ရာထူးမှ နှုတ်ထွက်ရန် အတင်းအကြပ် ဖိအားပေးခံခဲ့ရဟု ကချင်ဝန်ကြီးပြော
DVB
·
January 22, 2019
ပြည်နယ်ဝန်ကြီးရာထူးတာဝန်ကနေ မပြစ်မရှိဘဲ အတင်းအကြပ် နုတ်ထွက်စာတင်ခိုင်းခံခဲ့ ရတယ်လို့ တာဝန်ကနေရပ်စဲခံရတဲ့ ကချင်ပြည်နယ်အစိုးရအဖွဲ့ သယံဇာတသဘာဝပတ်ဝန်းကျင် ၀န်ကြီး ဦးHလှအောင်က ထုတ်ဖော်ပြောကြားလိုက်ပါတယ်။
ဦးHလှအောင်က “ထွက်ပါ၊ နုတ်ထွက်စာတင်ပါဆိုတော့ အကြောင်းပြချက် မရှိဘဲနဲ့လည်း ခက်တယ်လေ။ အပြစ်ရှိလားလို့ ကိုယ့်ကိုယ်ကို ပြန်သုံးသပ်ကြည့်တော့လည်း ပြည်သူတွေက ကျနော်နဲ့ပတ်သက်ပြီး တိုင်ကြားထားတယ်ဆိုတာလည်း မကြားဘူး။ နောက်တခုက သူ (ဝန်ကြီးချုပ်) ပြောတာလည်း ပထမကတော့ အတိုင်ပင်ခံ ပုဂ္ဂိုလ်ဒေါ်အောင်ဆန်းစု ကြည်ကနေပြီးတော့ ဖုန်းနဲ့ ပြောတယ်လို့ ပြောတယ်။ အခု ကျနော်ရောက်လာတဲ့ အခါကျတော့ မဟုတ်ဘူး၊ လောလောဆယ် သမ္မတ ဦးဝင်းမြင့်ကိုယ်တိုင် စောင့်နေတယ်။ ခင်ဗျား အမြန်ဆုံးလာပါဆိုတော့ တွေဝေတဲ့အပိုင်းလေးတွေ ရှိတာပေါ့။ အကောင်းဆုံးကတော့ ခင်ဗျား ကိုယ့်ဘာသာ နုတ်ထွက်စာတင်တာ အကောင်းဆုံးပဲလို့ ပြောတဲ့ အပိုင်းလေးတွေ ရှိတယ်ဗျ။ ကျနော့်ကို အာဏာရှင် ဆန်ဆန်ပုံစံမျိုး အမိန့်ပေးပြီးတော့မှ အမြန်ဆုံး ထွက်ကိုထွက်ရမယ်၊ ဒီနေ့ကတော့ ဆိုင်း (လက်မှတ်) မထိုးလို့ မရဘူးဆိုတာမျိုးတွေ ဖြစ်လာတော့၊ အာဏာရှင်ကို မကြိုက်လို့ ဒီအန်အယ်လ်ဒီထဲကို ကျနော် ဝင်လာခဲ့တာပါ။”
အလားတူ မိမိသဘောဆန္ဒအလျောက်နုတ်ထွက်ခွင့်ပြုတယ်လို့ သမ္မတရုံးကနေ ကြေညာခြင်းခံခဲ့ရတဲ့ ကချင်ပြည်နယ်လူမှုရေးဝန်ကြီး ဒေါက်တာသင်းလွင်ကလည်း နုတ်ထွက်စာမတင်ရင် စုံစမ်းစစ်ဆေးခံရမယ်လို့ ပြောတဲ့အတွက် ထွက်စာတင်ခဲ့တာလို့ ပြောပါတယ်။
ဒေါက်တာသင်းလွင်က “ကျနော်က ရွေးကောက်ခံလည်း မဟုတ်ဘူးလေ။ ဝန်ကြီးချုပ်က မနေ့က ကျနော့်ကို ဖုန်းနဲ့ဆက်တယ်၊ လာတွေ့ပါ ပေါ့။ လာတွေ့ဖို့ လိုသေးလားဆိုတော့ လိုတယ် တဲ့။ ကျနော်က ရွေးချယ်ခံပုဂ္ဂိုလ်မဟုတ်ဘူး။ ဆရာက ရွေးချယ်ပြီးမှ ဝန်ကြီးဖြစ်လာတာ၊ ဆရာ့ရဲ့ လုပ်ပိုင်ခွင့်ထဲမှာ ရှိတာပဲဆိုတော့ မဟုတ်ရင် ဆရာ့ကို