ဒုတိယကမ္ဘာစစ်နောက်ခံ သမိုင်း၊ အချစ်ဒရာမာ ရုပ်ရှင် – Ashes in the Snow (ရုပ်သံ)

ဒုတိယကမ္ဘာစစ်နောက်ခံ သမိုင်း၊ အချစ်ဒရာမာ ရုပ်ရှင်ကားတကားဖြစ်တဲ့ Ashes in the Snow ရုပ်ရှင်ကို လာမယ့် ဇန်နဝါရီ ၁၁ ရက်နေ့ ရုံတင်ပြသတော့မှာ ဖြစ်ပါတယ်။ ဒီကားကိုတော့ အမေရိကန် ရုပ်ရှင်ဒါရိုက်တာ Marius A. Markevicius က ရိုက်ကူးထားတာဖြစ်ပြီး လစ်ယူယေးနီးယန်း-အမေရိကန် စာရေးဆရာမ Ruta Sepetys ရေးသားတဲ့ Newyork Times Bestseller စာရင်းဝင် Between Shades of Gray ဝတ္ထုကို ရုပ်ရှင်အဖြစ် ပုံဖော်ရိုက်ကူးထားတာ ဖြစ်ပါတယ်။ ဒီရုပ်ရှင်ကားကတော့ ဒုတိယကမ္ဘာစစ်နောက်ခံ ဇာတ်လမ်းတပုဒ်ဖြစ်ပြီး အဲဒီအချိန်ကာလမှာ ဖခင်နဲ့ခွဲပြီး မိခင်၊ မောင်ငယ်တို့နဲ့အတူ ဆိုဗီယက် အလုပ်သမားစခန်း တခုဆီ ပို့ဆောင်ခံခဲ့ရတဲ့ အသက် ၁၆ နှစ်အရွယ် လစ်သူယေးနီးယန်း ဆယ်ကျော်သက် မိန်းကလေး Lina ရဲ့အကြောင်းကို ဒီကားထဲမှာ ရှုစားကြရမှာပါ။ အဲဒီအချိန်မှာ သူက ပန်းချီအနုပညာကျောင်းတခုကို တက်ဖို့ ပြင်ဆင်နေချိန်ဖြစ်ပြီး ခုလို ရုတ်တရက် ကြုံတွေ့ရချိန်မှာ အခက်အခဲကြားကနေ သူ့ရဲ့ပန်းချီအစွမ်းနဲ့ ဘယ်လိုစွန့်စားမှုတွေနဲ့ ဇွဲမလျှော့တမ်း ကြိုးစားခဲ့သလဲ ဆိုတာတွေကို ဒီကားထဲမှာ ရှုစားကြရမှာ ဖြစ်ပါတယ်။ ကြာမြင့်ခ်ျိန် ၉၈ မိနစ်ရှိတဲ့ ဒီရုပ်ရှင်ကားဟာ IMDb မှာတော့ Rating 8 ထိ ရရှိထားပြီး LA Film Festival မှာ ပြီးခဲ့တဲ့နှစ် စက်တင်ဘာလကတည်းက ကနဦး ပြသခဲ့တာ ဖြစ်ပါတယ်။ ဒီကားထဲမှာတော့ ဗြိတိန်မင်းသမီး Bel Powley က ခေါင်းဆောင်ပါဝင်ထားပြီး သူနဲ့အတူ တခြား သရုပ်ဆောင် မင်းသားမင်းသမီးတွေဖြစ်ကြတဲ့ Jonah Hauer-King,  Martin Wallström, Tom Sweet တို့ကလည်း ပါဝင်ထားကြတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up