A d v e r t i s e m e n t With Us

စပိန်တွင် ဆယ်ကျော်သက်မိန်းကလေးကို လိင်ပိုင်းနှောင့်ယှက်မှုဖြင့် အမျိုးသား ၅ ဦးအား ထောင် ၉ နှစ်ချ

ဓာတ်ပုံ - Getty Images
စပိန်နိုင်ငံ ပမ်ပလိုနာမြို့က စန်ဖာမင်းပွဲတော်အတွင်း အမျိုးသား ၅ ဦးက အသက် ၁၈ နှစ်အရွယ် မိန်းကလေးတဦးကို အုပ်စုလိုက် အဓမ္မပြုကျင့်ခဲ့တယ်ဆိုတဲ့ အငြင်းပွားဖွယ်အမှုဟာ လိင်ပိုင်းနှောင့်ယှက်မှုသာဖြစ်ပြီး အဓမ္မပြုကျင့်မှု မမြောက်ကြောင်း စပိန် ဒေသန္တရ တရားရုံးက ဒီဇင်ဘာ ၅ ရက်မှာ အတည်ပြုလိုက်ပါတယ်။ "The Wolf Pack" လို့ သူတို့ကိုယ်သူတို့ခေါ်တဲ့ အမျိုးသား ၅ ဦးကို ထောင်ဒဏ် ၉ နှစ်စီ ပြစ်ဒဏ်စီရင်ကြောင်း နာဗာရာတရားရုံးက အတည်ပြုပါတယ်။ အစိုးရရှေ့နေက သူတို့ကို ထောင်ဒဏ် နှစ် ၂၀ ကျော် ပြစ်ဒဏ်ချဖို့ ကနဦးက တောင်းဆိုခဲ့တာပါ။ ဒါပေမယ့် ဓားနဲ့ခြိမ်းခြောက်မှုတွေ၊ ရုပ်ပိုင်းဆိုင်ရာ ထိုးနှက်မှုတွေလို အကြမ်းဖက်မှုအတွက် သက်သေလိုအပ်ခဲ့ပါတယ်။ အမျိုးသား ၅ ဦးအုပ်စုဟာ လူနေအိမ်ရဲ့ တံခါးအဝင်လမ်းမှာ အမျိုးသမီးကို နှောင့်ယှက်ခဲ့ပြီး သူတို့လက်ကိုင်ဖုန်းနဲ့ မှတ်တမ်းတင်ထားခဲ့ပါတယ်။ ဒါကြောင့် တိုက်ခိုက်မှုကို တရားရုံးက သဘောတူပေမယ့် စပိန်ဥပဒေအရ မုဒိမ်းမှုကျူးလွန်ခဲ့မှာ မဟုတ်ဘူးလို့ ဆုံးဖြတ်ခဲ့ပါတယ်။ ဒီအမှုဟာ ကမ္ဘာလုံးဆိုင်ရာ လှုပ်ရှားမှုဖြစ်တဲ့ #MeToo လုပ်နေချိန်မှာ ဖြစ်ခဲ့လို့ နိုင်ငံတကာက အာရုံစိုက်ခဲ့တာပါ။ ပွဲတော်အတွင်း အမျိုးသမီးတွေကို လိင်ပိုင်းနှောင့်ယှက်မှုနဲ့ မဖွယ်မရာ ပြုမှုတွေကို ထင်သာမြင်သာ ဖြစ်စေခဲ့ပါတယ်။ တရားရုံးဆုံးဖြတ်ချက်ကို စပိန်တလွှား ပမ်ပလိုနာမြို့နဲ့ တခြားမြို့တွေမှာ အကြီးအကျယ် ဆန္ဒပြခဲ့ကြတာပါ။ ပြစ်မှုကျူးလွန်သူ ၅ ဦးထဲမှာ ရဲတပ်ဖွဲ့ဝင်ဟောင်းတဦးနဲ့ စစ်သားဟောင်းတဦးလည်း ပါပါတယ်။ သူတို့ကို အာမခံအဖြစ် ယူရိုငွေ ၆ ထောင်စီနဲ့ ဇွန်လမှာ လွှတ်ပေးခဲ့လို့ ဆန္ဒပြပွဲတွေ ပေါ်ပေါက်ခဲ့ပြီး အလားတူအမှုတွေကို တုံ့ပြန်ရေး တရားရေးစနစ်ကို ပြန်သုံးသပ်ဖို့ နိုင်ငံရေး အသိုင်းအဝိုင်းက စိုးရိမ်တကြီး တိုက်တွန်းခဲ့ကြပါတယ်။

A d v e r t i s e m e n t With Us

More News
Up