တောင်ကိုရီးယား စကိတ်စီးပြိုင်ပွဲတွင် မြန်မာက ရွှေနှင့်ကြေး တံဆိပ် ၂ ခု ဆွတ်ခူး

တောင်ကိုရီးယားနိုင်ငံမှာ ကျင်းပခဲ့တဲ့ စကိတ်စီးပြိုင်ပွဲမှာ မြန်မာကစားသမား ၂ ဦးက ရွှေတံဆိပ် ၁ ခု ကြေးတံဆိပ် ၁ ခုရယူနိုင်ခဲ့ပါတယ်။ ဆောင်းရာသီ အိုလံပစ်အားကစားနည်း Dream Program 2018 အဖြစ် ယှဉ်ပြိုင်တဲ့ အခုပြိုင်ပွဲမှာ စကိတ်အားကစား မဖွံ့ဖြိုးသေးတဲ့ နိုင်ငံ ၁၅ နိုင်ငံ ဝင်ရောက်ယှဉ်ပြိုင်ခဲ့ကြတာပါ။ Short Track Speed ပြိုင်ပွဲရဲ့ ရွှေတံဆိပ်ဆုကို မောင်းမင်းသုခ (ပဲခူး) နဲ့ ကြေးဆုကို မောင်ကောင်းသန့် (ဝမ်းတွင်း၊ မိတ္ထီလာ) တို့က ရယူနိုင်ခဲ့တာဖြစ်ပါတယ်။ မြန်မာအပါအဝင် ပါဝင်ယှဉ်ပြိုင်တဲ့ ၁၅ နိုင်ငံလုံး ခြေစစ်ပွဲကစားခဲ့ရပြီး သွားရောက်ယှဉ်ပြိုင်တဲ့ မြန်မာကစားသမား ၃ ဦးလုံး ဖိုင်နယ်အဆင့် တက်ခဲ့ပါတယ်။ နောက်ဆုံး ၆ ဦးအဆင့်မှာ မြန်မာက မောင်မင်းသုခက ပထမ သီရိလင်္ကာကစားသမားက ဒုတိယနဲ့ မောင်ကောင်းသန့်က တတိယရခဲ့ပြီး ဗီယက်နမ်နဲ့ ပနားမားကစားသမားတွေက အဆင့် ၄ နဲ့ ၅ နောက်ထပ် မြန်မာကစားသမားတဦးဖြစ်တဲ့ မောင်ပြည့်ထွန်းအောင်က အဆင့် ၆ နေရာ ရခဲ့တာဖြစ်ပါတယ်။ “စကိတ်အားကစားကနေ ပထမဆုံးရတဲ့ ဆုတံဆိပ်ဖြစ်ပါတယ်။ ဆီးဂိမ်းမှာပါမယ့် တခြားပြိုင်ပွဲ အမျိုးအစားတွေကိုလည်း လေ့ကျင့်ပေးနေတယ်" လို့ မြန်မာစကိတ်အားကစားအဖွဲ့ချုပ်ဥက္ကဋ္ဌ ကိုလွင်လတ်က ပြောပါတယ်။ ဒီပြိုင်ပွဲဟာ ကိုရီးယား အားကစားဗျူရိုရဲ့ဖိတ်ခေါ်မှုအရ ကျန်မာရေးနှင့် အားကစားဝန်ကြီးဌာနရဲ့ တာဝန်ပေးချက်နဲ့ မြန်မာနိုင်ငံ စကိတ်စီးအာကစားအသင်းက လူငယ်စကိတ်စီး အားကစားသမားတွေကို ရွေးချယ်စေလွှတ်ခဲ့ရာကနေ အောင်မြင်မှုရရှိခဲ့တာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up