A d v e r t i s e m e n t With Us

၁၄၅နှစ်သက်တမ်းရှိ မောက်စံဘုန်းကြီးကျောင်းကို ရှေးဟောင်းအဆောက်အအုံအဖြစ် သတ်မှတ်မည်

ရှမ်းပြည်နယ်၊ မောက်မယ်မြို့နယ်၊ ဆီဆုံရပ်ကွက်ရှိ ရှေးဟောင်းမောက်စံ ဘုန်းတောကြီးကျောင်းကို ရှေးဟောင်းအဆောက်အအုံအဖြစ် သတ်မှတ်ဖို့ လုပ်ဆောင် နေတယ်လို့ သာသနာရေးနှင့် ယဉ်ကျေးမှု ဒုဝန်ကြီးက ပြောပါတယ်။ ဒီဇင်ဘာ ၅ ရက် ပြည်သူ့လွှတ်တော်မှာ မောက်မယ်မဲဆန္ဒနယ် ကိုယ်စားလှယ် ဦးစိုင်းငေါင်းဆိုင်ဟိန်း မေးမြန်းတဲ့ ရှေးဟောင်း မောက်စံဘုန်းတော်ကြီးကျောင်းကို ရှေးဟောင်း အဆောက်အအုံပစ္စည်းအဖြစ် အသိအမှတ်ပြုပြီး ရှေးမူမပျက် ပြုပြင် မွန်းမံပေးနိုင်မယ့် အစီအစဉ်သိလိုကြောင်း ကြယ်ပွင့်ပြမေးခွန်း မေးမြန်းခဲ့တာပါ။ ဒီမေးခွန်းနဲ့ ပတ်သက်ပြီး ဒုဝန်ကြီး ဦးကြည်မင်းက “မောက်စံ ဘုန်းကြီးကျောင်းဟာ နှစ်ပေါင်း ၁၄၅ နှစ်ရှိခြင်း၊ ရှမ်းဓလေ့ရိုးရာဗိသုကာ ပညာဖြင့် ကုန်းဘောင်ခေတ် ရှားပါးသစ်သားကျောင်းတော်ကြီးဖြစ်ခြင်း၊ ဒေသခံ ရှမ်းတိုင်းရင်းသားနဲ့ ပြည်နယ်၏ ယဉ်ကျေးမှုဆိုင်ရာ စံပြဂုဏ်ယူဖွယ်ရာ သစ်သားကျောင်းတော်ကြီး ဖြစ်ခြင်းတို့ကြောင့် ၂၀၁၅ ခုနှစ် ရှေးဟောင်း အဆောက်အအုံများ ကာကွယ် ထိန်းသိမ်းခြင်း ဥပဒေ ပုဒ်မ ၂ (က)၊ ပုဒ်မ ၄ (က) တို့နှင့် ညီညွတ်ပါသဖြင့် ဥပဒေအရ ရှေးဟောင်း အဆောက်အအုံအဖြစ် ပြုပြင် ထိန်းသိမ်း ပြီးလည်း ဖြစ်ပါတယ်။ ထို့အပြင် ဌာနက ထိန်းသိမ်းပြုပြင်သော ရှေးဟောင်းအဆောက်အအုံ များစာရင်း အတွဲ ၂ ကို လည်း ပြုစုလျှက်ရှိပြီး အဆိုပါ အတွဲ ၂ ကို ပြုစုပြီးတဲ့ အခါမှာ ဘုန်းတော် ကြီးကျောင်းကို ထည့်သွင်းဖော်ပြပေးသွားမှာ ဖြစ်ပါတယ်”လို့ ပြောပါတယ်။ မေးခွန်းရှင်ကတော့ မောက်စံရှေးဟောင်းအဆောက်အအုံ ဘုန်းတော်ကြီးကျောင်းကို ရှေးဟောင်းအမွေအနှစ် အဖြစ်သတ်မှတ်လိုက်ပါက ဒေသတွင်း နိုင်ငံခြားဧည့်သည်တွေ လာနိုင်မှာဖြစ်သလို ရှမ်းပြည်နယ်နဲ့ အနီးကပ်ဆုံးရှိနေတဲ့ ထိုင်းနိုင်ငံက ခရီးသွားဧည့်တွေ ပိုမိုဝင်ရောက်နိုင်မယ်လို့ ပြောပါတယ်။

A d v e r t i s e m e n t With Us

More News
Up