Dissmiss (ထုတ်ပယ်) ပစ်လိမ့်မယ်တဲ့။ အဲဒါကို ခြောက်လှန့်တယ်လို့လည်း မယူဆပါဘူး။ အထက်က သူ့ကို ဘာတွေ ပြောထားလဲ ဆိုတာကတော့ ကျနော်လည်းမသိပါဘူး။ သမ္မတကြီးဆီလိပ်မူပြီးတော့ ထွက်စာတင်ပါတဲ့၊ ကျန်းမာရေး မကောင်းကြောင်း။ ကျနော်က အဲဆိုရင် ပုံစံခွက်ကြီးထဲ ဝင်သွားမလားပေါ့။ ဒါနဲ့ ဝန်ကြီးချုပ်ဆီ လိပ်မူပြီး ကျနော့်ရဲ့ ကိုယ်ရေးကိုယ်တာ အခက်အခဲများကြောင့် နုတ်ထွက်ခွင့်ပြုပါရန်ဆိုပြီး တင်လိုက်ပါတယ်” လို့ ပြောပါတယ်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဖုန်းဆက်ပြီး ညွန်ကြားချက် အရဆိုပြီး ကချင်ပြည်နယ် ဝန်ကြီးချုပ် ဒေါက်တာခက်အောင်က ပြည်နယ်ဝန်ကြီး သုံးဦးကို မိမိသဘော ဆန္ဒအလျောက် ရာထူးကနေ နုတ်ထွက်ကြောင်းစာတင်ဖို့ ခေါ်ယူပြောဆိုခဲ့ကြောင်း ပြည်နယ် စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဦးမြသိန်းက ဇန်န၀ါရီ ၂၁ ရက်က သတင်းထောက်တွေကို ပြောကြားထားပါတယ်။
ဒီကိစ္စနဲ့ ပတ်သက်ပြီး ဒေါက်တာသင်းလွင်ကတော့ “နိုင်ငံတော်အတိုင်ပင်ခံက နုတ်ထွက်စာတင်ခိုင်းတယ်လို့ သူ(ဝန်ကြီးချုပ်) က ပြောတယ် ပေါ့။ ဒါပေမယ့် မနေ့ကတော့ သူ (ဝန်ကြီးချုပ်) က ကျနော့်ကို ဖုန်းဆက်ပြီး သမ္မတကြီး ဦးဝင်းမြင့်က သူ့ (ဝန်ကြီးချုပ်) ဆီကို ဖုန်းနဲ့ ဆက်ဆက်နေတယ်တဲ့။ ဒီနေ့ ၁၂ နာရီမှ ဖက်စ် ထိုးတာ မရောက်လို့ ရှိရင် ဆရာ့ကို သူ Dissmiss (ထုတ်ပယ်) မယ်ပေါ့။”လို့ ပြောပါတယ်။
ကချင်ပြည်နယ်အစိုးရအဖွဲ့ သယံဇာတနဲ့ ပတ်ဝန်းကျင်ထိန်းသိမ်းရေးဝန်ကြီး ဦးHလအောင်ကို တာဝန်ကနေ ရပ်စဲကြောင်း ဇန်နဝါရီ ၂၁ ရက် နေ့စွဲနဲ့ နိုင်ငံတော်သမ္မတရုံးက ထုတ်ပြန်ပါတယ်။
ဒါ့အပြင်ကချင်ပြည်နယ် အစိုးရအဖွဲ့ဝင် ဝန်ကြီးနှစ်ဦးဖြစ်တဲ့ စိုက်ပျိုးရေးနှင့် ဆည်မြောင်းဝန်ကြီး ဦးမြသိန်းနဲ့ လူမှုရေးဝန်ကြီး ဒေါက်တာသင်းလွင်တို့ကိုလည်း သူတို့ သဘောဆန္ဒအရ ပြည်နယ်ဝန်ကြီးတာဝန်က နုတ်ထွက်ခွင့်ပြုလိုက်ကြောင်းလည်း သမ္မတ ဦးဝင်းမြင့်ရဲ့ အမိန့်နဲ့ တရက်ထဲ သီးခြားအမိန့်စာ ထုတ်ပြန်ထားပါတယ်။
သတင်း-ဇော်မိုးထက်
