၇၁ နှစ်​​မြောက်​ ကချင်​ပြည်​နယ်​​နေ့ အခမ်းအနားကို မြစ်ကြီးနားမြို့ မနောကွင်းမှာ ဒီမနက်ကျင်းပရာမှာ နိုင်​ငံ​တော်​၏ အတိုင်​ပင်​ခံပုဂ္ဂိုလ်​ ဒေါ်အောင်​ဆန်းစုကြည် တက်ရောက်ပြီး မနောအက  ပါဝင်ဆင်နွှဲခဲ့ပါတယ်။ အခမ်းအနားမှာ လူမှုဝန်​ထမ်းကယ်​ဆယ်​​ရေးနဲ့ ပြန်​လည်​​နေရာချထား​ရေး ပြည်​​ထောင်​စုဝန်​ကြီး  ဒေါက်​တာဝင်းမြတ်​​အေး ၊ ကချင်​ပြည်​နယ်​ဝန်​ကြီးချုပ်​ ​ဒေါက်​တာခက်​​အောင်​နဲ့ ပြည်​နယ်​အစိုးရအဖွဲ့ဝင်​တွေလည်း တက်​​ရောက်​ပြီး မ​နောအက ပါဝင်​ ကပြခဲ့ကြပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ကချင်ပြည်နယ်ကို ဇန်န၀ါရီ ၈ ရက်ကတည်းက ရောက်ရှိနေပြီး ဒေသဖွံ့ဖြိုးရေးလုပ်ငန်းတွေကို လိုက်လံကြည့်ရှု ဒေသခံတွေနဲ့ တွေ့ဆုံနေတာ ဖြစ်ပါတယ် ၁၉၄၈ ခုနှစ် ဇန်နဝါရီ ၁၀ ရက်က ကျင်းပခဲ့တဲ့ ကချင်ပြည်နယ်ကောင်စီ ညီလာခံရဲ့ ပထမဆုံးအစည်းအဝေးကနေ ကချင်ပြည်နယ်အစိုးရအဖွဲ့ စတင်ဖွဲ့စည်းနိုင်ခဲ့တဲ့နေ့ကို ‘ကချင်ပြည်နယ်နေ့’ အဖြစ် သတ်မှတ်ပြီး နှစ်စဉ်ကျင်းပလာတာ ဖြစ်ပါတယ်။ ရိုက်ကူး - ဇော်မိုးထက်