အာရှပါရာဂိမ်းပြိုင်ပွဲတွင် ရေကူးအားကစားတွင် အောင်မြင့်မြတ်က ငွေတံဆိပ် ဆွတ်ခူး

အာရှပါရာဂိမ်းပြိုင်ပွဲ တတိယနေ့ထိတော့ ရေကူးအားကစားနည်းကနေ အောင်မြင့်မြတ်က ငွေတံဆိပ် တဆုဆွတ်ခူးပေးနိုင်ခဲ့ပြီး နိုင်ငံအလိုက် အဆင့် ၁၅ နေရာမှာ ရပ်တည်နေပါတယ်။ နိုင်ငံပေါင်း ၄၃ နိုင်ငံကနေ မသန်စွမ်း အားကစားသမားပေါင်း ၂၈၀၀ ကျော် ဝင်ရောက်ယှဉ်ပြိုင်နေတဲ့ ဒီပြိုင်ပွဲမှာ မြန်မာနိုင်ငံက အားကစားနည်း ၄ မျိုးနဲ့ ဝင်ရောက်ယှဉ်ပြိုင်ပါတယ်။ ပြေးခုန်ပစ်၊ ရေကူး၊ စစ်တုရင်၊ ထိုင်လျက်ဘော်လီဘော အားကစားနည်းတို့ကနေ ကစားသမား ၂၆ ဦးနဲ့သွား ရောက်ယှဉ်ပြိုင်နေတာပါ။ မြန်မာမသန်စွမ်း အားကစားအဖွဲ့တွေဟာ နှစ်စဉ်နှစ်တိုင်း ဆုတံဆိပ်တွေနဲ့ လွဲချော်ခြင်းမရှိဘဲ နိုင်ငံဂုဏ် ဆောင်နေသူတွေလည်း ဖြစ်ပါတယ်။ နိုင်ငံလိုက် ထိပ်ဆုံးနေရာမှာတော့ တရုတ်နိုင်ငံက ရွှေ ၁၀ခု၊ ငွေ ၅ခု၊ ကြေး ၃ ခုနဲ့ ရပ်တည်နေပြီးတော့ ဂျပန်၊ ဥဇဘက်ကစ္စတန်၊ ဟောင်ကောင်၊ ဖိလစ်ပိုင်၊ တို့ရပ်တည်နေပါတယ်။ အရှေ့တောင်အာရှနိုင်ငံတွေဖြစ်တဲ့ အိမ်ရှင် အင်ဒိုနီးရှားက အဆင့် ၆၊ ဗီယက်နမ်ကအဆင့်၇၊ လာအိုနဲ့ စင်ကာပူက အဆင့် ၈ နဲ့ ထိုင်းတို့ကအဆင့် ၁၂နေရာမှာ ရပ်တည်လျက်ရှိပါတယ်။ ဓာတ်ပုံ-Win Maw Aung

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up