အလဲဗင်းသတင်းသမား ၃ ဦးဖမ်းဆီးခံရသည့်ကိစ္စ မီဒီယာသမားများကန့်ကွက်ရှုတ်ချ
ဇေယျာချမ်းအေး
·
October 10, 2018
အလဲဗင်းသတင်းဌာနက အယ်ဒီတာချုပ်အပါအဝင် ၃ ယောက်ကို နိုင်ငံတော် အကြည်အညိုပျက်စေမှုနဲ့ တရားစွဲဆိုတာဟာ အခွင့်အာဏာကို ဘောင်ကျော်ပြီး သုံးစွဲတာ ဖြစ်တယ်လို့ မြန်မာနိုင်ငံသတင်းမီဒီယာကောင်စီ တွဲဖက်အတွင်းရေးမှူး ၂ ဦးမြင့်ကျော်က ကပြောပါတယ်။
အလဲဗင်းမီဒီယာ အယ်ဒီတာချုပ် ကိုကျော်ဇောလင်း၊ တာဝန်ခံအယ်ဒီတာ ကိုနရီမင်းနဲ့ အကြီးတန်း အယ်ဒီတာ ကိုဖြိုးဝေဝင်းတို့ ၃ ယောက်ကို နိုင်ငံတော်အကြည်အညိုပျက်စေမှု ပုဒ်မ ၅၀၅(ခ) နဲ့အမှုဖွင့်ထားပြီး မနေ့ညက ရန်ကုန်က အလဲဗင်းမီဒီယာရုံးကို တာမွေရဲတပ်ဖွဲ့က လာရောက်ဖမ်းဆီးခဲ့ပါတယ်။
ဒါပေမယ့် ရုံးချိန်မဟုတ်လို့ အမှုဖွင့်ခံထားရသူတွေကို ရဲတပ်ဖွဲ့က ခေါ်ဆောင်သွားနိုင်ခြင်း မရှိပါခဲ့ဘူး။
ရန်ကုန်တိုင်းဒေသကြီးအစိုးရရဲ့ အခုလုပ်ရပ်ဟာ မြန်မာနိုင်ငံ သတင်းမီဒီယာ ကောင်စီကိုအလေးမထားဘဲ ပြည်သူကို မျက်ကွယ်ပြုတဲ့ဆောင်ရွက်ချက်ဖြစ်တယ်လို့ The Voice နေ့စဉ်ထုတ်သတင်းစာ အယ်ဒီတာချုပ် ဦးကျော်မင်းဆွေက ပြောပါတယ်။
သူတို့ ၃ယောက်ကို “အမြဲရှုံးနေတဲ့ စက်သုံးဆီဆိုင်တွေ ပိတ်ရေး၊ ငွေချေးသူ ဘယ်သူမှန်းမသိတဲ့ ကျောင်းကားနဲ့ လူနာမည်ပေါက် ပြည်သူ့ရှယ်ယာ” ဆောင်းပါး နဲ့ပတ်သက်ပြီး တရားစွဲဆိုတာဖြစ်ပါတယ်။
အောက်တိုဘာ ၁၀ ရက်နေ့မနက်မှာတော့ အမှုဖွင့်ခံထားရတဲ့ သတင်းသမားသုံးဦးဟာ တာမွေရဲစခန်းမှာ သွားရောက်အဖမ်းခံခဲ့ပါတယ်။ ဒီကိစ္စနဲ့ပတ်သက်ပြီး တာမွေရဲစခန်းက ရဲမှူးသိန်းဝင်းကို ဖုန်းဆက်မေးမြန်းခဲ့ပေမယ့် ပြန်လည်ဖြေဆိုခြင်းမရှိခဲ့ပါဘူး။
ဆောင်းပါးမှာပါဝင်တဲ ဦးမြင့်သောင်းဆိုတဲ့ အမည်အောက်မှာ ပြည်သူ့ဘဏ္ဍာ ရှယ်ယာထည့်ဝင်ထားခြင်း မဟုတ်သဖြင့် မမှန်မကန် မြန်မာ့ဆောက်လုပ်ရေးနှင့် ဖွံ့ဖြိုးရေး အများနှင့် သက်ဆိုင်သော ကုမ္ပဏီတာဝန်ရှိသူများ၊ ရှယ်ယာဝင်များစိတ်တွင် ထိတ်လန့်ခြင်း၊ ကြောက်ခြင်း၊ ထူထောင်ထားသော ကုမ္ပဏီကို အများပြည်သူ အယုံအကြည် ပျက်စေခြင်းတို့ အပြင် ရန်ကုန်တိုင်းဒေသကြီး အစိုးရအဖွဲ့ကို ပြည်သူများက အကြည်ညိုပျက်ပြီး အယုံအကြည်မဲ့ကာ အများပြည်သူက အစိုးရကို ပြစ်မှုကျူးလွန်လာအောင် ပြုလုပ်ခြင်း ဖြစ်တယ်လို့ တရားစွဲထားကြောင်း တာမွေမြို့နယ်၊ တရားသူကြီးက တရားခွင်မှာ ပြောပါတယ်။
နိုင်ငံတော်အကြည်အညိုပျက်စေမှု ပုဒ်မ ၅၀၅ (ခ)ဟာ အာမခံ မရတဲ့ပုဒ်မဖြစ်ပြီး တရားစွဲဆိုခံထားရတဲ့ အဲဒီသတင်းသမား ၃ ယောက်ဟာ အချုပ်ထဲမှာ ထိန်းသိမ်းခံနေရင်း အမှုကို ရင်ဆိုင်သွားရမှာဖြစ်ပါတယ်။
