သတင်းထောက်ပျောက်ဆုံးမှုကြောင့် ဆော်ဒီရင်းနှီးမြှုပ်နှံမှု ပိတ်ပင်မည်မဟုတ်ဟု ထရမ့်ပြော

တူရကီနိုင်ငံအတွင်း ဆော်ဒီသတင်းထောက်တဦး ပျောက်ဆုံးမှုနဲ့ပတ်သက်ပြီး အမေရိကန်မှာရှိတဲ့ ဆော်ဒီရင်းနှီးမြှုပ်နှံမှုတွေကို ပိတ်ပင်စရာ အကြောင်းမရှိဘူးလို့ သမ္မတ ဒေါ်နယ်ထရမ့်က ပြောကြားလိုက်ပါတယ်။ အောက်တိုဘာလ ၁၁ ရက်နေ့က ၀ါရှင်တန်ဒီစီမှာ သတင်းထောက်တွေရဲ့ မေးမြန်းချက်ကို သမ္မတထရမ့်က အခုလိုဖြေကြားခဲ့ပါတယ်။ ဆော်ဒီသတင်းထောက် ဂျာမေးခါရွှန်းအီ ပျောက်ဆုံးတာနဲ့ ပတ်သက်လို့ ဆော်ဒီရင်းနှီးမြှုပ်နှံမှုအပေါ် သက်ရောက်မလားဆိုတဲ့ သတင်းထောက်တဦးရဲ့ မေးခွန်းကို ထရမ့်က အခုလို ဖြေကြားခဲ့ပါတယ်။ “အမေရိကန်နိုင်ငံထဲကို ရင်နှီးမြှုပ်နှံမှု ဒေါ်လာ  ဘီလျံ ၁၁၀ ၀င်ရောက်မှာကို တားမြစ်တဲ့ အယူအဆမျိုးကို ကျနော် မကြိုက်ဘူး။ အဲဒါဆို ဆော်ဒီနိုင်ငံ ဘာလုပ်မလဲ ခင်ဗျားသိလား။ သူတို့က အဲဒီငွေတွေယူပြီး ရုရှားဖြစ်ဖြစ်၊ တရုတ်ဖြစ်ဖြစ်၊ တခြားတနေရာမှဖြစ်ဖြစ် ရင်းနှီးမြှုပ်နှံလိမ့်မယ်။ ဒီပြဿနာကို ဖြေရှင်းနိုင်မယ့် တခြားနည်းလမ်းတွေ ရှိပါတယ်။ ကျနော် အဲဒါကို လွှတ်တော် အမတ်တွေရှေ့မှာ ပြောမှာပါ။ ဆော်ဒီက စစ်ဘက်နဲ့ တခြားပစ္စည်းတွေကို ဒေါ်လာ ဘီလျံ ၁၁၀ ဖိုး ၀ယ်ယူတော့မှာ။ ကျနော်တို့က မရောင်းဘူးဆိုရင် သူက ကျေးဇူးအများကြီး တင်ပါတယ်။ ကျနော်တို့ ရုရှားဆီကနေ ၀ယ်လိုက်မယ်ဆိုပြီးပြောမှာ။ တရုတ်ဆီကနေ ၀ယ်လိုက်မယ်ဆိုပြီး ပြောမှာ။ အဲဒါဆို ကျနော်တို့ အဆင်မပြေဘူး။ ကျနော်တို့ အလုပ်အကိုင်ဆုံးရှုံးမယ်။ ကျနော်တို့ ကုမ္ပဏီတွေ အလုပ်ဆုံးရှုံးမယ်။ ဒီကိစ္စနဲ့ ပတ်သက်လို့ လုပ်နိုင်တဲ့ တခြားအရာတွေ ရှိပါတယ်။ အရင်ဆုံး ပြဿနာ ဘာလဲဆိုတာ သိအောင်လုပ်ကြတာပေါ့။  ဟုတ်ပြီလား။” ဆော်ဒီသတင်းထောက် ဂျမေးခါရွှန်းအီ ပျောက်ဆုံးနေတာနဲ့ ပတ်သက်လို့ အမေရိကန်ရဲ့ အနီးကပ် မဟာမိတ်ဆော်ဒီအာရေးဘီးယားအပေါ် တကမ္ဘာလုံးရဲ့ ဖိအားပေးမှုတွေ မြင့်တက်နေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up