ကမ္ဘာ့ကျန်းမာမှုအရှိဆုံး ထိပ်တန်းမြို့စာရင်းတွင် ပါရီနှင့် ချင်းမိုင် ထိပ်ဆုံးမှရပ်တည်

ကမ္ဘာ့ကျန်းမာမှုအရှိဆုံး ထိပ်တန်းမြို့စာရင်းမှာ ပြင်သစ်နိုင်ငံ ပါရီမြို့နဲ့ ထိုင်းနိုင်ငံ ချင်းမိုင်မြို့တွေဟာ ထိပ်ဆုံးအဆင့် ၁ နဲ့ ၂ နေရာတွေမှာ အသီးသီး ရှိနေခဲ့ကြပါတယ်။ ဒီသုတေသနစစ်တမ်းကိုတော့ ဗြိတိန် ခရီးသွားဝက်ဘ်ဆိုက်တခုဖြစ်တဲ့ TravelSupermarket က ကောက်ယူပြီး ထုတ်ပြန်ခဲ့တာ ဖြစ်ပါတယ်။ ဒီအဆင့်ကိုသတ်မှတ်တဲ့ အချက်တွေထဲမှာတော့ တမြို့ချင်းစီအနေနဲ့ စိမ်းလန်းတဲ့ ပန်းဥယျာဉ်တွေ၊ အားကစားလေ့ကျင့်ရေးခန်းမတွေ၊ Spa နဲ့ ယောဂစင်တာတွေ၊ ကျန်းမာရေးနဲ့ ညီညွတ်တဲ့ အစားသောက်တွေ ရရှိနိုင်တဲ့ ဆိုင်တွေ၊ အသီးအရွက်၊ အသီးအနှံသာ စားသုံးသူတွေအတွက် ရရှိနိုင်တဲ့ စားသောက်ဆိုင်တွေ ရွေးချယ်ရရှိနိုင်မှုတွေ စတဲ့အချက်တွေ ပါဝင်ပြီး အဲဒီမြို့မှာ ပျမ်းမျှ တညတည်းခိုနေထိုင်စရိတ်နဲ့ နေရောင်ခြည်ရရှိနိုင်တဲ့ အချိန်နာရီ အပိုင်းအခြားတွေလည်း ပါဝင်နေတာပါ။ ပါရီမြို့ကတော့ Spa အရေအတွက် ၈၉၄ ခု၊ အားကစားလေ့ကျင့်ရေးခန်းမ ၁၄ ခု၊ ယောဂစင်တာ ၁၈ ခု၊ ကျန်းမာရေးနဲ့ ညီညွတ်တဲ့ အစားအသောက်တွေ ရရှိနိုင်တဲ့ ဆိုင် ၁၅၅ ဆိုင်၊ အသီးအရွက်၊ အသီးအနှံသာ စားသုံးသူတွေအတွက် ရွေးချယ်စားသုံးနိုင်တဲ့ ဆိုင် ၁၃၀၅ ဆိုင်၊ စိမ်းလန်းတဲ့ပန်းဥယျာဉ် ၁၃၉ ခု၊ ပျမ်းမျှ နေရောင်ခြည်ရရှိနိုင်မှု ၁၆၆၂ နာရီ၊ တညတာနေထိုင်တည်းခိုစရိတ် ပေါင် ၁၃၀ နဲ့ စုစုပေါင်းရမှတ် ၆၁ ဒသမ ၉ မှတ်နဲ့ ပထမနေရာမှာ ရှိနေခဲ့ပါတယ်။ ဒုတိယနေရာမှာ ရှိနေတဲ့ ချင်းမိုင်မြို့ကတော့ Spa အရေအတွက် ၂၇၃ ခု၊ အားကစားလေ့ကျင့်ရေးခန်းမ ၁၁ ခု၊ ယောဂစင်တာ ၂၀ ခု၊ အသီးအရွက်၊ အသီးအနှံသာ စားသုံးသူတွေအတွက် ရွေးချယ်စားသုံးနိုင်တဲ့ ဆိုင် ၃၀၇ ဆိုင်၊ စိမ်းလန်းတဲ့ ပန်းဥယျာဉ် ၅ ခု၊ ပျမ်းမျှ နေရောင်ခြည်ရရှိနိုင်မှု ၂၅၁၂ နာရီ၊ တညတာ နေထိုင်တည်းခိုစရိတ် ပေါင် ၄၀ နဲ့ စုစုပေါင်းရမှတ် ၅၉ ဒသမ ၆ မှတ် ရရှိထားခဲ့တာပါ။ ဒီစာရင်းထဲမှာတော့ တတိယနေရာမှာ စပိန်နိုင်ငံ ဘာစီလိုနာမြို့က ရပ်တည်နေပြီး သူ့နောက်မှာတော့ ထိုင်းနိုင်ငံ ပတ္တယားမြို့၊ ကနေဒါနိုင်ငံ ဗန်ကူးဗားမြို့၊ အမေရိကန်နိုင်ငံ မီယာမီမြို့၊ ဆန်ဖရန်စစ္စကိုမြို့၊ ပေါ်တူဂီနိုင်ငံ လစ္စဘွန်းမြို့၊ အင်ဒိုနီးရှားနိုင်ငံ ဒင်ပါဆာမြို့၊ အာဂျင်တီးနားနိုင်ငံ ဗျူနိုအေးရီးစ်မြို့တွေက ထိပ်ဆုံး ၁၀ နိုင်ငံ စာရင်းမှာ အစဉ်လိုက်ရှိနေတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up