၁၅ လအရွယ် ကိုယ်ချင်းဆက် အမြွှာညီအစ်မအား ၆ နာရီကြာ ခွဲစိတ်

ဓာတ်ပုံ - EPA
သြစတြေးလျနိုင်ငံက ခွဲစိတ်ဆရာဝန်တွေဟာ ကိုယ်ချင်းဆက် ၁၅ လအရွယ် အမြွှာညီအစ်မ ၂ ဦးကို အောင်မြင်စွာ ခွဲစိတ်နိုင်ခဲ့ပါတယ်။ ဒါဟာ တကယ့်ကို ခက်ခဲတဲ့ ခွဲစိတ်မှုတခုဖြစ်ပြီး အချိန် ၆ နာရီ ကြာမြင့်ခဲ့တယ်လို့ ဘီဘီစီသတင်းမှာ ဒီကနေ့ ဖော်ပြပါတယ်။ နီမာနဲ့ ဒါဝါပယ်လ်ဒန် အမည်ရတဲ့ အဲဒီ အမြွှာညီအစ်မဟာ ဘူတန်နိုင်ငံကဖြစ်ပြီး ကိုယ်ချင်းဆက် အနေအထားနဲ့ မွေးဖွားလာခဲ့ကာ ၂ ယောက်စလုံးမှာ အသည်းတခုတည်းသာ ဘုံအနေနဲ့ ပါရှိလာခဲ့တာ ဖြစ်ပါတယ်။ ပြီးခဲ့တဲ့လကတော့ သူတို့ဟာ မိခင်ဖြစ်သူနဲ့အတူ မဲလ်ဘုန်းမြို့ဆီ ခွဲစိတ်ကုသမှု ပြုလုပ်ဖို့ ရောက်လာခဲ့ကြပေမယ့် ကလေးတွေရဲ့ အာဟာရလိုအပ်ချက်အရ ခွဲစိတ်ဖို့ ကြန့်ကြာနေခဲ့တာပါ။ ခွဲစိတ်မှုမှာ ခေါင်းဆောင်အဖြစ် ပါဝင်ခဲ့တဲ့ ဒေါက်တာ ဂျိုးခရမ်မရီကတော့ ၆ နာရီကြာ ခွဲစိတ်မှု အောင်မြင်ခဲ့ပြီး ကလေးတွေဟာ ကျန်းကျန်းမာမာနဲ့ ရှိနေခဲ့တယ်လို့ ပြောပါတယ်။ အထူးကုဆရာဝန် စုစုပေါင်း ၁၈ ဦးပါဝင်တဲ့ အဖွဲ့ ၂ ဖွဲ့ခွဲပြီး ခွဲစိတ်ကုသမှုကို မဲလ်ဘုန်း တော်ဝင်ကလေးဆေးရုံမှာ ပြုလုပ်ခဲ့တာ ဖြစ်ပါတယ်။ ကိုယ်ချင်းဆက် အနေအထားနဲ့ မွေးဖွားမှုဟာ မွေးဖွားမှုအကြိမ်ရေ ၂ သိန်းမှာမှ တကြိမ်ဖြစ်နိုင်ချေရှိပြီး မွေးဖွားလာမှုရဲ့ ၄၀ ရာခိုင်နှုန်းကနေ ၆၀ ရာခိုင်နှုန်းဟာ အသေမွေးဖွားလာဖို့ ဖြစ်နိုင်ချေ ပိုများတယ်လို့ ဆိုပါတယ်။ နီမာနဲ့ ဒါဝါတို့ ညီအစ်မကတော့ မျက်နှာချင်းဆိုင်လျက်သား ကိုယ်ချင်းဆက်နေခဲ့ကြတာဖြစ်ပြီး မထိုင်နိုင်ဘဲ မတ်တပ်ရပ်ရင်လည်း တပြိုင်တည်းသာ ရပ်နေကြရတာ ဖြစ်ပါတယ်။ ခုခွဲစိတ်မှုမှာတော့ သူတို့ညီအစ်မရဲ့ အသည်းကိုလည်း သီးခြားစီ အောင်အောင်မြင်မြင် ခွဲစိတ်ပေးနိုင်ခဲ့တာပါ။ ဒီအမြွှာညီအစ်မကို ဘူတန်နိုင်ငံမှ သြစတြေးလျအခြေစိုက် ကလေးသူငယ် ရှေးဦးပြုစုမှု ဖောင်ဒေးရှင်းမှတဆင့် ခုလို ခေါ်ဆောင်လာနိုင်ခဲ့တာလို့ ဆိုပါတယ်။ ဗစ်တိုးရီးယားပြည်နယ် အစိုးရက ဒီခွဲစိတ်မှုအတွက် ကုန်ကျစရိတ် သြစတြေးလျဒေါ်လာ ၃ သိန်းခွဲကို ထောက်ပံ့ခဲ့တာ ဖြစ်ပါတယ်။ လက်ရှိမှာတော့ မိသားစုဝင်တွေကလည်း ပျော်ရွှင်ဝမ်းသာနေကြပြီး အမြွှာညီအစ်မ ၂ ဦး တိုးတက်ကျန်းမာလာခဲ့ရင် ကမ္ဘာ့အဆင်းရဲဆုံးနိုင်ငံတွေထဲက တခုဖြစ်တဲ့ နေရင်းနိုင်ငံဆီ အမြန်ဆုံးပြန်နိုင်ဖို့ မျှော်လင့်နေကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up