ချေးငွေရရန် ဘဏ်မန်နေဂျာကို အင်္ကျီချွတ်ပြစည်းရုံးခဲ့သည့် ရုရှားအမျိုးသမီးငယ်

ချေးငွေရဖို့ ဘဏ်မန်နေဂျာကို အင်္ကျီချွတ်ပြ စည်းရုံးခဲ့တဲ့ အမျိုးသမီးတယောက်ရဲ့ ဗွီဒီယိုဖိုင်ဟာ ရုရှားနိုင်ငံမှာ တော်တော်လေးနာမည်ကြီးနေတယ်လို့ ဇန်န၀ါရီ ၂၂ ရက်နေ့ OC သတင်းမှာဖော်ပြပါတယ်။ ဒီဖြစ်ရပ်ဟာ ကာဇန်မြို့မှာ ဖြစ်ပွားခဲ့တာဖြစ်ပြီး အင်္ကျီချွတ်ပြခဲ့တဲ့ အမျိုးသမီးကတော့ အသက် ၂၀ ကျော်အရွယ် ယူလီယာကတ်ဇ်မီနာ ဖြစ်တယ်လို့ သတင်းမှာဖော်ပြပါတယ်။ ယူလီယာဟာ ကားအသစ်ဝယ်ဖို့ ပိုက်ဆံလာချေးတာဖြစ်ပြီး လိုအပ်တဲ့ စာရွက်စာတမ်းတွေ အကုန်လုံး ဖြည့်အပြီးမှာ ဘဏ်က သူ့ကိုယုံကြည်လို့ မရနိုင်သူအဖြစ် သတ်မှတ်ကာ ချေးငွေပေးဖို့ ငြင်းဆန်ခဲ့တာပဲဖြစ်ပါတယ်။ ငြင်းဆန်ခံရမှုပြီးတဲ့နောက်မှာ ယူလီယာက ချေးငွေထုတ်ချေးပေးတဲ့ မန်နေဂျာကို အသနားခံစည်းရုံးခဲ့ပေမယ့် မအောင်မြင်ခဲ့ပါဘူး။ စကားနဲ့ ပြောဆိုစည်းရုံးခဲ့တာ မအောင်မြင်ခဲ့လို့ ယူလီယာက သူမရဲ့ နောက်ဆုံးလက်နက်ကို ထုတ်သုံးဖို့ ဆုံးဖြတ်လိုက်ဟန်ရှိပြီး မန်နေဂျာရှေ့မှာတင် သူမရဲ့အပေါ်ပိုင်း အင်္ကျီကို ချွတ်ပစ်လိုက်ပါတယ်။ ဒီဗွီဒီယိုဖိုင်ဟာ ရုရှားနိုင်ငံက လူမှုကွန်ရက်အသုံးပြုသူတွေကြားမှာ ပျံ့နှံ့နေပြီး ယူလီယာ အင်္ကျီချွတ်လိုက်ပြီးနောက် ဘဏ်မန်နေဂျာကို တခုခု ပြောလိုက်တာမြင်တွေ့ရပြီး ရှက်ရွံ့သွားပုံရတဲ့ မန်နေဂျာက ခေါင်းကိုသာ တွင်တွင်ကြီးခါယမ်းနေတာကို မြင်တွေ့ရပါတယ်။ အပေါ်အင်္ကျီချွတ်လိုက်ပေမယ့်လည်း မအောင်မြင်တဲ့အတွက် ယူလီယာက သူမရဲ့အတွင်း ခံအင်္ကျီကိုပါ ထပ်ခံချွတ်ပစ်ခဲ့ပေမယ့် ဒီနည်းကလည်း မအောင်မြင်ခဲ့ပါဘူး။ ဘဏ်မန်နေဂျာက သူ့ရဲ့ခေါင်းကိုသာ ယမ်းခါပြီး သူ့နေရာကထကာ ယူလီယာကို အင်္ကျီပြန်ဝတ်ဖို့ အင်္ကျီကိုကမ်းပေးခဲ့ပြီး သူမကို ဘဏ်ရဲ့ထွက်ပေါက်ရှိတဲ့ဘက်ဆီ ညွှန်ပြလိုက်တာကိုလည်း ဗွီဒီယိုဖိုင်မှာမြင်တွေ့ရပါတယ်။ ဒီဗွီဒီယိုဖိုင်နဲ့ ပတ်သတ်လို့ လူမှုကွန်ရက်အသုံးပြုသူတွေက အမျိုးမျိုးမှတ်ချက်ပေးနေကြပြီး ဘဏ်မန်နေဂျာဖြစ်သူ ကတ်ဇ်မီနီကတော့ သူ့ကို ဝေဖန်နေသူလည်း သူ့လိုအခြေအနေမျိုးနဲ့ ကြုံတွေ့ခဲ့ရင် ဘာလုပ်ရမယ်မှန်း သိမှာမဟုတ်ဘူးလို့ ပြောပါတယ်။ ထွက်ပေါ်လာတဲ့ သတင်းတွေအရ ယူလီယာဟာ အဖော်အချွတ်မယ်တဦး ဖြစ်တယ်လို့သိရပြီး ဒီဖြစ်ရပ်ဟာ ဘယ်ဘဏ်မှာ ဖြစ်ပွားခဲ့တယ်လို့ အတည်မပြုနိုင်သေးပေမယ့် ယူလီယာကတော့ ချေးငွေရရှိသွားခြင်း မရှိဘူးလို့ OC သတင်းက ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up