A d v e r t i s e m e n t With Us

ဘန်ကောက်မြို့လယ်ခေါင် ပစ်ခတ်မှု နိုင်ငံခြားသား ၂ ဦးသေဆုံး၊ ၃ ဦးဒဏ်ရာရ

ထိုင်းနိုင်ငံ၊ ဘန်ကောက်မြို့၊ ရာ့ခ်ျဒေ၀ီနယ်မြေ ပရဒူနမ့်ဈေးကြီးအနီးမှာ မနေ့ညက လူငယ်အချင်းချင်း ခိုက်ရန်ဖြစ်ပြီး သေနတ်တွေနဲ့ ပစ်ခတ်တဲ့အတွက် ကမ္ဘာလှည့်ခရီးသည်တွေ သေဆုံးဒဏ်ရာရခဲ့ကြပါတယ်။ အိန္ဒိယနိုင်ငံသားအများစုပါဝင်တဲ့ ကမ္ဘာလှည့်ခရီးသည်တွေဟာ အောက်တိုဘာ ၇ ရက်နေ့ ည  ၈ နာရီခွဲလောက်က စားသောက်ဆိုင်တဆိုင်မှာ ၀င်ရောက်စားသောက်ပြီး လာကြိုမယ့် ကားကို စောင့်ဆိုင်းနေစဉ် လူငယ်တစု ပြေးလွှားရင်း ပစ်ခတ်လာရာက လူအုပ်ထဲ ကျည်ဆန်ထိမှန်ပြီး ထိခိုက်ဒဏ်ရာရခဲ့ကြတာပါ။ ဒဏ်ရာရတဲ့ အိန္ဒိယနိုင်ငံသား ၃ ဦး၊ လာအို ၁ ဦးနဲ့ ထိုင်း ၁ ဦးတို့ကို ဆေးရုံပို့ဆောင်ခဲ့ရာမှာ ဒဏ်ရာပြင်းထန်တဲ့ အိန္ဒိယ ၁ ဦးနဲ့ လာအို ၁ ဦး သေဆုံးသွားတယ်လို့ ဖယားထိုင်းနယ်မြေရဲစခန်း တာဝန်ရှိသူက သတင်းထောက်တွေကို ပြောပါတယ်။ အခင်းဖြစ်နေရာအနီးမှာ ၉ မမ နဲ့ ၁၆ မမ ကျည်ခွံများစွာ တွေ့ရှိရပြီး မြို့လယ်ခေါင်တိုက်ပွဲလိုဖြစ်ခဲ့ကြောင်း၊ လူငယ်တွေမှာ တဖက်က ၂၀ ကျော်၊ အခြား တဖက် ၃ ဦးသာ ရှိပေမယ့် သေနတ်ပါရှိတယ်လို့ ထိုင်းအမျိုးသားရဲတပ်ဖွဲ့မှ ရဲမှူးကြီး ဆူရချေ့ခ်ျ ဟတ်ဖန်းက သတင်းထောက်တွေကို ပြောပါတယ်။ ခိုက်ရန်ဖြစ်ပွားသူ လူငယ်တွေကို ညတွင်းချင်း လိုက်လံစုံစမ်းရှာဖွေရာမှာ အဓိက သေနတ်နဲ့ပစ်သူ လူငယ် ၃ ဦးကို ဘယ်သူဘယ်ဝါဆိုတာ သိရှိရပြီး ဒီနေ့မနက် အိမ်တွေမှာ သွားဖမ်းခဲ့ကြောင်း၊ ဒါပေမယ့် လူငယ်တွေရှိမနေလို့ တရားရုံးကနေ ၀ရမ်းထုတ်ပေးဖို့ စီစဉ်နေ ကြောင်း၊  ခိုက်ရန်ဖြစ်ပွားရတဲ့ အကြောင်းရင်းနဲ့ အခြားလူငယ်တွေကိုလည်း ဆက်လက်စုံစမ်းဖော်ထုတ်နေတယ်လို့ ရဲမှူးကြီးက ပြောပါတယ်။ သေဆုံးသူတွေမှာ ခိုက်ရန်ဖြစ်ပွားသူ လူငယ်တွေနဲ့ လုံးဝပတ်သက်နေသူ မဟုတ်ကြောင်း၊ သူတို့ထိခိုက်နစ်နာမှုတွေအတွက် ဆောင်ရွက်ပေးသွားမှာဖြစ်သလို ဒဏ်ရာရ နိုင်ငံခြားသားတွေကိုလည်း သွားရောက်ကြည့်ရှုအားပေးကာ  ဆေးဆက်ကုနိုင်ဖို့အတွက် နေထိုင်ခွင့်ဗီဇာ ထပ်တိုးပေးဖို့ ညွှန်ကြားထားတယ်လို့ ရဲမှူးကြီးက ပြောသွားပါတယ်။

A d v e r t i s e m e n t With Us

More News
Up