ချန်ပီယံလိဂ်ပွဲစဉ် မန်စီးတီး ၁ – ၂ လိုင်ယွန် (ရုပ်သံဟိုက်လိုက်)

ချန်ပီယံလိဂ် အုပ်စု အက်ဖ် အဖွင့်ပွဲစဉ်အဖြစ် မန်စီးတီးနဲ့ လိုင်ယွန်တို့ မနေ့ညကယှဉ်ပြိုင်ရာ လိုင်ယွန်က အိမ်ရှင် မန်စီးတီးကို ၂ ဂိုး ၁ ဂိုးနဲ့ အနိုင်ရသွားပါတယ်။ ဒီပွဲမှာ မန်စီးတီးနည်းပြ ဂွါဒီယိုလာ ပွဲပယ်ခံထားရတဲ့အတွက် ကွင်းအတွင်း ကြီးကြပ်ခွင့်မရဘဲ လက်ထောက်နည်းပြ အာတီတာကပဲ အနီးကပ် ညွှန်ကြားနိုင်ခဲ့တာပါ။ မန်စီးတီးအသင်းဟာ စတာလင်၊ ဂျီးဆပ်စ်၊ ဘာနာဒိုဆေးလ်ဗား၊ ဒေးဗစ်ဆေးလ်ဗား၊ ဖာနန်ဒင်ဟို၊ ဂန်ဒိုဂန်၊ ဒဲ့ဖ်၊ လာပေါ်တေး၊ စတုန်းစ်၊ ဝေါ်လ်ကာ၊ အီဒါဆန်တို့နဲ့ ပွဲထွက်လာခဲ့ပါတယ်။ အိမ်ရှင် မန်စီးတီးအသင်းက ဘောလုံးပိုင်ဆိုင်မှု ၇၀ ရာခိုင်နှုန်းအထိ ရယူနိုင်ခဲ့သလို ထိုးဖောက်ကန်သွင်းခွင့်မှာလည်း အသာစီးရခဲ့ပေမယ့် ဧည့်သည် လိုင်ယွန်အသင်းရဲ့ တန်ပြန်တိုက်စစ်ဆင်မှုတွေကို မထိန်းနိုင်ဘဲ ဂိုးတွေ ပေးခဲ့ရတာပါ။ လိုင်ယွန်အသင်းအတွက် ပွဲချိန် ၂၆ မိနစ်မှာ ကောနက်၊ ၄၃ မိနစ်မှာ ဖက်ကီယာတို့က ဂိုးတွေသွင်းပြီး ပထမပိုင်းမှာ ၂ ဂိုး ဂိုးမရှိနဲ့ ဦးဆောင်ထားနိုင်ခဲ့ပါတယ်။ ပထမပိုင်းမှာ နှစ်ဂိုးပေးလိုက်ရတဲ့ မန်စီးတီးအသင်းဟာ ဒုတိယပိုင်းမှာ ဆာနေး၊ အဂွေရိုနဲ့ မာရက်ဇ်တို့ကိုထည့်ပြီး တိုက်စစ်အားမြှင့်ခဲ့ပါတယ်။ မန်စီးတီးအတွက် တလုံးတည်းသော ချေပဂိုးကိုတော့ ပွဲချိန် ၆၃ မိနစ်မှာ ဘာနာဒိုဆေးလ်ဗားက သွင်းယူပေးခဲ့ပါတယ်။ အုပ်စု အက်ဖ် တခြားပွဲစဉ်မှာတော့ ရှက်တာဒိုးနက်နဲ့ ဟော့ဖန်ဟိမ်းတို့ ၂ ဂိုးစီ သရေကျသွားပါတယ်။ ဒီအုပ်စုက တပွဲစီကစားပြီးချိန်မှာ လိုင်ယွန်က သုံးမှတ်နဲ့ အုပ်စုကို ဦးဆောင်ထားနိုင်ပြီး မန်စီးတီးကတော့ အမှတ်မရသေးဘဲ အုပ်စုအောက်ဆုံးမှာ ရပ်တည်နေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up