လေယာဉ်နှင့်အတူ ပျောက်ဆုံးနေသည့် ဘောလုံးသမား ဆာလာအား ရှာတွေ့ရန် မျှော်လင့်ချက် မှေးမှိန်

အင်္ဂလန်နယ်ကြား ပင်လယ်ထဲမှာ ပျောက်သွားတဲ့ ဘောလုံးသမား အီမီလီယာနို ဆာလာကို ရှာတွေ့ဖို့ မျှော်လင့်ချက်တွေ မှေးမှိန်လာနေပါတယ်။ သူ့လေယာဉ်ပျံသန်းရင်း ပျောက်သွားလို့ ရှာနေတာ ၃၆ နာရီ ကျော်လာပါပြီ။ သူ့လေယာဉ် မပျောက်ခင်က လေယာဉ်ပေါ်ကနေ ပို့ခဲ့တဲ့ အသံသတင်းစကားထဲမှာ သူ့ရဲ့ ကြောက်နေတဲ့ အသံကို ကြားရပါတယ်။ ဒီအသံဟာ ဆာလာရဲ့အသံ ဟုတ်မှန်ကြောင်း ဖခင်ဖြစ်သူက အတည်ပြုပေးခဲ့တယ်လို့ အာဂျင်တီးနားအခြေစိုက် ကလာရင်သတင်းစာက ပြောပါတယ်။ ကယ်ဆယ်ရေးသမားတွေနဲ့ လေယာဉ် ၂ စီးက ချန်နယ်ရေလက်ကြားထဲက အယ်လ်ဒါနေးကျွန်းရဲ့ အနောက်မြောက်ဘက်မှာ ပိုက်စိတ်တိုက် ရှာနေဆဲပါ။ အဲဒီနေရာမှာ အမျိုးအမည် မခွဲခြားရသေးတဲ့ အပျက်အစီးတွေကို အစောပိုင်းက တွေ့ခဲ့ပါတယ်။ ကယ်ဆယ်ရေးသမားတွေကတော့ ဆာလာနဲ့ လေယာဉ်မှူးကို အသက်ရှင်လျက် တွေ့နိုင်တဲ့ အခွင့်အလမ်းက မှေးမှိန်နေတယ်လို့ ပြောပါတယ်။ အသက် ၂၈ နှစ်အရွယ် ဆာလာဟာ ပြင်သစ်အနောက်ပိုင်း နန်တက်စ်ကနေ ဗြိတိန်နိုင်ငံ ကာဒစ်ဖ်မြို့ဆီကို သွားရင်း ခုလို ဖြစ်တာပါ။ အင်ဂျင်တလုံးတပ် ပိုက်ပါ မာလီဘူး လေယာဉ်နဲ့ ပျံသန်းရင်း စိုးရိမ်ကြောင်း လေယာဉ်ပေါ်ကနေ သူငယ်ချင်းတွေဆီကို အသံနဲ့ မက်ဆေ့ခ်ျ ပေးပို့ခဲ့ပါတယ်။ လေယာဉ်ဟာ ပေ ၅၀၀၀ အမြင့်ကနေ ပျံနေရင်း လေယာဉ်မှူးက ပိုနိမ့်နိမ့်ပျံဖို့ ခွင့်တောင်းခဲ့ပါတယ်။ အဲဒီနောက် ပေ ၂၃၀၀ အရောက်မှာ ရေဒါနဲ့ အဆက်အသွယ် ပြတ်ခဲ့တာလို့ ပြင်သစ်ရဲတွေက ပြောပါတယ်။ လောလောဆယ် ချန်နယ်ရေလက်ကြားက ရေအပူချိန်က ၁ဝ ဒီဂရီစင်တီဂရိတ် ရှိနေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up