၄ ရက်နေ့မှာ သေဒဏ်ချမှတ်လိုက်ပါတယ်။
မြန်မာနိုင်ငံ တာချီလိတ်မြို့မှာ နေထိုင်သူ အသက် ၄၃ နှစ်ရွယ်ရှိ နန်းမြင့်သိန်းအေးဟာ ငွေ လွှဲတဲ့အမှုတခုတည်းသာလုပ်ခဲ့ပေမယ့် ဒါဟာမူးယစ်ဆေးဝါးနဲ့ပတ်သက်တဲ့ အပြစ်ရှိသူတွေကို အားပေးကူညီတာ၊ မူးယစ်တရားခံတွေကို အကာအကွယ်ပေးတာ၊ မူးယစ်တရားခံတွေရဲ့ အပြစ်ကိုထိန်ချန်တာအစရှိတဲ့ မူးယစ်ဆေးဝါးဥပဒေတွေနဲ့ ငြိစွန်းကြောင်း သက်သေ ထင်ရှားတာကြောင့် မူးယစ်ဥပဒေနဲ့ သေဒဏ်အပြစ်ပေးလိုက်တာလို့ ဘန်ကောက် ရာ့ခ်ျဒါးဖိဆစ် ရာဇ၀တ်မှုဆိုင်ရာတရားရုံးက စီရင်ချက်ချပါတယ်။
နန်းမြင့်သိန်းအေးကို ထိုင်းအမျိုးသားရဲတပ်ဖွဲ့နဲ့ ထိုင်းမူးယစ်ရဲတပ်ဖွဲ့ဝင်တွေ ပူးပေါင်းပြီး လွန်ခဲ့တဲ့ ၂၀၁၇ ခုနှစ် နိုဝင်ဘာ ၂၉ ရက်က သူ ဘန်ကောက်ကို ဆေးလာကုစဉ် လမ်းမှာစောင့်ဆိုင်း ဖမ်းဆီးခဲ့တာပါ။
နန်းမြင့်သိန်းအေးနဲ့ သူရဲ့ ရှေ့နေကတော့ သူဟာ မူးယစ်ဆေးဝါးနဲ့ လုံးဝပတ်သက်ခြင်း မရှိကြောင်း ၊ ငွေလာလွှဲသူက ဘယ်ကနေ ငွေရလာလဲဆိုတာ မသိကြောင်း ငြင်းဆိုခဲ့ပါတယ်။
ထိုင်းမူးယစ်ရဲတပ်ဖွဲ့ ရဲချုပ် ဆုမ်မိုင် ကောင်ဝိဆိုင်ဆုခ်က သူမဟာ ထိုင်းက ဖမ်းဝရမ်း ထုတ်ထားတဲ့ မူးယစ်ကုန်သည် ကျေ့ဖောင်နဲ့ အမြဲလိုငွေလွှဲနေတာတွေ့ရှိကြောင်း၊ အစ်အွန့် ခေါ် နိုင်းကျလန်းခမ်းဆွတ်ဆိုသူ မူးယစ်တရားခံကလည်း နန်းမြင့်သိန်းအေးရဲ့ ဘဏ်အကောင့်နဲ့ နှစ်စဉ်ဘတ်သန်းပေါင်း ၁၀၀၀၀ လောက် လည်ပတ်လွှဲပြောင်းနေတာတွေ့ရှိတယ်လို့ ပြောပါတယ်။
ဒါ့အပြင် သူဟာ ထိုင်းဘက်ခြမ်း မူးယစ်ကုန်သည်တွေက ပို့လာတဲ့ ငွေတွေကို မြန်မာဘက်ရှိ မူးယစ်ဆေးဝါးထုတ်လုပ်တဲ့ စက်ရုံတွေကို လွှဲပေးနေကြောင်း၊ သူဟာ မူးယစ်ကုန်သည်တွေကို ငွေလွှဲလာပေးတာ ၁၀ နှစ်ကျော်ခဲ့ပြီး ထဲန်းအေမူးယစ်ကုန်သည်အဖွဲ့နဲ့ ပူးပေါင်းကာ ထိုင်း- မြန်မာနယ်စပ်မှာ ကျောက်မျက်ရတနာဆိုင်၊ ဟိုတယ်တွေဖွင့်ပြီး ငွေမည်းခ၀ါချ တယ်လို့ ထိုင်းမူးယစ်ရဲချုပ်က သတင်းစာရှင်းပွဲမှာ ပြောသွားပါတယ်။
သူ့ကို ဖမ်းဆီးရမိပြီးတဲ့နောက် နောက်ထပ်မူးယစ်ဆေးရောင်းဝယ်သူတွေကို ဖမ်းဆီးနိုင်ခဲ့ သလို ဖမ်းဝရမ်းထုတ်ထားသူတွေလည်းရှိကြောင်း၊ အဲဒီထဲမှာ နန်းသိန်းမြင့်မိုး ဆိုသူ မြန်မာ အမျိုးသမီး တယောက်လည်း ထွက်ပြေးလွတ်မြောက်နေတယ်လို့ ဆိုပါတယ်။
ထိုင်း-မြန်မာနယ်စပ်မှာ ငွေလွှဲလုပ်ငန်းလုပ်ကိုင်သူတွေ အများအပြားရှိပြီး နန်းမြင့်သိန်းအေး သေဒဏ်ချမှတ်ခံရတဲ့သတင်းကြောင့် နယ်စပ်ငွေလွှဲသူတွေအနေနဲ့ ပိုမိုသတိထားလုပ်ကိုင်လာ နေကြတယ်လို့ တာချီလိတ်မှာ ငွေလွှဲလုပ်ငန်းလုပ်ကိုင်တဲ့ ကိုစိုင်းက ဒီဗွီဘီကို ပြောပါတယ်။
“အဲဒီသတင်းကြားတော့ တုန်လှုပ်ကြတာပေါ့နော်၊ ဒါပေမယ့် သူက မူးယစ်ဆေးဝါးနဲ့ ပတ်သက်နေတာလေ၊ နောက်ပြီးတော့ ပိုက်ဆံတွေက သန်းနဲ့ချီလွှဲတာ၊ ကျနော်တို့က ထိုင်းမှာ အလုပ်သွားလုပ်တဲ့ အလုပ်သမားတွေ ကိုယ့်အိမ်ကိုငွေပြန်ပို့ရအောင် ၀န်ဆောင်ပေးတာဆိုတော့ မများပါဘူး။ ကိုယ့်ဆီကို ပိုက်ဆံလွှဲတာ ဘယ်သူလဲ၊ ဘာအလုပ်လုပ်လဲဆိုတာ သိထားရတာပေါ့။ သံသယရှိတယ်ဆိုရင်တော့ ဘယ်လောက်ရရ လက်မခံသင့်ပါဘူး။”
နယ်စပ်မှာ ငွေလွှဲလုပ်သူတွေများပြားပေမယ့် တရားဝင်မှတ်ပုံတင်နိုင်ဖို့ ဥပဒေ မရှိသေး ကြောင်း၊ ဒါပေမယ့် တရားဝင်ဘဏ်တွေကနေ ငွေလွှဲတာကြောင့် ဥပဒေမဲ့လည်းမဟုတ်ကြောင်း ကိုစိုင်းက ပြောပါတယ်။
ကိုးကား - thairath / spring news