ခင်ပွန်း ဂရုစိုက်မစိုက် သိရှိရန် သားဖြစ်သူအား ပြန်ပေးဆွဲသည့် တရုတ်အမျိုးသမီး
1.1K
သူတို့သားအမိအပေါ် ခင်ပွန်းသည်က အမှန်တကယ်ဂရုစိုက်ခြင်းရှိမရှိ စမ်းသပ်ဖို့ တရုတ်နိုင်ငံက အမျိုးသမီးတဦးက သူမရဲ့ ၁၁ နှစ်အရွယ်သားဖြစ်သူ ပြန်ပေးဆွဲခဲ့တယ်ဆိုပြီး လိမ်ညာတိုင်ကြားခဲ့ကြောင်း OC သတင်းမှာ ဖော်ပြပါတယ်။
ဒီဖြစ်ရပ်ဟာ တရုတ်နိုင်ငံ ယူကွင်းမြို့မှာ ပြီးခဲ့တဲ့ ဒီဇင်ဘာ ၇ ရက်နေ့ကဖြစ်ပွားခဲ့တာပါ။ ချန်လို့ အမည်ရတဲ့ အသက် ၃၃ နှစ်အရွယ် ကလေးအမေဟာ သားဖြစ်သူ ကျောင်းကအပြန်မှာ ပြန်ပေးဆွဲခံခဲ့ရကြောင်း ရဲတပ်ဖွဲ့ကို သွားတိုင်ခဲ့ပါတယ်။
ဒါ့ကြောင့် မြို့ရဲတပ်ဖွဲ့က ဒီကိစ္စကို ပထမဦးစားပေးအကြောင်းအရာအဖြစ် သတ်မှတ်ပြီး ကြီးမားတဲ့ အရင်းအမြစ်တွေကို သုံးစွဲကာ ယူကွင်းမြို့နဲ့ အနီးအနားမှာရှိတဲ့ ဝန်ဇိုမြို့တို့မှာပါ ရှာဖွေမှုတွေ လုပ်ခဲ့ပါတယ်။
ဒါ့အပြင် ဒီကိစ္စနဲ့ ပတ်သက်ပြီး သတင်းပေးနိုင်သူကို ယွမ် ၅၀၀,၀၀၀ ပေးမယ်လို့ ဆုကြေးထုတ်ပြန်ခဲ့တာကြောင့် ကလေးပျောက်ဆုံးမှုဟာ တနိုင်ငံလုံး အတိုင်းအတာနဲ့ အာရုံစိုက်စရာ ဖြစ်လာခဲ့ပြီး ပျောက်ဆုံးမှုအကြောင်းကို ရေးသားထားတဲ့ Webo က အွန်လိုင်း ဆောင်းပါးတွေဟာလည်း အကြိမ်ရေ သန်းနဲ့ချီကာ ဝင်ရောက်ဖတ်ရှုခြင်းခံခဲ့ရပါတယ်။
ရဲတပ်ဖွဲ့က ၁၁ နှစ်သားလေးကို ငါးရက်တိုင်တိုင် အားတိုက် အားတိုက်ရှာဖွေခဲ့ကြပြီး ငါးရက်အကြာမှာ ဒီဖြစ်စဉ်ဟာ လိမ်ဆင်ကြီးဖြစ်ကြောင်း သက်သေအထောက်အထားတွေကို မြင်တွေ့ခဲ့ရပါတယ်။
စီစီတီဗွီမှတ်တမ်းတွေကို အစကပြန်စစ်ဆေးကြည့်တဲ့အခါ ချန်ဟာ ပြန်ပေးဆွဲခံရတယ်လို့ ယူဆရတဲ့ နေရာနားမှာ သားဖြစ်သူကို တခြားကားတစီးပေါ် သွားစောင့်နေဖို့ စေခိုင်းတာကို မြင်တွေ့ခဲ့ရပြီး ကားကို ခြေရာခံပြီးချိန်မှာတော့ သူမရဲ့ ၁၁ နှစ်အရွယ်သားလေးဟာ ယူကွင်းမြို့အနီး ရွာတခုက သူတို့ဆွေမျိုးတွေဆီမှာ ဘေးကင်စွာရှိနေကြောင်းကို တွေ့ခဲ့ရပါတယ်။
အဲ့ဒီနောက်မှာတော့ ရဲတပ်ဖွဲ့ဝင်တွေက ချန်ကိုလိမ်ညာတိုင်တန်းမှုနဲ့ ဖမ်းဆီးခဲ့ပြီး ဒီလိုလုပ်ရခြင်းရဲ့ ရည်ရွယ်ချက်ကို မေးမြန်းခဲ့ပါတယ်။ ချန်ဟာ မကြာသေးခင်က သူမခင်ပွန်းနဲ့ စကားများရန်ဖြစ်ခဲ့ကြောင်း၊ ဒါ့ကြောင့် ခင်ပွန်းသည်က သူတို့သားအမိပေါ် အမှန်တကယ် ဂရုစိုက်သေးလား သိချင်တာကြောင့် ဒီိလိုမျိုး ဇာတ်လမ်းဆင်ခဲ့တာဖြစ်ကြောင်း ပြောဆိုခဲ့ပါတယ်။
ချန်ရဲ့အဖြေစကားကြောင့် ရဲတပ်ဖွဲ့ဝင်တွေက အံ့အားသင့်ခဲ့ရပြီး တရုတ်ပြည်သူ ထောင်ပေါင်းများစွာကို စိတ်ဆိုးဒေါသထွက်စေခဲ့ကာ သူမကို အရေးယူပေးဖို့ တောင်းဆိုခဲ့ကြပါတယ်။
