မောင်တောရှိ စာသင်ကျောင်းများကို သြစတြေးလျသံတမန်အဖွဲ့ ကွင်းဆင်းလေ့လာ
DVB
·
October 7, 2018
ရခိုင်ပြည်နယ်၊ မောင်တောခရိုင်အတွင်း ကမ္ဘာ့ဘဏ်နဲ့ WFPအဖွဲ့က ထောက်ပံပေးထားတဲ့ စာသင်ကျောင်းတွေရဲ့ အခြေအနေကို မြန်မာနိုင်ငံဆိုင်ရာ သြစတြေးလျသံရုံး တာဝန်ရှိသူတွေက ကွင်းဆင်းလေ့လာခဲ့ပါတယ်။
သံရုံး ပထမအတွင်းဝန် အက်စ်သာပါရီနဲ့အဖွဲ့ကဟာ အောက်တိုဘာလ ၃ ရက်မှာ မောင်တောမြို့နယ်ရှိ လောင်းဒုံ(နတလ)ရွာ မူလွန်ကျောင်း၊ အမှတ်(၂)မူလွန်ကျောင်းနဲ့ ဘူသီးတောင်မြို့နယ်ရှိ ခထိလှ အ.လ.ကကျောင်းတို့မှာ လက်ရှိ ကျောင်းသားဦးရေနဲ့ ကျောင်းဆောင် လုံလောက်မှု ရှိ၊မရှိ၊ ကျောင်းရဲ့ လိုအပ်ချက်၊ အရင်နှစ် ကျောင်းသားဦးရေနဲ့ လက်ရှိကျောင်းသားဦးရေတို့ကို စစ်ဆေးကာ ကျောင်းသားတွေကို သင်ကြားပြသနေတဲ့ အခြေအနေ တွကို လေ့လာစုံစမ်းမေးမြန်းခဲ့ကြပါတယ်။
ဘူးသီးတောင်မြို့နယ် လက်ထောက်ပညာရေးမှူး ဦးတင်အောင်မိုးက “WFP project ကတော အခုနည်းသွားပါပြီ။ လွန်ခဲ့တဲ့ ၁၀ နှစ်လောက်ကတော့ ကျယ်ပြန့်စွာရှိခဲ့ပါတယ်။ သူတို့ကကျောင်းဆရာတွေကို ဆန်ပေးပြီးခန့်ထားတာရှိသလို မူလတန်းကလေးတန်း ကျောင်းသားတွေကို ဆန်ထောက်ပံ့ပေးတာရှိတွေ ရှိခဲ့ပါတယ်။ အဆောက်အအုံ လှူဒါန်းထား တာကတော့ ၁၀ ဆောင်လောက်ရှိခဲ့ပါတယ်။”လို့ ပြောပါတယ်။
သြစတြေးလျသံတမန်အဖွဲ့ဟာ အောက်တိုဘာ ၂ ရက်နေ့မှာ ဘူသီးတောင် အောက်တိုဘာ ၃ ရက်နေ့မှာ မောင်တောနဲ့ အောက်တိုဘာ ၄ ရက်နေ့မှာ ရသေ့တောင်မြို့ရှိ စာသင်ကျောင်းတွေကိုလည်း လေ့လာခဲ့ကြပါတယ်။
သတင်း- ဗညား