ပုဂံတွင် ဒေသခံ လူငယ် ၂၄၀ ကို ဧည့်ဝန်ဆောင်မှုလုပ်ငန်း အခမဲ့ သင်ကြား
DVB
·
October 19, 2018
ဟိုတယ်နဲ့ အသက်မွေးဝမ်းကျောင်းကျွမ်းကျင်မှုဆိုင်ရာ ဖွံ့ဖြိုးရေးအစီအစဉ်က အလုပ်အကိုင်အခွင့်အလမ်းနည်းတဲ့ ညောင်ဦးခရိုင်၊ ညောင်းဦးမြို့နယ်၊ ပုဂံမှာ လူငယ် ၂၄၀ ကို ဧည့်ဝန်ဆောင်မှုလုပ်ငန်း အခမဲ့ သင်ကြားပေးခဲ့တယ်လို့ သိရပါတယ်။
ဟိုတယ်လုပ်ငန်း လေ့ကျင့်ရေး (HTI) အနေနဲ့ အိပ်ခန်းဆောင်ထိန်းသိမ်းသူ၊ အစားအသောက်တည်ခင်းဧည့်ခံသူ၊ ခရီးဦးကြိုသူ နဲ့ အစားအသောက်ချက်ပြုတ်ရန် ပြင်ဆင်ပေးသူ (Commis) ဆိုပြီး လုပ်ငန်း ၄ မျိုး ပို့ချပေးခဲတာဖြစ်ပါတယ်။
အရှိန်ဟုန်မြင့်တိုးတက်နေတဲ့ ဧည့်ဝန်ဆောင်မှု လုပ်ငန်းတွေအတွက် ကျွမ်းကျင်လုပ်သားများ မွေးထုပ်ပေးဖို့၊ အခွင့်အရေး လက်လှမ်းမမီတဲ့လူငယ်တွေကို ဧည့်ဝန်ဆောင်မှုဆိုင်ရာ လုပ်ငန်းတွေ ကျွမ်းကျင်အောင်သင်ပေးပြီး ဟိုတယ် စားသောက်ဆိုင်တွေနဲ့ ချိတ်ဆက်ပေးဖို့ ရည်ရွယ်ချက်နဲ့ ဆောင်ရွက်ရတာလို့ ဆွစ်စ်ဟိုတယ်သင်တန်းကျောင်းမှ သင်တန်းနည်းပြ ဦးတက်ခေါင်ကျော်က ပြောပါတယ်။
“ဟိုတယ်တလုံးမှာ အယောက် ၂၀ စီနဲ့ ဒီအခေါက်က ဟိုတယ် ၆ လုံးမှာ ထရိန်းသွားတယ်။ အဓိကကတော့ တက်ချင်တဲ့ လူငယ်တွေကို အသက် ၁၈ နှစ်ပြည့်ရမယ်၊ အသက် ၄၀ ထက်မကျော်ရဘူး။ အနိမ့်ဆုံးပညာအရည်အချင်း အထက်တန်းရှိရပါ့မယ်။ တကယ်ကို လိုလိုလားလားနဲ့ ဟိုတယ်လုပ်ငန်း စိတ်ဝင်စားတဲ့ လူငယ်တွေကို ဦးစားပေးခေါ်ယူပါတယ်။”
သင်တန်းကို ၇ ပတ်ကြာ အချိန်ယူသင်ကြားပေးပြီး သင်တန်းသားတွေ ကျွမ်းကျင်မှုရရှိစေဖို့ လက်တွေ့ဦးစားပေး လုပ်ငန်းခွင် လေ့ကျင့်မှုတွေ ပြုလုပ်ပေးပြီး ဧည့်ဝန်ဆောင်မှုလုပ်ငန်း သင်တန်း ကို ရန်ကုန်၊ နေပြည်တော်၊ ပုဂံနဲ့ မန္တလေးမြို့တွေနဲ့ ခရီးသွားလုပ်ငန်း ဖွံ့ဖြိုးတဲ့ ဘားအံ၊ မော်လမြိုင် နဲ့မြိတ်မြို့တွေမှာ မိတ်ဖက်ဟိုတွေ ပူးပေါင်းဆောင်ရွက်တာလို့ ပြောပါတယ်။
ဟိုတယ်နဲ့ အသက်မွေးဝမ်းကျောင်းကျွမ်းကျင်မှုဆိုင်ရာ ဖွံ့ဖြိုးရေးအစီအစဉ် (VSDP) က ဧည့်ဝန်ဆောင်မှုသင်တန်းကို ၂၀၁၅ က စတင်ခဲ့ပြီး တနိုင်ငံလုံး အလုပ်အကိုင်အခွင့်လမ်း နည်းပါးနေတဲ့ လူငယ် ၄၀၈၈ ဦး ပို့ချပေးခဲ့ပြီးဖြစ်တယ်လို့ ဆိုပါတယ်။
ဒီကနေ့မနက် ၉ နာရီအချိန်က ပုဂံ Aureum Palace Hotel မှာ သင်တန်းဆင်းလူငယ်တွေကို သင်တန်းဆင်း လက်မှတ်တွေ ပေးအပ်ပြီး အလုပ်အကိုင်ပြပွဲ ပြုလုပ်ပေးကာ ဒေသတွင်း ဟိုတယ် စားသောက်ဆိုင်တွေမှာ အလုပ်အကိုင် ရရှိဖို့ ချိတ်ဆက်ပေး ခဲ့ပါတယ်။
ကိုလင်း(ချောက်)