A d v e r t i s e m e n t With Us

ဂျပန်-မြန်မာ ပူးပေါင်းပြီး Japonica ဆန် စမ်းသပ်စိုက်ပျိုး၍ ပြည်ပတင်ပို့ရေး လုပ်နေ

 ဂျပန်- မြန်မာနှစ်နိုင်ငံ ပူးပေါင်းပြီး Japonica ဆန်အမျိုးအစားတမျိုးကို မြန်မာနိုင်ငံမှာ စမ်းသပ်စိုက်ပျိုးပြီး ပြည်ပနိုင်ငံတွေကို တင်ပို့ရောင်းချဖို့  လုပ်ဆောင်နေပါတယ်။ ဂျပန်နိုင်ငံ ပို့ကုန်ကုန်သွယ်ရေးသုတေသနအဖွဲ့ JETRO ရဲ့ ဥက္ကဋ္ဌ ဖြစ်သူ မစ္စတာ ဟီရိုယူကီ အီရှာဂီက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့  ဂျပန်မှာ တွေ့ဆုံစဉ် ပြောခဲ့တာ ဖြစ်ပါတယ်။ မစ္စတာ ဟီရိုယူကီ အီရှာဂီက သီလ၀ါစက်မှုဇုန်မှာ ဂျပန်နိုင်ငံရဲ့ ရင်းနှီးမြှုပ်နှံမှုနဲ့ပတ်သက်လို့လည်း “သီလ၀ါစက်မှုဇုန်မှာ စီးပွားရေးကုမ္ပဏီပေါင်း ၁၀၀ နီးပါး လုပ်ငန်းများ လုပ်ကိုင်လျက်ရှိပြီး  ထက်ဝက်ကျော်ဟာ ဂျပန်ကုမ္ပဏီများဖြစ်တယ်၊၊ သီလ၀ါစက်မှု ဇုန်မှာ လက်ရှိ အလုပ်အကိုင်ပေါင်း ၁၀၀၀၀ ကျော် ဖန်တီးပေးနိုင်ခဲ့တယ်၊ မြန်မာနိုင်ငံမှာ ရင်းနှီးမြှုပ်နှံမှုဥပဒေသစ်တွေ ပြဋ္ဌာန်းတာအပါအ၀င် ရင်းနှီးမြှုပ်နှံမှုလွယ်ကူ ချောမွေ့စေဖို့ ဆောင်ရွက်ပေးမှုတွေကြောင့် ၂၀၁၇ ခုနှစ်အတွင်း မြန်မာနိုင်ငံမှာ ဂျပန်နိုင်ငံက သွားရောက်ရင်းနှီးမြှုပ်နှံမှုပမာဏဟာ စံချိန်တင်များပြားခဲ့တယ်” လို့ ပြောပါတယ်။ ဒါ့အပြင် မြန်မာနိုင်ငံအနေနဲ့ အာရှဒေသမှာ အလားလာကောင်းများရှိတဲ့ နိုင်ငံဖြစ်လို့ မြန်မာနိုင်ငံမှာ  ပိုမိုရင်းနှီးမြှုပ်နှံနိုင်ဖို့ ကြိုးပမ်းဆောင်ရွက်သွားမယ်လို့လည်း ပြောပါတယ်။ JETRO ဟာ ဂျပန်နိုင်ငံ စီးပွားရေး၊ ကုန်သွယ်ရေးနဲ့  စက်မှုဝန်ကြီးဌာနရဲ့ ပံ့ပိုးမှုနဲ့ ကုန်သွယ်ရေးနဲ့ ရင်းနှီးမြှုပ်နှံမှုမြှင့်တင်ရေးလုပ်ငန်းများကို ဆောင်ရွက်နေပြီး မြန်မာနိုင်ငံမှာ ရုံးခွဲဖွင့်လှစ်ထားပါတယ်။ မြန်မာနိုင်ငံနဲ့ ကုန်သွယ်ရေးနဲ့ ရင်းနှီးမြှုပ်နှံမှုမြှင့်တင်ရေး လုပ်ငန်းတွေကို ပူးပေါင်းဆောင်ရွက်နေပြီး JETRO ရုံးခွဲတွေ အာရှမှာ  ၂၇ ခု ဖွင့်ထားပါတယ်။

A d v e r t i s e m e n t With Us

More News
Up