အင်္ဂပူမြို့နယ် တိုင်းလွှတ်တော်ကိုယ်စားလှယ်ကို ရေလုပ်သား ၉၀၀ ခန့် ဆန္ဒပြ
DVB
·
October 2, 2018
ဧရာဝတီတိုင်း၊ အင်္ဂပူမြို့နယ်နဲ့ ဟင်္သာတမြို့နယ်ကြားက ငဝန်မြစ်ကောအင်းကို မြို့နယ် ငါးလုပ်ငန်းဦးစီးနဲ့ပေါင်းပြီး ဘုံစားအင်းကနေ ပယ်ဖျက်ခဲ့တဲ့အတွက် ကျေးရွာပေါင်း ၂၈ ရွာက ဒေသခံ ၉၀၀ နီးပါးဟာ အင်္ဂပူမြို့နယ် အမှတ် ၂ တိုင်းဒေသကြီး လွှတ်တော်ကိုယ်စားလှယ်ကို ဒီကနေ့ မနက်က ဆန္ဒပြခဲ့ကြပါတယ်။
ဆုံကုန်းမြစ်ကောအင်းကို ဘုံစားအင်းအဖြစ် ဒေသခံတွေ ရှာဖွေစားသောက်ခွင့်ရ ရခဲ့ပေမယ့် အခုနှစ်မှာတော့ အင်္ဂပူမြို့နယ်ရှိရေလုပ်သားအစုအဖွဲ့ကို လုပ်ပိုင်ခွင့်ချထားပေး လိုက်တဲ့အတွက် အင်းကိုမှီခိုနေရတဲ့ကျေးရွာ ၂၈ ရွာက ရေလုပ်သားများ စားဝတ်နေရေး အခက်တွေ့နေတာကြောင့် အခုလိုဆန္ဒဖော်ထုတ်ရတာလို့ ဒေသခံတွေက ပြောပါတယ်။
“စက်လှေပေါ်အသံချဲ့စက်နဲ့တင်ပြီး ချောင်းရိုးတလျောက်ရှာဖွေ စားသောက်နေတဲ့သူတွေ အကုန်ပြန်တက်ပေးပါအော်တော့မှ ဒီချောင်းရိုးဟာ ပြည်သူ့ဘုံစားအင်းအဖြစ်ကနေ အစုအဖွဲ့ပိုင် အင်း ဖြစ်သွားတာကို သိတော့တယ်”လို့ ဆန္ဒပြပွဲဦးဆောင်သူ ဦးတင်ဝင်းက ပြောပါတယ်။
ငဝန်မြစ်ကောအင်းဟာ င၀န်မြစ်ရေစီးကြောင်းပြောင်းလဲဖို့ တူးဖော်ဖောက်လုပ်မှုကြောင့် ပေါ်ပေါက်လာတဲ့ မြစ်ကောအင်းတစ်ခုဖြစ်ပြီး အကျယ်အ၀န်း ဧက ၃၀၀၀ ကျော်ရှိကာ ဟင်္သာတနဲ့ အင်္ဂပူနယ်ခြားမှာတည်ရှိသည့် အင်းတစ်အင်းဖြစ်ပါတယ်။
၂၀၁၃ မတိုင်ခင်က အခုလိုတင်ဒါချထားပေးခဲ့ရာမှာ လုပ်ကိုင်သူတွေက ဆုံကုန်း ငဝန်မြစ်ဝမြစ်ဆုံမှာ ဇာစိမ်းနဲ့ အလုံပိတ် မြင်းဝန်းဆင်ပြီး ငါးဖမ်းဆီးတာတွေ ပြုလုပ်ခဲ့ပြီး ငါးဖမ်းဖို့အတွက် ခြုံချတာ၊ နွားခေါင်းမြှုပ်တာ၊ နွားသေမြှုပ်တာတွေ ပြုလုပ်ခဲ့တဲ့အတွက် ငဝန်မြစ်ရေကို မှီခိုသောက်သုံးခဲ့ရတာကြောင့် ကလေးငယ်တွေ ဝမ်းလျောတာ၊ သေဆုံးတာတွေ ရှိခဲ့ပါတယ်။
ဒါကြောင့် ၂၀၁၃ ခုနှစ်မှာ တင်ဒါအင်းကနေ ပယ်ဖျက်ခဲ့တာကြောင့် မြစ်ကော တလျောက်တချို့နေရာတွေမှာ နွေစပါးစိုက်ပျိုးတာ၊ CP အစေ့ထုတ်ပြောင်း စိုက်ပျိုးတာတွေ နှစ်စဉ်ပြုလုပ်ခဲ့ပြီး စိုက်ပျိုးရေးလုပ်ကိုင်သူတွေနဲ့ တံငါလုပ်ကိုင်သူတွေ အဆင်ပြေခဲ့တယ်လို့ ဒေသခံပြောပါတယ်။
အင်္ဂပူမြို့နယ် ငါးလုပ်ငန်းဦးစီးမှူး ဒေါ်မော်မော်ဝင်းက “ကျမတို့ ငါးလုပ်ငန်း ဦးစီးဌာန အနေနဲ့ ဥပဒေလုပ်ထုံးလုပ်နည်း ညွှန်ကြားချက်တွေကို ကျော်လွန်ပြီး ဘာမှမလုပ်ခဲ့ပါဘူး”လို့ ပြောပါတယ်။
ရေလုပ်သားတွေဟာ ငဝန်မြစ်ကောအင်းကို မူလပြည်သူ့ဘုံစားအင်းအဖြစ် ပြန်လည်သတ်မှတ်ပေးရေး၊ အမှန်တကယ်လုပ်ကိုင်နေသော ရေလုပ်သားငယ်တွေ လုပ်ခွင့်ရရှိရေး၊ တိုင်ကြားစာအပေါ် ဧရာဝတီတိုင်းအစိုးရအဖွဲ့က ဥပဒေနှင့်အညီ အမြန်ဆုံးဖြေရှင်းပေးရေး၊ အရေးယူဖို့ ကြံ့ကြာနေတဲ့ တာဝန်ရှိသူတွေ နုတ်ထွက်ပေးရေး စတာတွေကို အင်္ဂပူမြို့အတွင်း လှည့်လည်တောင်းဆို ဆန္ဒပြခဲ့ကြပါတယ်။
သတင်း - မြမင်းဦး (ပုသိမ်)