A d v e r t i s e m e n t With Us

ကွန်ဂိုတွင် အီဘိုလာကူးစက်မှု ကမ္ဘာလုံးဆိုင်ရာ ခြိမ်းခြောက်မှုအဆင့် မရောက်ဟု WHO ပြော

ကွန်ဂိုနိုင်ငံတွင်း အီဘိုလာရောဂါ ကူးစက်မှု ဆက်ဖြစ်နေတာဟာ ဒေသတွင်း စိုးရိမ်စရာ အရင်းအမြစ် ဖြစ်လာနေပေမယ့် ကမ္ဘာလုံးဆိုင်ရာ ခြိမ်းခြောက်မှုအဆင့်တော့ မရောက်ဘူးလို့ ကမ္ဘာ့ကျန်းမာရေးအဖွဲ့ကြီး (WHO) ရဲ့ အရေးပေါ်ကော်မတီက အောက်တိုဘာ ၁၇ ရက်မှာ ပြောလိုက်ပါတယ်။ "တကမ္ဘာလုံးကို ကူးစက်နိုင်တဲ့ဘေး သိပ်မရှိပေမယ့် အိမ်နီးချင်းနိုင်ငံတွေအတွက် ကူးစက်မယ့်ဘေးကတော့ အင်မတန်မြင့်နေတယ်။ ကျနော်တို့ဟာ တုံ့ပြန်မှုတွေကို အင်မတန် သတိထားမယ်၊ ကူးစက်မှုမရပ်မချင်း ကျနော်တို့ အနားယူမှာ မဟုတ်ဘူး" လို့ WHO ရဲ့ ညွှန်ကြားရေးမှူးချုပ် တဒ်ဒရို အဟန်းနွန်က ပြောပါတယ်။ သြဂုတ် ၁ ရက်နေ့က အီဘိုလာကူးစက်မှုကို စကြေညာအပြီး ခုထိ လူ ၁၃၉ ဦး သေဆုံးခဲ့ပြီးပါပြီ။ ၂၁၅ ဦး ကူးစက်ခံရတယ်ဆိုတာ အတည်ပြုထားပါတယ်။ အိမ်နီးချင်း ယူဂန်ဒါနဲ့ ရဝမ်ဒါနိုင်ငံတွေက ကောင်းကောင်း ပြင်ဆင်ထားပေမယ့် အီဘိုလာဟာ အဲဒီနိုင်ငံတွေဆီ အချိန်မရွေး ကူးစက်နိုင်တယ်လို့ WHO က ပြောထားပါတယ်။

A d v e r t i s e m e n t With Us

More News
Up