ခိုးဝင်မြန်မာနိုင်ငံသား ၁၀၀ ကျော် အပါအဝင် နိုင်ငံခြားသား ၃၇၅ ဦး ထိုင်းတွင် ဖမ်းဆီး

ဓာတ်ပုံ - Bangkok Post
ထိုင်းနိုင်ငံတွင်း တရားမဝင် ခိုးဝင်ခဲ့သူ မြန်မာနိုင်ငံသား ၁၀၀ ကျော် အပါအဝင် နိုင်ငံခြားသား စုစုပေါင်း ၃၇၅ ဦးကို ဖမ်းဆီးခဲ့တယ်လို့ ထိုင်းအခြေစိုက် ဘန်ကောက်ပို့စ်သတင်းမှာ ဒီကနေ့ ဖော်ပြပါတယ်။ ဒီဖမ်းဆီးမှုဟာ ထိုင်းနိုင်ငံတဝှမ်း နေရာပေါင်း ၂၃၉ ခုမှာ ပိုက်စိပ်တိုက် ရှာဖွေဖမ်းဆီးနိုင်ခဲ့တာ ဖြစ်တယ်လို့ ထိုင်းနိုင်ငံ လူဝင်မှုကြီးကြပ်ရေးဗျူရိုမှ ဒုတိယဗိုလ်ချုပ်ကြီး ဆူရာချိတ်ဟက်ခ်ဖန်က မီဒီယာတွေနဲ့ တွေ့ဆုံချိန်မှာ ပြောလိုက်တာပါ။ ထိုင်းနိုင်ငံတွင်းမှာ ဗီဇာသက်တမ်းထက် ကျော်လွန်နေထိုင်သူ ၂၁ ဦးကို ဖမ်းမိခဲ့ရာမှာတော့ အိန္ဒိယ၊ လာအိုနဲ့ မြန်မာနိုင်ငံတို့မှ ၄ ဦးစီ၊ ဂျာမနီ၊ ဆွီဒင်နဲ့ ဗီယက်နမ်နိုင်ငံတို့မှ ၂ ဦးစီနဲ့ အမေရိကန်၊ ရုရှားနဲ့ အီတလီနိုင်ငံတို့မှ ၁ ဦးစီ ပါဝင်နေပြီး ပြစ်ဒဏ်ချမှတ်ခံရမှာ ဖြစ်ပါတယ်။ ထိုင်းနိုင်ငံတွင်း တရားမဝင် ခိုးဝင်နေထိုင်သူတွေ ဖမ်းမိတဲ့ စာရင်းမှာတော့ စုစုပေါင်း ၂၄၉ ဦး ဖမ်းမိခဲ့တာဖြစ်ပြီး အဲဒီစာရင်းမှာတော့ မြန်မာနိုင်ငံမှ ၁၁၃ ဦး၊ လာအိုနိုင်ငံမှ ၇၁ ဦး၊ ကမ္ဘောဒီးယားနိုင်ငံမှ ၆၄ ဦးနဲ့ ပါကစ္စတန်နိုင်ငံမှ ၁ ဦး ပါဝင်နေတာပါ။ တခြားအမှုတွေနဲ့ နောက်ထပ် ဖမ်းဆီးရမိတဲ့ စာရင်းမှာတော့ ထိုင်းနိုင်ငံသား ၁၁၅ ဦးနဲ့ နိုင်ငံခြားသား ၁၀၅ ဦး ပါဝင်ပြီး သူတို့ထဲမှာတော့ ကမ္ဘောဒီးယားနိုင်ငံမှ ၄၂ ဦး၊ မြန်မာနိုင်ငံမှ ၃၃ ဦး၊ တရုတ်နိုင်ငံမှ ၁၆ ဦး၊ လာအိုနိုင်ငံမှ ၇ ဦး၊ အိန္ဒိယနဲ့ ဂျပန်နိုင်ငံတို့မှ ၂ ဦးစီနဲ့ အီတလီ၊ အမေရိကန်နဲ့ အင်္ဂလန်နိုင်ငံတို့မှ ၁ ဦးစီ ပါဝင်နေတာ ဖြစ်ပါတယ်။ ဒါဟာ နိုင်ငံနဲ့အဝှမ်း ၂၈ ကြိမ်မြောက် ဖြိုခွင်းဖမ်းဆီးမှုဖြစ်ပြီး ခရိုင်အလိုက် အထူးတပ်ဖွဲ့တွေ၊ အေဂျင်စီတွေနဲ့ ပူးပေါင်းလုပ်ဆောင်ခဲ့တာဖြစ်တယ်လို့ ဆိုပါတယ်။ ဦးတည်ဖမ်းဆီးခဲ့တဲ့ နေရာ ၂၃၉ ခုထဲမှာတော့ ဘာသာစကားသင်တန်းကျောင်း ၃ ကျောင်း၊ ဈေးဆိုင်ပေါင်း ၆၀၊ ညဘက်တွေ့ရှိတဲ့ နေရာ ၁၀ ခု၊ ဟိုတယ်နဲ့ တည်းခိုနေထိုင်ရာ နေရာ ၇၄ ခုနဲ့ တခြားနေရာပေါင်း ၉၂ ခုလောက် ပါဝင်တယ်လို့ သတင်းမှာ ဖော်ပြပါတယ်။ လက်ရှိအချိန်ထိ နိုင်ငံတဝှမ်း စီမံချက်အရ ဖြိုခွင်းဖမ်းဆီးနိုင်မှုမှာတော့ နေရာပေါင်း ၆၂၅၂ နေရာမှာ လူဦးရေ စုစုပေါင်း ၆၄၆၈ ဦး ဖမ်းဆီးနိုင်ခဲ့ပြီးဖြစ်တယ်လို့ ဆူရာချိတ်က ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up