A d v e r t i s e m e n t With Us

ထိပ်သီးနှစ်သင်း တွေ့ဆုံပွဲ ချဲလ်ဆီး ၁-၁ လီဗာပူး (ရုပ်သံဟိုက်လိုက်)

စနေနေ့ရဲ့နောက်ဆုံးပွဲစဉ်လည်းဖြစ် အကောင်းဆုံးပွဲတပွဲလည်း ဖြစ်တဲ့ ချဲလ်ဆီးနဲ့ လီဗာပူးတို့ပွဲစဉ်မှာ ၁ ဂိုးစီ သရေကျသွားပါတယ်။ ၆ ရက်အတွင်း ဒုတိယအကြိမ် တွေ့ဆုံခဲ့တဲ့ ဒီနှစ်သင်းဟာ လူစာရင်းအပြည့်နဲ့ ပွဲထွက်လာခဲ့ပြီး ခရာဘောင်ဖလားရှုံးထွက်မှာ ပွဲပြီးကာနီးမှ လီဗာပူးကို အသည်းခွဲခဲ့တဲ့ ဟာဇက်ကပဲ ဦးဆောင်ဂိုးသွင်းယူပေးခဲ့ပါတယ်။ ဒီဂိုးဟာ ဟာဇက်အတွက် ပရီးမီးယားလိဂ် ၇ ပွဲမှာ ၆ ဂိုးမြောက်လည်း ဖြစ်လာပါတယ်။ ဒီနေ့ပွဲမှာတော့ ဧည့်သည်လီဗာပူးတို့ ရလဒ်ကောင်းရရှိဖို့ ကြိုးစားကစားခဲ့ပေမယ့် ချဲလ်ဆီးအသင်းကပဲ ထိန်းချုပ်သွားနိုင်ပါတယ်။ ဒါပေမယ့် ပွဲပြီးခါနီး မိနစ်ပိုင်းအလိုမှာ ရှကွီရီပေးပို့မှုကနေ လူစားဝင် စတာရစ်ခ်ျက ၂၅ ကိုက်အကွာကနေ အပြင်းကန်သွင်းပြီး ချေပဂိုး ရယူသွားခဲ့လို့ လီဗာပူးတို့ ဒီရာသီ ရှုံးပွဲမရှိ စံချိန်ကို ဆက်ထိန်းပြီး မန်စီးတီးအသင်းနဲ့အမှတ်တူ ဒုတိယနေရာမှာ ဆက်လက်ရပ်တည်နိုင်ခဲ့ပါတယ်။ စတာရစ်ခ်ျဟာ လီဗာပူးအသင်းအတွက် ၄ မိနစ်သာ ကစားခဲ့ရပေမယ့်လည်း ၁ ဂိုး သွင်းယူပေးနိုင်ခဲ့တာဖြစ်ပါတယ်။ ပွဲစဉ်ရဲ့ အကောင်းဆုံးကစားသမားဆုကိုတော့ ဟာဇက်ကရရှိသွားပြီး သူ့ရဲ့တောက်ပနေတဲ့ ခြေစွမ်းကို ဆက်လက်ထိန်းသိမ်းထားနိုင်တယ်ဆိုတာကိုလည်း ပြသနိုင်ခဲ့ပါတယ်။

A d v e r t i s e m e n t With Us

More News
Up