မြန်မာပြည်မြောက်ဖျား နှင်းဖုံးရွာကလေးရဲ့ အလှတရား (ဓာတ်ပုံ)
DVB
·
January 14, 2019
မြန်မာနိုင်ငံရဲ့ မြောက်ဘက် ကချင်ပြည်နယ်ရဲ့ ညာဘက် ထိပ်အစွန်မှာ ခေါင်လန်ဖူး မြို့လေးရှိပါတယ်။ အဲဒီမြို့လေးက ရှိန်းခေါင်ရွာမှာ အခု နှင်းတွေ ဖွေးနေအောင်ကျနေပါပြီ။
စောစောအေးတဲ့ နှစ်တွေဆိုရင်တော့ အောက်တိုဘာလကုန်ပိုင်းကစလို့ နှင်းတွေကျလေ့ရှိပြီး ပုံမှန်ကတော့ နိုဝင်ဘာမှာဖြစ်ပါတယ်။
ဒီလိုနှင်းတွေ ကျတာဟာ ပြည်မမှာ အပူဆုံးအချိန်ဖြစ်တဲ့ မတ်လကုန်အထိ ကျတတ်တာပါ။
အဲဒီကို ပြည်တွင်းကနေ တိုက်ရိုက်သွားလာဖို့ ခက်ခဲပြီး မြစ်ကြီးနားမြို့ကနေ ဝိုင်းမော်- ဆဒုံး- ကန်ပိုက်တီး၊ အဲဒီကနေ တရုတ်ပြည်တွင်း ကူရုန်း- ထိန်ချုန်း- လုခူး- ဖူကုန်းမြို့ကိုဖြတ်ပြီးမှ မြန်မာ-တရုတ်နယ်စပ်မှတ်တိုင် ၃၁ ကနေ ဝင်ရမှာပါ။ မြစ်ကြီးနားကနေဆိုရင် ရှိန်ခေါင်ရွာအထိ ကားနဲ့သွားရင် ၃ ရက်ကြာပါတယ်။
ဓာတ်ပုံ - ဆားရ်အောင်