မြွေများနှင့်သူငယ်ချင်းဖြစ်နေသည့် အိန္ဒိယ မြွေမင်းသားလေး (ရုပ်သံ)

ကမ္ဘာကြီးမှာ မတူညီတဲ့ မျိုးစိတ်အချင်းချင်းကြားက မိတ်ဆွေဖြစ်မှုပေါင်း မြောက်မြားစွာရှိပေမယ့် အိန္ဒိယနိုင်ငံက ကလေးငယ်တဦးရဲ့ မိတ်ဆွေတွေကတော့ သာမန်ထက် ပိုမိုထူးဆန်း ထိတ်လန့်ဖွယ်ကောင်းနေပါတယ်။ အသက် ၇ နှစ်သာရှိသေးတဲ့ ဒါဗတ်ရှ် အဒီဘာစီဆိုတဲ့ ကလေးငယ်ဟာ အိန္ဒိယနိုင်ငံ မဟာပရာဒတ်ရှ် ပြည်နယ်က ကျေးလက်ဒေသမှာ နေထိုင်ပါတယ်။ သူ့မှာ တခြားကလေးတွေနဲ့ မတူညီတဲ့ သူငယ်ချင်းပေါင်း မြောက်မြားစွာရှိပြီး သူ့သူငယ်ချင်းအားလုံးက တောထဲမှာနေတဲ့ မြွေတွေပဲဖြစ်ပါတယ်။ ကလေးငယ်ဟာ ပြီးခဲ့တဲ့ လေးနှစ်လုံးလုံး မြွေတွေနဲ့ အတူသွား၊ အတူစား၊ အတူအိပ်တာတွေ လုပ်ခဲ့ပြီး ထူးဆန်းတာက သူ့ကို ဘယ်မြွေကမှ ရန်လိုတာ မရှိခဲ့ဘူးလို့ သိရပါတယ်။ ဒါဗတ်ရ်ှနဲ့ မြွေတွေရဲ့ကြားက ရင်းနှီးမှုဟာ လွန်ခဲ့တဲ့ သုံးနှစ်ကစတင်ခဲ့တာဖြစ်ပြီး အဲ့ဒီအချိန်တုန်းက ဒါဗတ်ရ်ှဟာ အိမ်မက်တခုမက်ခဲ့ပြီး အိမ်မက်ထဲမှာ သူ့ကို မြွေတွေက လာရောက်ရစ်ပတ်နေတယ်လို့ မိဘတွေကို ပြောပါတယ်။ သုံးနှစ်သားရဲ့စကားကို မိဘတွေက သိပ်အလေးအနက်မထားခဲ့ပေမယ့် နောက်ပိုင်းမှာ တော့ အံ့သြစရာတွေ့ကြုံခဲ့ရတယ်လို့ ဆိုပါတယ်။ အိမ်မက်မက်ပြီးနောက် မကြာခင်မှာ ဒါဗက်ရ်ှဟာ ရွာအနီးက တောထဲဝင်သွားခဲ့ပြီးနောက် မြွေနှစ်ကောင်နဲ့အတူ ပြန်ထွက်လာခဲ့တယ်၊ အဲ့ဒီမြွေတွေနဲ့အတူ ဆော့ကစားတာ၊ အိပ်စက်တာ စတာတွေကို ပြုလုပ်ခဲ့တာကြောင့် တားဆီးခဲ့ပေမယ့် လက်မခံခဲ့ဘူးလို့ မိဘတွေက ပြောပါတယ်။ ဒါဗတ်ရ်ှရဲ့ အပေါင်းအသင်းမြွေတွေမှာ အဆိပ်မရှိတဲ့ မြွေကစလို့ မြွေဟောက်တွေ အရွယ်စုံ၊ အမျိုးအစား စုံလင်တဲ့ မြွေတွေ ပါဝင်ခဲ့ပေမယ့် ဒီနေ့အချိန်အထိ ဘယ်မြွေကမှ သူ့ကို အန္တရာယ် ပေးခြင်းမရှိသေးပါဘူး။ ဒါ့ကြောင့် ရွာသားတွေအတွက် မြွေတွေတထွေးကြီးနဲ့ ဒါဗတ်ရ်ှကို မြင်တွေ့ရတာဟာ မထူးဆန်းတော့တဲ့ ကိစ္စတခုဖြစ်ပေမယ့် သူတို့ကလေးတွေကိုတော့ ဒါဗတ်ရ်ှရဲ့အနီးအနားကို သွား ရောက်ဆော့ကစားမှာ ထိတ်လန့်နေကြပါတယ်။ ဒါဗတ်ရ်ှရဲ့အခြေအနေဟာ မြွေတွေက ရန်လိုတဲ့တချိန်မှာ ရုပ်ပိုင်းဆိုင်ရာ ကျန်းမာရေးကို သာမက စိတ်ပိုင်းဆိုင်ရာ ကျန်းမာရေးကိုပါ ထိခိုက်လာနိုင်တယ်လို့ ဒေသတွင်းမှာရှိတဲ့ ဆရာဝန်တဦးက သတိပေးထားပေမယ့် မြွေမင်းသားလေ ဒါဗတ်ရ်ှကတော့ သူ့အချစ်တော်မြွေတွေနဲ့ ဆော့ကစား ပျော်ရွှင်နေဆဲပဲဖြစ်တယ်လို့ OC သတင်းမှာဖော်ပြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up