A d v e r t i s e m e n t With Us

စိန်မှောင်ခိုလုပ်ငန်းကြောင့် အဖမ်းခံရသူများထဲ အစ္စရေးဘီလျံနာ၏ သားနှင့်ညီ ပါဝင်

ဓာတ်ပုံ - Reuters
စိန်မှောင်ခိုလုပ်ငန်းနဲ့ ဆက်စပ်ပြီး အစ္စရေးနိုင်ငံထဲမှာ အဖမ်းခံရတဲ့ သံသယရှိသူတွေထဲ အစ္စရေး စီးပွားရေးလုပ်ငန်းရှင် ဘီလျံနာသူကြွယ်ကြီး လဗ်လာ့ဗီးယက်ဗ်ရဲ့ ညီနဲ့ သားတို့ ပါဝင်တယ်လို့ နိုဝင်ဘာ ၆ ရက်မှာ ထုတ်ပြန်တဲ့ တရားရုံးစာရွက်စာတမ်းတွေက ဆိုပါတယ်။ လာ့ဗီးယက်ဗ်ရဲ့ ကုမ္ပဏီ LLD Diamonds ဟာ အရောင်တင်ပြီးသားစိန်တွေကို ကမ္ဘာ့ထိပ်တန်းအဆင့် ထုတ်လုပ်သူနဲ့ ဈေးကွက်ရှာသူလုပ်ငန်း ဖြစ်ပါတယ်။ ပြည်တွင်း ပြည်ပမှာပါ နောက်ထပ် ဆက်ဖမ်းဖို့ မျှော်လင့်ထားတယ်လို့ အစ္စရေးရဲတွေက ပြောပါတယ်။ သားဖြစ်သူ ဇေဗူလွန်နဲ့ ညီဖြစ်သူ မိုးရှေတို့ဟာ ၂၀၁၀ ခုနှစ်ကစတဲ့ အမေရိကန် ဒေါ်လာ သန်း ၈၀ တန် စိန်တွေကို အစ္စရေးနိုင်ငံအတွင်း တရားမဝင် တင်သွင်းမှုမှာ ပါဝင်ပတ်သက်တယ်လို့ စွပ်စွဲခံထားရပါတယ်။ အစ္စရေးဟာ စိန်ဖြတ်တောက် အရောင်တင်တဲ့ နေရာမှာ ကမ္ဘာ့ဗဟိုချက် ဖြစ်ပါတယ်။ ဇေဗူလွန်ရဲ့ ရှေ့နေတွေကတော့ စွဲချက်တွေက အခြေအမြစ်မရှိဘူး၊ သူ့ကို ဖမ်းတာဟာ အဖေကို ဖိအားပေးချင်လို့လုပ်တဲ့ ဗျူဟာ ဖြစ်ပုံရတယ်လို့ ပြောပါတယ်။ ဥဇဘက်ကစ္စတန်နိုင်ငံမှာ မွေးတဲ့ လာ့ဗ်ဗီးယက်ဗ်ဟာ လောလောဆယ် ရုရှားမှာနေထိုင်ပြီး  စိန်နဲ့ အိမ်ခြံမြေလုပ်ငန်းမှာ အခွင့်အလမ်းတွေ တည်ဆောက်နေတယ်လို့ ယုံကြည်ရကြောင်း ရိုက်တာသတင်းဌာနက အစီရင်ခံပါတယ်။ LLD ကုမ္ပဏီကတော့ မှောင်ခိုစွဲချက်ကို အသိအမှတ်မပြုဘူး၊ အမြန်ဆုံး ဖြေရှင်းနိုင်ဖို့ မျှော်လင့်တယ်၊ သံသယတွေက အခြေအမြစ်မရှိဘူးဆိုတာ သက်သေပြမယ်လို့ ကြေညာချက် ထုတ်ပြန်ထားပါတယ်။

A d v e r t i s e m e n t With Us

More News
Up