တောဝက်ဘောလုံးအသင်းကို အာဂျင်တီးနားသမ္မတ တွေ့ဆုံ

ထိုင်းနိုင်ငံ ချင်းရိုင်ခရိုင်က ဂူထဲမှာ ပိတ်မိခဲ့ပြီး ပြန်လွတ်မြောက်လာတဲ့ တောဝက်ဘောလုံးအသင်းကို အာဂျင်တီးနား သမ္မတ မော်ရီစီယို မက်ခရီကိုယ်တိုင် အောက်တိုဘာလ ၉  ရက်က သမ္မတနန်းတော်မှာ ဧည့်ဝတ်ပြုခဲ့ပါတယ်။ အာဂျင်တီးနား သမ္မတနဲ့ ဒုသမ္မတ ဂယ်ဘရီယယ်လာ မီချက်တီတို့က ထိုင်းလူငယ်လေးတွေကို ရုတ်တရက် အံ့အားသင့်အောင် စီစဉ်ခဲ့တာဖြစ်ပြီး ဘောလုံးအသင်းဟာ မြို့တော် ဗျူနိုအေရီးစ်မှာရှိတဲ့ ကာဆာ ရိုဆာဒါ သမ္မတနန်းတော်ကို လှည့်ပတ်ကြည့်ရှုခဲ့ပါတယ်။ သူတို့ အာဂျင်တီးနားကို ရောက်ရှိလာချိန်မှာ နိုင်ငံတကာ အိုလံပစ်ကော်မီတီ အိုင်အိုစီ ဥက္ကဋ္ဌ သောမတ်စ်ဘက်ခ်ျနဲ့ ဗျူနိုအေရီးစ် မြို့တော်ဝန် ဟိုရာစီယို ရိုဒရီကွက်ဇ် လာရက်တာ တို့က ကြိုဆိုခဲ့ပါတယ်။ အောက်တိုဘာ ၆ ရက်နေ့မှာတော့ ဗျူနိုအေးရီးစ်မြို့တော်မှာရှိတဲ့ နွေရာသီ လူငယ်အိုလံပစ် အားကစားပွဲတော်မှာ တောဝက်ဘောလုံးအသင်းကို နိုင်ငံတကာ အိုလံပစ်ကော်မီတီက ဂုဏ်ပြုခဲ့ပြီးနောက်မှာ ခုလို သမ္မတကိုယ်တိုင် တွေ့ဆုံနှုတ်ဆက်ခဲ့တာပါ။ အသက် ၁၁ နှစ်ကနေ ၁၇ နှစ်ကြား လူငယ်လေးတွေနဲ့ အသက် ၂၅ နှစ်အရွယ် နည်းပြ အီကာပိုလ် ချန်တာဝမ်တို့ဟာ ဒီနှစ် ဇွန် ၂၃ ရက်နေ့က ချင်းရိုင်းခရိုင်က ထမ်လွန်ဂူထဲမှာ ပိတ်မိနေခဲ့ပြီး ဇူလိုင် ၁၀ ရက်နေ့မှာ အားလုံးကို ကယ်ထုတ်နိုင်ခဲ့တဲ့ကိစ္စကြောင့် တကမ္ဘာလုံးက အာရုံစိုက်မိခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up