A d v e r t i s e m e n t With Us

ရာဇဝတ်ပြစ်မှုဆိုင်ရာ လျှို့ဝှက်သည်းဖိုရုပ်ရှင် – The Girl In The Spider’s WEB: A New Dragon Tattoo Story (နမူနာ)

ရာဇဝတ်ပြစ်မှုဆိုင်ရာ လျှို့ဝှက်သည်းဖို ဟောလိဝုဒ်ရုပ်ရှင်ကားတကားဖြစ်တဲ့ The Girl In The Spider’s WEB: A New Dragon Tattoo Story ရုပ်ရှင်ကားကို လာမယ့် နိုဝင်ဘာ ၉ ရက်နေ့ ရုံတင်ပြသတော့မှာ ဖြစ်ပါတယ်။ ဒီကားကိုတော့ ဥရုဂွေးရုပ်ရှင်ဒါရိုက်တာ Fede Álvarez က ရိုက်ကူးပုံဖော်ထားတာဖြစ်ပြီး နာမည်ကြီး ရုပ်ရှင်ကုမ္ပဏီ Sony Pictures က တင်ဆက်လိုက်တာ ဖြစ်ပါတယ်။ Computer Hacker ကောင်မလေးတယောက်ဖြစ်တဲ့ Lisbeth နဲ့ Journalist ကောင်လေး Mikael တို့ဟာ ချစ်သူတွေ ဖြစ်ကြတယ်။ သူတို့ ၂ ယောက်ဟာ စပိုင်တွေ၊ ဆိုက်ဘာပြစ်မှု ကျူးလွန်သူတွေနဲ့ အကျင့်ပျက်ခြစား အစိုးရ ထိပ်တန်းတာဝန်ရှိသူတွေရဲ့ ကြားမှာ ပိတ်မိခဲ့ချိန်မှာတော့ ဘာတွေဆက်ဖြစ်လာမလဲ ဆိုတာတွေကို စွန့်စားတိုက်ခိုက်မှု အက်ရှင်ပြကွက်တွေနဲ့ ဒီကားထဲမှာ ရှုစားကြရမှာ ဖြစ်ပါတယ်။ ဒီကားထဲမှာတော့ ဟောလိဝုဒ်နာမည်ကြီး ဗြိတိန်သရုပ်ဆောင်မင်းသမီး Claire Foy, ဆွီဒင်သရုပ်ဆောင်မင်းသား Sverrir Gudnason တို့နဲ့အတူ တခြားသရုပ်ဆောင်တွေ အများကြီး ပါဝင်သရုပ်ဆောင်ထားကြတာ ဖြစ်ပါတယ်။ ကြာမြင့်ချိန် ၁၁၅ မိနစ်ရှိတဲ့ ဒီရုပ်ရှင်ကားကို Rome Film Festival မှာ ကနဦး ပြသခဲ့ပြီး ချီးကျူးမှုတွေ ရရှိထားတဲ့ ဇာတ်ကားပါ။ ဘတ်ဂျက် အမေရိကန်ဒေါ်လာ ၄၃ သန်း အကုန်အကျခံ ရိုက်ကူးထားတဲ့ ဒီရုပ်ရှင်ကားကိုတော့ ရုံတင်မယ့် ပထမသီတင်းပတ်မှာတင် ဝင်ငွေ အမေရိကန်ဒေါ်လာ ၁၁ သန်း ရရှိနိုင်မယ်လို့ ခန့်မှန်းထားပါတယ်။

A d v e r t i s e m e n t With Us

More News
Up