မြင်းခြံ မဲစာရင်း ကြည့်ရှုသူမရှိဟု ရပ်ကွက်အုပ်ချုပ်ရေးမှူးပြော
DVB
·
October 9, 2018
မြင်းခြံမြို့နယ်မှာ ဒုတိယအကြိမ် မဲစာရင်းကြေညာထားပေမယ့် လာရောက် ကြည့်ရှုမယ့်သူ မရှိဘူး ဖြစ်နေတယ်လို့ ရပ်ကွက်အုပ်ချုပ်ရေးမှူးက ပြောပါတယ်။
လာမယ့် နိုဝင်ဘာ ၃ ရက်နေ့ ကျင်းပပြုလုပ်မယ့် ကြားဖြတ်ရွေးကောက်ပွဲအတွက် မန္တလေးတိုင်းဒေသကြီး မြင်းခြံမြို့နယ်ရဲ့ လစ်လပ်နေရာဖြစ်တဲ့ ပြည်သူ့လွှတ်တော် (၁) နေရာအတွက် ယှဉ်ပြိုင်အရွေးခံမှာ ဖြစ်ပါတယ်။
အမှတ် (၁၀) ရပ်ကွက် အုပ်ချုပ်ချုပ်ရေးမှူး ဦးစိန်ဝင်းမောင်က "ခု ကျင်းပပြုလုပ်မယ့် ကြားဖြတ်ရွေးကောက်ပွဲ စိတ်ဝင်စားသူ အားနည်းပါတယ်။ ပထမအကြိမ် မဲစာရင်းကြေညာတုန်း ကတော့ အနည်းငယ်လာရောက် ကြည့်ရှုသူရှိသေးတယ်။၊ ယခု ဒုတိယအကြိမ် မဲစာရင်းကြေညာထားတာ ၁ ပတ်ကျော်ရှိလာခဲ့ပေမယ့် လာရောက်ကြည့်ရှုသူ တဦးမှ မရှိဘူး” လို့ သူက ဆိုပါတယ်။
မြင်းခြံမြို့နယ်မှာတော့ လာမယ့် ကြားဖြတ်ရွေးကောက်ပွဲအတွက် မဲပေးပိုင်ခွင့်ရှိသူ ၂၂၀၀၀၀ ကျော်ရှိပြီး၊ မဲရုံပေါင်း ၂၆၈ ရုံ ထားရှိမှာလည်း ဖြစ်ပါတယ်။
မြင်းခြံမြို့နယ် ရွေးကောက်ပွဲကော်မရှင် ဥက္ကဋ္ဌ ဦးစိန်ဌေးဝင်းက "ကျနော်တို့ ကော်မရှင် အနေနဲ့ မဲစာရင်းတွေကို အနီးစပ်ဆုံးဖြစ်အောင် စာရင်းပြုစုပေးထားတာပါ၊ မဲစာရင်းကို ကြည့်ရှုသူ အားနည်းတာက ဘယ်ပါတီတွေဖြစ်ဖြစ် ကောင်းကောင်း စည်းရုံး လှုံ့ဆော်ပေးဖို့ အဓိကအရေးကြီးပါတယ်၊ တချို့ကျေးရွာတွေက စိတ်ဝင်စားမှုရှိကြပါတယ်၊ ယှဉ်ပြိုင်ကြမယ့် ပါတီတွေ သေချာစည်းရုံးပေးဖို့က အရေးကြီးတာပါ” လို့ ဒီဗွီဘီ ကိုပြောပါတယ်။
မြင်းခြံမြို့နယ်မှာ လစ်လပ်နေရာ ဖြစ်တဲ့ ပြည်သူ့လွှတ်တော် ၁ နေရာအတွက် အမျိုးသား ဒီမိုကရေစီအဖွဲ့ချုပ်ပါတီ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ လူ့ဘောင်သစ် ဒီမိုကရက်တစ်ပါတီ၊ ပြည်သူ့အလုပ်သမားပါတီတို့ ဝင်ရောက်ယှဉ်ပြိုင် အရွေးခံသွားမှာလည်း ဖြစ်ပါတယ်။
ကြားဖြတ်ရွေးကောက်ပွဲမှာ လစ်လပ် ၁၃ နေရာအတွက် နိုင်ငံရေးပါတီ ၂၄ ခုမှ ၆၂ ဦးနဲ့ တစ်သီးပုဂ္ဂလကိုယ်စာလှယ်လောင်း ၇ ဦး၊ စုစုပေါင်း ၆၉ ဦး ယှဉ်ပြိုင်မှာဖြစ်ပြီး အမျိုးသားဒီမိုကရေစီအဖွဲ့ချုပ် တါတီတည်းသာ နေရာအပြည့် ယှဉ်ပြိုင်သွားမှာလည်း ဖြစ်ပါတယ်။
သတင်း - ရီရီထွန်း (မြင်းခြံ)