A d v e r t i s e m e n t With Us

သေဒဏ်ချမှတ်ခံရသည့် ခရစ်ယာန်အမျိုးသမီးကို လွှတ်ပေးမှုအပေါ် အစ္စလာမ်ဘာသာဝင် ထောင်ချီ ဆန္ဒပြ

ဓာတ်ပုံ - Reuters
အစ္စလာမ်ဘာသာအပေါ် စော်ကားမှုနဲ့ သေဒဏ်ချမှတ်ခံရသူ ခရစ်ယာန်အမျိုးသမီးကို တရားသေလွှတ်ပေးလိုက်တဲ့အပေါ် ထောင်နဲ့ချီတဲ့ အစ္စလာမ်ဘာသာဝင်တွေ နိုဝင်ဘာ ၈ ရက်နေ့က ပါကစ္စတန်နိုင်ငံ ကရာချိမြို့မှာ ဆန္ဒပြခဲ့ကြပါတယ်။ တာဝန်ရှိသူတွေက ပါကစ္စတန် ခရစ်ယာန်အမျိုးသမီး အေရှာ ဘီဘီ နိုင်ငံခြားထွက်သွားခဲ့တယ်ဆိုတဲ့ သတင်းတွေကို ပယ်ချခဲ့ပြီး သူဟာ နိုင်ငံအတွင်း လုံခြုံတဲ့နေရာမှာ ရှိနေတယ်လို့ ပြောပါတယ်။ နိုဝင်ဘာ ၈ ရက်နေ့ ဆန္ဒပြပွဲကို နိုင်ငံရေး၊ ဘာသာရေး ပါတီများ မဟာမိတ်အဖွဲ့ (MMA) က ဦးဆောင်ကျင်းပခဲ့တာပါ။ ဆန္ဒပြပွဲမှာ MMA အဖွဲ့ ခေါင်းဆောင်က “ပါကစ္စတန် ပြည်သူ့တရားရုံးဟာ တရားရုံးချုပ်ရဲ့ ဆုံးဖြတ်ချက်ကို ပယ်ချပါတယ်။ နိုင်ငံတကာဖိအားအရ လုပ်ဆောင်တဲ့ ဘယ်လိုဆုံးဖြတ်ချက်ကိုမှ လက်မခံပါဘူး” လို့ ပြောကြားခဲ့ပါတယ်။ အစ္စလာမ်ဘာသာအပေါ် ပုတ်ခတ်စော်ကားမှု စွဲချက်တွေနဲ့ ခရစ်ယာန်အမျိုးသမီး အေရှာ ဘီဘီကို ၂၀၁၀ ခုနှစ်က ပြစ်ဒဏ်ချမှတ်ခဲ့ပြီး အခုအခါ ပါကစ္စတန် တရားရုံးချုပ်က သူ့ကို တရားသေ လွှတ်ပေးခဲ့ပါတယ်။

A d v e r t i s e m e n t With Us

More News
Up