နေအိမ်ဓာတ်ဆီလောင်း မီးရှို့သူက အိမ်ရှင်ကို ဓားဖြင့်ထိုးသတ်
DVB
·
November 8, 2018
ကရင်ပြည်နယ် လှိုင်းဘွဲ့မြို့နယ်မှာ နေအိမ်ဓာတ်ဆီလောင်း မီးရှို့မှုအား တားဆီးတဲ့သူကို ဓာနဲ့ ထိုးသတ်မှု ဖြစ်ပွားခဲ့တယ်လို့ ပြည်ထဲရေးသတင်းမှာ ဖော်ပြပါတယ်။
နိုဝင်ဘာ ၇ ရက်နေ့ မနက် ၉ နာရီအချိန်လောက်က လှိုင်းဘွဲမြို့နယ်၊ အလမ်းကြီးကျေးရွာနေ ရီစိုး (၄၂) နှစ်ဟာ တရွာတည်းနေ ဦးဝမ်းမောင် (၅၄) နှစ်ရဲ့ နေအိမ်အား ဓာတ်ဆီပက်ပြီး မီးရှို့နေတာကို ဦးဝမ်းမောင်က တားဆီးမီးငြှိမ်းသတ်နေစဉ် ဓားနဲ့ထိုးမှု ဖြစ်ပွားခဲ့တာပါ။
ရီစိုးက အသင့်ပါလာတဲ့ အရိုး/ အသွား ၁၄ လက်မလောက်ရှိ ဓားချွန်နဲ့ထိုးတာကြောင့် ဦးဝမ်းမောင်ဟာ ချိုင်းအောက် ထိုးသွင်းဒဏ်ရာ ၁ ချက်ရရှိပြီး အခင်းဖြစ်နေရာမှာ သေဆုံးသွားခဲ့တယ်လို့ ဆိုပါတယ်။
ဒီနောက် ရီစိုးဟာ ဓာတ်ဆီဆိုင်မှ ဓာတ်ဆီ ၂ ပုလင်း သွားရောက်ယူဆောင်ပြီး ထပ်မံမီးရှို့ခဲ့တာကြောင့် သွပ်မိုး၊ ပျဉ်ခင်း၊ ပျဉ်ကာ နေအိမ် ၁ လုံး၊ ဂိုဒေါင် ၁ လုံး၊ ဆိုင်ကယ် ၁ စီး၊ မီးစက် ၃ လုံး၊ ရေစုပ်စက် ၁ လုံး၊ ဆန်ကွဲကြိတ်စက် ၁ လုံး၊ ရွှေထည်ပစ္စည်းမျိုးစုံ ၁၀ ကျပ်သားလောက်၊ ငွေကျပ် ၄၀ သိန်းလောက်နဲ့ အခြားပစ္စည်းတွေ မီးလောင်ဆုံးရှုံးခဲ့တယ်လို့ သတင်းမှာ ဖော်ပြပါတယ်။
ဖြစ်စဉ်နဲ့ပတ်သက်လို့ သေဆုံးသူရဲ့သမီးဖြစ်သူက တိုင်တန်းခဲ့လို့ ရီစိုးအား ရွှေဂွန်းနယ်မြေရဲစခန်းက ရာဇသတ်ကြီးပုဒ်မ ၃၀၂/၄၃၆ (လူသတ်မှု/မီးရှို့မှု) နဲ့ အမှုဖွင့် စစ်ဆေးနေတယ်လို့ သိရပါတယ်။