ရှေးဟောင်းဘုရားကျောင်းနံရံတွင် ဂရပ်ဖစ်တီ ရေးဆွဲမှုဖြင့် ခရီးသွားနှစ်ဦးကို ထိုင်းရဲဖမ်းဆီး

ထိုင်းနိုင်ငံမြောက်ပိုင်းက ရှေးဟောင်းဘုရားကျောင်း နံရံတခုမှာ ဂရပ်ဖစ်တီ ရေးဆွဲမှုနဲ့ ဗြိတိန်နဲ့ ကနေဒါ ခရီးသွားနှစ်ဦးကို ထိုင်းရဲတပ်ဖွဲ့က အောက်တိုဘာ ၁၈ ရက်နေ့မှာ ဖမ်းဆီးလိုက်ပါတယ်။ ထိုင်းနိုင်ငံမြောက်ပိုင်း မြို့ဟောင်းဝင်ပေါက်အနီး နံရံမှာ အသက် ၂၃ နှစ်အရွယ် ဗြိတိန်နိုင်ငံသား ဖာလွန်လီနဲ့ ကနေဒါနိုင်ငံသား ဘရစ်တနေရှနိုက်ဒါတို့က ဂရပ်ဖစ်တီ ရေးဆွဲခဲ့တာ ဖြစ်ပါတယ်။ အဲဒီလို ရေးဆွဲခဲ့တဲ့ သူတို့နှစ်ဦးကို သူတို့တည်းခိုရာ ဧည့်ဂေဟာမှာ သွားရောက်ဖမ်းဆီးပြီး ပြည်နယ်တရားရုံးမှာ ထိန်းသိမ်းထားတယ်လို့ ရဲတပ်ဖွဲ့က ဆိုပါတယ်။ အဲဒီလို ဖမ်းဆီးတာနဲ့ပတ်သက်လို့ ထိုင်းရဲတပ်ဖွဲ့ တာဝန်ရှိသူက “ဒါဟာ ရှေးဟောင်းယဉ်ကျေးမှု အမွေအနှစ်နေရာ ဖြစ်တယ်။ သူတို့နှစ်ဦးကို ရှေးဟောင်းနယ်မြေ လက်သရမ်းဖျက်ဆီးမှုနဲ့ စွဲချက်တင်ပြီး  ပြစ်မှုထင်ရှားရင် ၁ဝ နှစ်ထက်မပိုတဲ့ ထောင်ဒဏ်၊ ဘတ်ငွေ တသန်းထက်မပိုတဲ့ ဒဏ်ကြေး ပေးဆောင်ရမှာဖြစ်တယ်” လို့ ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up